قازاقستان • 02 ناۋرىز، 2021

عىلىمي سالانى جەتىلدىرۋ ماسەلەلەرى تالقىلاندى

7 رەت كورسەتىلدى

دەپۋتاتتار بۇگىن الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا عىلىم ماسەلەلەرى بويىنشا زاڭناماعا ەنگىزىلگەن تۇزەتۋلەردى تالقىلادى. وتىرىسقا سەناتور ناريمان تورەعاليەۆ توراعالىق ەتتى، دەپ حابارلايدى Egemen.kz.

عىلىمدى، عىلىمي-تەحنيكالىق سالانى جەتىلدىرۋگە جانە ونىڭ ناتيجەلەرىن كوممەرتسيالاندىرۋعا باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى پارلامەنت دەپۋتاتتارىنىڭ باستاماسىمەن ازىرلەنگەن بولاتىن.

ۇسىنىلىپ وتىرعان يننوۆاتسيالار عىلىمي زەرتتەۋلەردى رەسپۋبليكالىق بيۋدجەتتەن قارجىلاندىرۋعا مۇمكىندىك بەرەدى. بۇل قولدانبالى عىلىمي جاڭالىقتاردىڭ سانىن كوبەيتۋگە، سونداي-اق ەل ەكونوميكاسىن دامىتۋعا عىلىمنىڭ قوساتىن ۇلەسىن ارتتىرۋعا كومەكتەسەتىن بولادى.

وزگەرىستەر ەڭبەك قاتىناستارىنا دا اسەر ەتەدى. ەڭبەك كودەكسىنە ەنگىزىلەتىن وزگەرىستەرگە سايكەس مەملەكەتتىك ءبىلىم بەرۋ ۇيىمىنىڭ ءبىرىنشى باسشىسى مەن وقىتۋشىسىنا مەملەكەتتىك قىزمەتكە كىرۋ جانە بوس مەملەكەتتىك قىزمەتشى لاۋازىمىنا كونكۋرس وتكىزۋ ءتارتىبى قولدانىلمايتىن بولدى.

كوميتەتتىڭ كەڭەيتىلگەن وتىرىسىنا قاتىسۋشىلار زاڭ جوباسى قابىلدانعاندا عىلىم سالاسىندا مەملەكەتتىك رەتتەۋ جەتىلدىرىلەدى جانە وسى سالانىڭ باسەكەگە قابىلەتتىلىگىن ارتتىرۋعا ىقپال ەتەدى دەگەن ورتاق پىكىرگە كەلدى.

قۇجات پالاتانىڭ قاراۋىنا جىبەرىلدى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار