كوروناۆيرۋس • 03 ناۋرىز، 2021

قاۋىپتى ينفەكتسيامەن ەكى اي بويى اۋرۋحانادا جاتقان جۇكتى ايەل جازىلىپ شىقتى

153 رەت كورسەتىلدى

جۇكتى كەزىندە COVID-19 ينفەكتسياسىنا شالدىعىپ، وكپەسىنىڭ 90 پايىزى زاقىمدالىپ اۋرۋحاناعا تۇسكەن ايەل قاۋىپتى ينفەكتسيانى جەڭىپ شىقتى. ناۋقاستى ەمدەۋ ءۇشىن دارىگەرلەر جيىرما كۇن بويى ەكمو اپپاراتىن قوسىپ، ودان كەيىن ەكى اي بويى اۋرۋحانادا ەمدەدى، دەپ حابارلايدى Egemen.kz.

30 جاستاعى جۇكتى ايەل قالالىق جۇقپالى اۋرۋلار ورتالىعىنا 2020 جىلدىڭ 29 جەلتوقسانىندا جەتكىزىلگەن. اۋرۋحاناعا تۇسكەن كەزدەگى جاعدايى تىم اۋىر ەدى دەيدى دارىگەرلەر. وعان قوسا ناۋقاس جۇكتىلىكتىڭ 32-اپتاسىندا بولعان. 1 قاڭتار كۇنى تىنىس الۋ جەتىسپەۋشىلىگىنىڭ ءى-دارەجەسى، ينتوكسيكاتسيالىق سيندرومنىڭ بولۋىنا بايلانىستى جانساقتاۋ بولىمىنە جاتقىزىلادى. ال 5 قاڭتار كۇنى تىنىس الۋ جەتىسپەۋشىلىگى ءىى،ءىىى-دارەجەگە دەيىن تومەندەپ، جاساندى تىنىس الۋ اپپاراتىنا قوسىلعان.

«ىشتەگى شاراناعا قاۋىپ تونۋىنە بايلانىستى دارىگەرلەر 6 قاڭتار كۇنى جەدەل تۇردە «كەسىر تىلىگى» ارقىلى بوساندىرىپ العان. ومىرگە قىز بالاسى كەلدى. شاقالاقتان پتسر ساراپتاماسى الىنىپ، تەرىس ناتيجە كورسەتكەن سوڭ قالالىق پەريناتالدىق ورتالىققا اۋىستىرىلدى»، - دەيدى جۇقپالى اۋرۋلار ورتالىعىنىڭ دارىگەرى ايجان بايسەنگيروۆا.

اراعا بىرنەشە كۇن سالىپ ناۋقاستىڭ دەنساۋلىعى ناشارلاپ، وكپە زاقىمدانۋى 90 پايىزعا جەتۋىنە بايلانىستى رەسپۋبليكالىق دارەجەدە دارىگەرلەر كونسيليۋمى وتكىزىلدى. ناتيجەسىندە ناۋقاسقا ەكمو اپپاراتى قوسىلدى. دارىگەرلەردىڭ ايتۋىنشا، ەكمو اپپاراتى اۋىر حالدەگى ناۋقاستاردى ەمدەۋدە ناتيجە بولماعان جاعدايدا قولدانىلادى.

وسىلايشا جاڭا بوسانعان ايەلگە 20 كۇن بويى ەكمو اپپاراتى ارقىلى ەم جۇرگىزىلدى.

جۇرەك ورتالىعى دارىگەرلەرىنىڭ ايتۋىنشا، ەكمو اپپاراتى – وكپە قابىنىپ، جۇمىسى قاتتى ناشارلاعان كەزدە قاندى وتتەگىمەن قامتاماسىز ەتەدى. ياعني ادامنىڭ كۇرە تامىرلارى ارنايى تۇتىكشەلەر ارقىلى اپپاراتقا قوسىلىپ، ەكمو-عا قۇيىلعان قانعا قاجەت دەڭگەيدە وتتەگى بەرىلەدى. وسى اپپاراتپەن جۇرگىزىلگەن ەمنىڭ ارقاسىندا جاڭا بوسانعان ايەلدىڭ جاعدايى جاقسارعان. بۇل قۇرىلعى ناۋقاسقا دەر كەزىندە كومەك كورسەتۋگە مۇمكىندىك بەرگەن.

ايتا كەتەيىك، ناۋقاستىڭ ءومىرىن امان الىپ قالۋ ءۇشىن دارىگەرلەر ەكى اي بويى ۇزدىكسىز ەم جۇرگىزدى. وسىلايشا دەنساۋلىعى قالىپقا كەلگەن كەلىنشەك 1 ناۋرىز كۇنى اۋرۋحانادان شىقتى.

قالا تۇرعىنى ءومىرىن اراشالاپ قالعان شىمكەنت قالاسىنىڭ باس رەانيماتولوگى باتىر شامامۋتوۆ، قالالىق جۇقپالى اۋرۋلار ورتالىعىنىڭ اكۋشەرلىك بولىمىنە جاۋاپتى دارىگەر، انەستەزيولوگ-رەانيماتولوگ ايجان بەيسەنگيروۆا، قالالىق جۇرەك ورتالىعىنىڭ كارديوحيرۋرگيالىق انەستەزيولوگيا-رەانيماتسيا جانە قارقىندى تەراپيا ءبولىمىنىڭ مەڭگەرۋشىسى بەكجان پەرمەنوۆ سىندى بارشا اق حالاتتىلارعا ءوز العىسىن ءبىلدىردى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار