وڭتۇستىك قازاقستان وبلىسىنىڭ ورتالىعى – شىمكەنت قالاسىندا اۋزىمەن سۋرەت سالاتىن قىلقالام شەبەرى تۇرادى. بۇل تۋرالى «جەتىنشى» تەلەارنا حابارلادى.
شىمكەنت قالاسىنىڭ 31 جاستاعى تۇرعىنى اناتولي باۋەر سال اۋرۋىنا شالدىققالى ءوزىنىڭ جان دۇنيەسىن سۋرەت ارقىلى تۇسىندىرگىسى كەلدى. ونىڭ 27 جىل بۇرىنعى ەڭ العاشقى تۋىندىسى ءوزىنىڭ ەمدەۋشى دارىگەرىنە ارنالىپتى.
«مەن العاش رەت ءوزىمنىڭ دارىگەرىمدى سۋرەتتەدىم. ارينە, 4 جاستاعى تۋىندىم ءوز جاسىما ساي بولدى. دەگەنمەن, دارىگەرىم ءوزىن بىردەن تانىپ, مەنىڭ سۋرەتىمە جوعارى باعا بەردى. اياق-قولىم سالدانىپ قالسا دا, مەن ءوزىمنىڭ ونەرىمدى اۋزىم ارقىلى پاش ەتە الامىن. قالامدى تىستەپ, وسى كۇنگە دەيىن ءار ءتۇرلى تۋىندىلاردى سالدىم», - دەيدى ا. باۋەر.
سۋرەتشىنىڭ قابىلەتىنە ءتانتى بولعاندار, ارنايى تاپسىرىس بەرەدى ەكەن. قامكوڭىل جاننىڭ ەڭبەگىن ەلەۋسىز قالدىرعىسى كەلمەگەندەر, وعان اقشا ۇستاتاتىن كورىنەدى. وسىعان دەيىن اناتولي 5 رەت كورمەگە قاتىسىپتى.
« ۇلىمنىڭ وسىنداي دارىن يەسى بولعانىنا ءوز باسىم وتە قۋانىشتىمىن. وعان مەن ۇنەمى كومەكتەسەمىن. قاجەتىنىڭ بارلىعىن قامتاماسىز ەتىپ وتىرمىن. ونىڭ تۋىندىلارىن بىرگە تالقىلايمىز. كوبىنە جاڭادان سالىنعان سۋرەتكە العاشقى بولىپ, ءوزىم باعا بەرەمىن», - دەيدى سۋرەتشىنىڭ اناسى ليديا باۋەر.
باقىتبەك كەنەش ۇلى.
دەرەككوز: «جەتىنشى» تەلەارنا
فوتو: Subscribe. ru
