اتىراۋدا تەرىس ءدىني اعىمعا ەرۋدىڭ وكىنىشى تۋرالى سپەكتاكل قويىلدى
مۇنايلى وڭىردە تەرىس جولعا ءتۇسىپ, وكىنىشكە ۇرىنعان جاستار از ەمەس. سولاردىڭ ءبىرازى ءىستى بولدى. ەندى جاستاردى وسىنداي وكىنىشكە ۇرىندىراتىن اعىمداردان قالاي ساقتاندىرۋ قاجەت؟ وسى ساۋال بارشانى الاڭداتارى داۋسىز. ماحامبەت اتىنداعى قازاق دراما تەاترىنىڭ ديرەكتورى اسىلبەك ىقسانوۆتىڭ رەجيسسەرلىگىمەن قويىلعان «حاق جولى» دەپ اتالاتىن سپەكتاكل كوپتىڭ كوكەيىندەگى وسى ساۋالدىڭ كىلتىن اشتى دەۋگە بولادى.
اتىراۋدا تەرىس ءدىني اعىمعا ەرۋدىڭ وكىنىشى تۋرالى سپەكتاكل قويىلدى
مۇنايلى وڭىردە تەرىس جولعا ءتۇسىپ, وكىنىشكە ۇرىنعان جاستار از ەمەس. سولاردىڭ ءبىرازى ءىستى بولدى. ەندى جاستاردى وسىنداي وكىنىشكە ۇرىندىراتىن اعىمداردان قالاي ساقتاندىرۋ قاجەت؟ وسى ساۋال بارشانى الاڭداتارى داۋسىز. ماحامبەت اتىنداعى قازاق دراما تەاترىنىڭ ديرەكتورى اسىلبەك ىقسانوۆتىڭ رەجيسسەرلىگىمەن قويىلعان «حاق جولى» دەپ اتالاتىن سپەكتاكل كوپتىڭ كوكەيىندەگى وسى ساۋالدىڭ كىلتىن اشتى دەۋگە بولادى.
مۇندا مۇسىلمان ەلدەرىنىڭ بىرىنە ءدىني وقۋعا بارىپ, راديكالدى اعىمنىڭ قارماعىنا تۇسكەن قازاق جىگىتىنىڭ وكىنىشى ارقاۋ ەتىلگەن. قانداسىمىزدىڭ ومىرلىك كوزقاراسى وزگەرىپ, ءتىپتى وتباسىنان, اتا-اتاسىنان باس تارتادى. ءوزى وسكەن ورتانىڭ, ومىرگە اكەلىپ, ماپەلەگەن اتا-اناسىنىڭ اماندىعىن بىلۋگە جارامايدى. جات اعىمنىڭ جەتەگىنە ەرگەن قازاقتىڭ بەيكۇنا بالاسى تۇرمەگە تۇسەدى. پەرزەنتىنىڭ وكىنىشكە ۇرىندىرعان تاعدىرى اناسىنىڭ جۇرەگىنە ءزىل باتپان جۇك تۇسىرەدى. ءابجىلاننان بالاپانىن قورعاعان قارلىعاشتاي شىرىلداعان اناسى قۇسالىقتان ومىردەن وتەدى. ارادا بىرنەشە جىل وتكەندە عانا ءوزىنىڭ قاتەلىگىن تۇسىنگەن جاس جىگىتتىڭ وكىنىشتەن وزەگى ورتەنەدى.
– بۇل سپەكتاكلدىڭ ماقساتى – جاستارعا وي سالۋ. ەكسترەميستىك توپتار قىز-جىگىتتەردىڭ ساناسىن ۋلاپ, جات ارەكەتتەرگە يتەرمەلەپ, مەملەكەتتىڭ قاۋىپسىزدىگىنە قاتەر ءتوندىرىپ تۇر. ءبىزدىڭ ۇجىم ەلدى, جالپى جاستاردى وسىنداي قاۋىپتەن ساقتاندىرۋدى, ولارمەن كۇرەسۋگە ۇندەۋدى كوزدەدى, – دەيدى ەكى بولىمنەن تۇراتىن درامالىق تۋىندىنىڭ رەجيسسەرى اسىلبەك ىقسانوۆ.
ەندى الداعى كۇندەرى تەاتر ۇجىمى بۇل تۋىندىنى ءوڭىر اۋداندارى مەن كورشى وبلىستار جۇرتشىلىعىنا ۇسىنۋدى كوزدەپ وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
