تۇركىستان وبلىسى پروكۋراتۋراسىنىڭ ارنايى پروكۋرورلارى قازاقستان رەسپۋبليكاسى قىلمىستىق كودەكسىنىڭ 190-ب. 4-ب. 1-ت. (الاياقتىق), 262-ب. 1, 2-ب. (ۇيىمداسقان توپتى قۇرۋ جانە وعان قاتىسۋ) بويىنشا قىلمىستىق ءىس اياسىنداعى سوتقا دەيىنگى تەرگەپ-تەكسەرۋدى اياقتادى.
پروكۋراتۋرانىڭ مالىمەتىنشە, تەرگەپ-تەكسەرۋ بارىسىندا 2024-2025 جىلدار ارالىعىندا شەتەل ازاماتى قازاقستان اۋماعىندا ارەكەت ەتىپ, ينتەرنەت جانە تەلەفون ارقىلى جاسالعان الاياقتىق جولىمەن 21 جابىرلەنۋشىگە جالپى سوماسى 125 ملن تەڭگەدەن استام ماتەريالدىق زالال كەلتىرگەن ۇيىمداسقان قىلمىستىق توپتى قۇرعانى جانە باسقارعانى انىقتالدى.
ستالكينگ پەن الاياقتىق قاتاڭ جازالانادى
«الاياقتىق ءموبيلدى بايلانىس قۇرالدارىن پايدالانا وتىرىپ, تەلەفون قوڭىراۋلارى ارقىلى جاسالعان. كۇدىكتىلەر وزدەرىن پوشتا ۇيىمدارى مەن بايلانىس وپەراتورلارىنىڭ قىزمەتكەرلەرى رەتىندە تانىستىرىپ, الداۋ جولىمەن ازاماتتاردىڭ اتىنا نەسيە راسىمدەپ, الىنعان اقشالاي قاراجاتتى يەمدەنگەن», دەلىنگەن حابارلامادا.
سوتقا دەيىنگى تەرگەپ-تەكسەرۋ بارىسىندا جابىرلەنۋشىلەرگە 20 ملن تەڭگە قايتارىلدى. كۇدىكتىلەردىڭ 3 اۆتوكولىك قۇرالىنا تىيىم سالىندى. قالعان زالال سوماسى سوت تارتىبىمەن ماجبۇرلەپ وندىرىلەتىن بولادى.
الماتىدا الاياقتىققا قاتىسى بار 17,6 مىڭ ينتەرنەت-رەسۋرس بۇعاتتالدى
20 كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسى سانكتسيالاندى. 2 كۇدىكتىگە حالىقارالىق ىزدەۋ جاريالاندى.
قىلمىستىق ءىس بويىنشا تەرگەپ-تەكسەرۋ اياقتالدى.
