اۆتوتۇراق 191 كولىككە ارنالعان. كەلۋشىلەر ءبىر ساعات ءۇشىن 100 تەڭگە تولەيدى. ول تاۋلىك بويى جۇمىس ىستەيدى.
«دەمالىس كۇندەرى «مەدەۋگە» باراتىن جۇرگىزۋشىلەر ىڭعايسىزدىققا تاپ بولىپ جاتادى. اۆتوتۇراقتا ورىن جەتپەيدى, كەشەنگە كىرەبەرىستەر قوقىسقا تولادى. اۆتوكولىك يەلەرىنە تولىق جابدىقتالعان اۆتوتۇراقتىڭ پايدا بولۋى جەكە كولىك قۇرالدارىن پايدالانۋ كەزىندە ىڭعايلى بولادى. سونىمەن تۇراق ەرەجەسىن بۇزاتىندار ازايادى», دەپ ءتۇسىندىردى كومپانيا وكىلدەرى.
اۆتوتۇراقتا قورشاۋلار, شلاگباۋم, حالىقارالىق ستاندارتتارعا سايكەس بەلگىلەر بار. اۆتوتۇراق اقىسىن پاركومات كومەگىمەن نەمەسە ونلاين-تولەمنىڭ بارلىق ءتۇرى – «الماتى تۇراقتارى» قولدانباسى, موبايل بانكينگ, QIWI تەرمينالدارى جانە SMS ارقىلى تولەۋگە بولادى.
