پرەزيدەنت • 03 ناۋرىز، 2021

مەملەكەت باسشىسى: اياۋلى ارۋلارىمىزدىڭ جەتىستىكتەرى – بۇكىل حالىقتىڭ مەرەيى

1127 رەت كورسەتىلدى

مەملەكەت باسشىسى قاسىم-جومارت توقاەۆ «ايەلدەردىڭ ەكونوميكالىق مۇمكىندىكتەرىن كەڭەيتۋ جونىندەگى شارالار مەن قۇرالدار» اتتى كونفەرەنتسياعا قاتىسۋشىلارعا بەينەۇندەۋ جولدادى، دەپ حابارلايدى Egemen.kz

قۇرمەتتى كونفەرەنتسياعا قاتىسۋشىلار، قىمباتتى حانىمدار!

شۋاقتى كوكتەم مەرەكەسى قارساڭىندا ءوتىپ جاتقان بۇل كونفەرەنتسيانىڭ بارشامىز ءۇشىن ماڭىزى زور.

ويتكەنى، اياۋلى ارۋلارىمىزدىڭ جەتىستىكتەرى – بۇكىل حالىقتىڭ مەرەيى.

بۇگىندە ەلىمىزدىڭ قىز-كەلىنشەكتەرى ءتۇرلى سالادا قىزمەت ەتىپ، تابىسقا جەتۋدە.

بۇل – سىزدەرگە ءتان ەڭبەكقورلىق پەن ىسكەرلىكتىڭ ايقىن كورىنىسى.

ايەلدەردىڭ قوعامداعى ءرولىن كەڭەيتە ءتۇسۋ – مەملەكەتىمىزدىڭ الدىندا تۇرعان نەگىزگى مىندەتتىڭ ءبىرى.

وسىعان وراي، ناقتى شارالار قولعا الىندى.

قازىر باسشىلىق قىزمەتتەگى ايەلدەردىڭ قاتارى كوبەيىپ كەلەدى.

پارلامەنتتە سىزدەر ءۇشىن ارنايى كۆوتا بەرىلدى.

سونداي-اق، كاسىپكەرلىك باستامالارىڭىزدى قولداۋ ءۇشىن بىرقاتار جوبالار جۇزەگە اسىرىلدى.

سونىڭ ارقاسىندا ەلىمىزدەگى شاعىن جانە ورتا بيزنەس سالاسىندا ەڭبەك ەتەتىن ايەلدەردىڭ ۇلەسى 43 پايىزدان استى.

جەكە كاسىپكەرلەردىڭ تەڭ جارتىسىنان كوبى – وزدەرىڭىز سياقتى قىز-كەلىنشەكتەر.

ءبىز ەلىمىزدىڭ دامۋىنا بەلسەنە اتسالىسىپ جۇرگەن وسىنداي ىسكەر ارۋلارىمىزعا جان-جاقتى قولداۋ كورسەتەمىز.

تاياۋدا ايەلدەر كاسىپكەرلىگىن جانداندىرۋ ماقساتىمەن ەلىمىز بويىنشا 17 ورتالىق اشىلدى.

وسى ورتالىقتار سىزدەردىڭ بيزنەستەگى جاڭا يدەيالارىڭىزدى ىسكە اسىرۋ ءۇشىن جۇمىس جۇرگىزەتىن بولادى.

جالپى، بۇگىنگى باسقوسۋدا كوپتەگەن ماڭىزدى ۇسىنىس ايتىلارى انىق.

ونىڭ بارلىعى ايەلدەردىڭ ەل ەكونوميكاسىنداعى ءرولىن ارتتىرۋعا تىڭ سەرپىن بەرەدى دەپ سەنەمىن.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار