تاعايىنداۋ • 02 ناۋرىز، 2021

اكتەر نۇركەن وتەۋىل جاڭا قىزمەتكە تاعايىندالدى

1330 رەت كورسەتىلدى

بۇگىن قازاقستان رەسپۋبليكاسى مادەنيەت جانە سپورت  ءمينيسترى اقتوتى رايىمقۇلوۆانىڭ بۇيرىعىمەن نۇركەن وتەۋىل ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاتر ديرەكتورىنىڭ شىعارماشىلىق ماسەلەلەر جونىندەگى ورىنباسارى قىزمەتىنە تاعايىندالدى، دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

نۇركەن ءاشىمحان ۇلى وتەۋىل 1976 جىلى 14 ماۋسىمدا الماتى وبلىسى، ۇيعىر اۋدانى، شوشاناي اۋىلىندا دۇنيەگە كەلگەن.

1994 جىلى ت.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتى «دراما جانە كينو اكتەرى» بولىمىندە  قر حالىق ءارتيسى كاۋكەن كەنجەتاەۆ پەن ەسىم سەگىزباەۆتىڭ شەبەرحاناسىندا ءبىلىم العان.

1998 جىلدان باستاپ ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا قىزمەت ەتەدى.

قر جاستار وداعى سىيلىعىنىڭ (2000)، «دارىن» جاستار سىيلىعىنىڭ (2006)، استانا قالاسى اكىمىنىڭ ارنايى سىيلىعىنىڭ (2012) يەگەرى.  

سوڭعى جاڭالىقتار

ۇقساس جاڭالىقتار