ەسكە سالا كەتۋ كەرەك, اگەنت بانك رەتىندە تاڭداپ الىنعان «ەۋرازيالىق بانك» اق ارقىلى «AsiaCredit Bank (ازياكرەديت بانك)» سالىمشىلارىنا كەپىلدىك وتەم تولەۋ 2021 جىلدىڭ 24 اقپانىندا باستالعان بولاتىن. ول 2022 جىلدىڭ 1 مامىرىنا دەيىن جالعاساتىن بولادى. وسى كورسەتىلگەن مەرزىم ىشىندە سالىمشىلار اگەنت بانكتىڭ بولىمشەلەرىنە بارىپ, وتەم الۋعا ءوتىنىش بەرە الادى. اگەنت بانكتىڭ بارلىق قالالارداعى فيليالدارى مەن بولىمشەلەرىنىڭ مەكەنجايلارى جانە جۇمىس ىستەۋ ءتارتىبى www.eubank.kz رەسمي سايتىندا قولجەتىمدى.
سالىمشىلار كەپىلدىك بەرىلگەن وتەمدى وزدەرىنە ىڭعايلى تاسىلمەن: اگەنت بانكتىڭ كاسساسىنان قولما-قول اقشامەن, سول اگەنت بانكتە بانك شوتىن (كارتوچكا) اشۋ نەمەسە كەز كەلگەن باسقا بانككە اۋدارۋ ارقىلى الۋعا قۇقىلى.
دەپوزيتتەر بويىنشا كەپىلدىكتەر جانە كەپىلدىك بەرىلگەن وتەمدى تولەۋ تۋرالى جالپى اقپاراتتار قوردىڭ www.kdif.kz سايتىندا قولجەتىمدى. سالىمشىلار اقىل-كەڭەس الۋ ءۇشىن 1460 تەلەفون ءنومىرى, سونداي-اق قدكبق سايتىنداعى چات, @kdif_ask تەلەگرام-چاتى, قوردىڭ Facebook جانە Instagram الەۋمەتتىك جەلىلەرىندەگى deposit.kz رەسمي پاراقشالارى, سونداي-اق info@kdif.kz ەلەكتروندىق پوشتاسى ارقىلى حابارلاسا الادى.
