قوعام • 04 ناۋرىز، 2021

مەملەكەتتىك تىلدە ازىرلەنگەن زاڭ جوباسى

8 رەت كورسەتىلدى

اقپارات جانە قوعامدىق دامۋ ءمينيسترى ايدا بالاەۆا جانە پارلامەنت دەپۋتاتتارى، ساراپشىلار، ازاماتتىق قوعام وكىلدەرىنىڭ قاتىسۋىمەن «قوعامدىق باقىلاۋ تۋرالى» زاڭ جوباسىن تالقىلاۋ بويىنشا ونلاين رەجىمدە دوڭگەلەك ۇستەل ءوتتى.

ايدا بالاەۆانىڭ ايتۋىنشا، ازىرلەنگەن زاڭ جوباسى – بۇل بارلىق مۇددەلى تاراپتار، سونىڭ ىشىندە ساراپشىلار، زاڭگەرلەر، قۇقىق قورعاۋشىلار، قوعام قايراتكەرلەرى كىرەتىن جۇمىس توبى مۇشەلەرىنىڭ ۇجىمدىق ەڭبەگى.

سونداي-اق ول زاڭ جوباسىن ازىرلەۋ كەزىندە قوعام وكىل­دەرى­نىڭ قاعيداتتىق ۇستانىم­دارى تولىق ەسكەرىلگەنىن اتاپ ءوتتى. زاڭ جوباسىنا سايكەس قو­عام­دىق باقىلاۋدى جۇزەگە اسى­­راتىن تۇلعالار توبى ايتار­لىقتاي كەڭەيتىلىپ، ولار­دىڭ ىشىنە قازاقستان رەسپۋبلي­كا­سى­نىڭ ازاماتتارى مەن كوم­مەر­تسيالىق ەمەس ۇيىمدار كىردى.

سونىمەن قاتار قوعام وكىلدەرىنىڭ ۇسىنىستارى بو­يىنشا قوعامدىق باقى­لاۋ وبەكتىلەرىنىڭ تىزبەسىنە بيۋدجەت قاراجاتىن الاتىن زاڭدى تۇلعالار ەنگەن بولاتىن. زاڭ جوباسىندا قوعامدىق باقىلاۋدىڭ بىرقاتار ماڭىزدى قاعي­داسى بەكىتىلگەن، ولار­دىڭ ىشىندە الۋان ءتۇرلى نىساندار، ادامنىڭ جانە ازاماتتىڭ كونستيتۋتسيالىق قۇقىقتارىن، بوستاندىقتارى مەن زاڭدى مۇددەلەرىن ساقتاۋ، جاريا­لىلىق، اشىقتىق، قوعامدىق باقى­لاۋ­دى جۇزەگە اسىرۋدىڭ زاڭدىلىعى قام­تىلادى.

زاڭ جوباسىن تالقىلاۋ بارىسىندا قازاقستاننىڭ ادام قۇقىقتارى جونىندەگى ۋاكىلى ەلۆيرا ءازىموۆا زاڭ جو­باسىنىڭ ازاماتتىق قوعام ءۇشىن ماڭىزدىلىعىن جانە قوعامدىق باقىلاۋدى زاڭنامالىق رەتتەۋ قاجەتتىلىگىن ايتتى.

زاڭ جوباسىن ازىرلەۋشى­لەر­دىڭ سوزىنە قاراعاندا، اتال­عان زاڭ جوباسىنىڭ ەرەكشە­لىگى – ول مەم­لەكەتتىك تىلدە ازىر­لەنۋىندە. زاڭدى ازىرلەۋگە ل.ن.گۋميلەۆ اتىن­داعى ەۇۋ قۇقىق جانە سالىستىرمالى قۇقىقتانۋ عزي ديرەكتورى، زاڭ عىلىمدارىنىڭ كانديداتى قازىبەك داۋىتاليەۆ بەلسەندى قاتىسۋدا.

ءوز سوزىندە ق.داۋىتاليەۆ: «زاڭ جوباسى قوعامدىق باقى­لاۋ­دى جۇزەگە اسىرۋدىڭ نەگىز­دەرىن قامتيدى جانە قوعام وكىلدەرىنە قوعامدىق باقى­لاۋدى جۇزەگە اسىرۋعا قاتىسۋى ءۇشىن بارلىق جاعداي جاسايدى»، دەدى.

ءوز كەزەگىندە، پارلامەنت ءماجى­لىسىنىڭ دەپۋتاتى ەرلان سايروۆ زاڭ جوباسىنىڭ ساپالى ازىرلەنگەنىن جەتكىزدى. سونداي-اق دەپۋتات زاڭ جو­باسى پارلامەنت ءماجىلىسى قابىر­عاسىندا قوعام وكىلدەرىنىڭ قاتى­سۋىمەن بەلسەندى تۇردە تالقى­لا­ناتىنىنا سەنىمىن ءبىلدىردى.

تالقىلاۋ بارىسىندا بەل­گىلى ساراپشىلار مەن ازا­مات­تىق قوعام وكىلدەرى ايگۇل سولوۆەۆا، زاۋرەش بات­تالوۆا، راحىم وشاقباەۆ، سەرىك بەركامالوۆ، ەۆگەني جوۆ­تيس جانە باسقالار ءسوز سوي­لەدى. ءىس-شارا سوڭىندا مينيستر كەزدەسۋدىڭ بارلىق قاتى­سۋ­شىسىنا زاڭ جوبا­سىن ازىرلەۋگە بەلسەندى قاتىس­قاندارى ءۇشىن العىسىن ءبىلدىردى.

 

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار