جاڭا جىلدان باستاپ تەمىر جول بيلەتىنىڭ باعاسى 7 پايىزعا قىمباتتايدى. بۇل تۋرالى «استانا» تەلەارناسى حابارلادى.
سوڭعى جەتى جىل ىشىندە تەمىر جول اقىسى 75 پايىزعا قىمباتتاپتى. ەندى جوعارىداعى حاباردى ەستىگەندەر الدىن الا بيلەت ساتىپ العان كورىنەدى. ال جاڭا جىلدان باستاپ «استانا-الماتى» باعىتىنا جولعا شىققاندار 448 تەڭگەنى ارتىق تولەيدى. «استانا-قاراعاندى» مەن «استانا-پەتروپاۆل» جولاۋشىلار پويىزىنىڭ بيلەت قۇنى دا 182 تەڭگەگە ءوستى.
«رەسەيدىڭ تاجىريبەسىنەن ۇلگى الساق ارتىقتىق ەتپەس ەدى. وندا تەمىرجول ارقىلى ىسكە اساتىن بىرقاتار جوبالاردى قازىنا قارجىلاندىرادى. ءتاريفتىڭ ءوسۋى وتاندىق تاۋار وندىرۋشىلەردىڭ باسەكەگە قابىلەتتىلىگىنە كەرى اسەر ەتۋدە. وسىعان وراي, قولداۋعا دەمەۋ بولاتىن ۇسىنىس ازىرلەپ جاتىرمىز», - دەيدى «قازاقستاندىق تاۋار وندىرۋشىلەر جانە ەكسپورتتاۋشىلار وداعىنىڭ» پرەزيدەنتى نيكولاي رودوستوۆەتس.
بىلتىر "قازاقستان تەمىر جولىنىڭ" ەنشىلەس كومپانياسى " جولاۋشىلار تاسىمالى" جول اقىنى الپىس پايىزعا ارتتىرامىز دەگەن بولاتىن. ارتىنان قۇزىرلى ورىن بۇل كورسەتكىشتى 13 پايىزعا ءتۇسىرتتى. ال بيىلعى قىمباتشىلىققا جانارماي, جارىق, سۋ باعاسىنىڭ ءوسۋى سەبەپ بولىپتى. ۆاگون جوندەۋ جۇمىستارىنا دا ءبىراز شىعىن كەتەتىن كورىنەدى.
باقىتبەك كەنەش ۇلى.
دەرەككوز: «استانا» تەلەارناسى
فوتو: goodfon. ru
