دەنساۋلىق ساقتاۋ مينيسترلىگى 2014 جىلى ەكىنشى دۇنيەجۇزىلىك جانە اۋعان سوعىسى ارداگەرلەرىنە ارنالعان قوسىمشا گوسپيتال اشۋدى جوسپارلاپ وتىر, دەپ حابارلايدى دەنساۋلىق ساقتاۋ مينيسترلىگىنىڭ ءباسپاسوز قىزمەتى.
دەنساۋلىق ساقتاۋ مينيسترلىگى 2014 جىلى ەكىنشى دۇنيەجۇزىلىك جانە اۋعان سوعىسى ارداگەرلەرىنە ارنالعان قوسىمشا گوسپيتال اشۋدى جوسپارلاپ وتىر, دەپ حابارلايدى دەنساۋلىق ساقتاۋ مينيسترلىگىنىڭ ءباسپاسوز قىزمەتى.
ەمدەۋ مەكەمەسى الماتىداعى ىشكى ىستەر مينيسترلىگىنىڭ گوسپيتالى بازاسىندا ارداگەرلەر مەن سولارعا تەڭەستىرىلگەن تۇلعالار ءۇشىن 90 توسەك-ورىنعا شاقتالىپ اشىلادى. جاڭا ەمدەۋ مەكەمەسىندە سۋمەن جانە بالشىقپەن, ەلەكترمەن جانە جارىقپەن ەمدەۋ, بالنەوتەراپيا جۇزەگە اسىپ, ەمدىك دەنەشىنىقتىرۋ سياقتى كومەك كورسەتىلەدى.
2010 جىلى وتان سوعىسى ءمۇگەدەكتەرىنە ارنالعان رەسپۋبليكالىق كلينيكالىق گوسپيتالدىڭ ۋاقىتشا جابىلىپ قالعانى بەلگىلى. بۇل ورايدا جاڭادان اشىلاتىن گوسپيتال الماتىنىڭ كامەنسكوە پلاتو اۋدانىندا ورنالاسقان كلينيكالىق گوسپيتالدىڭ جوعارعى قاباتىنىڭ قۇرىلىسى اياقتالعانشا توسەك-ورىنعا قاجەتتىلىكتى جاپپاق.
جالپى, «سالاماتتى قازاقستان» مەملەكەتتىك باعدارلاماسىنىڭ نەگىزگى مىندەتتەرىنىڭ ءبىرى مەديتسينالىق وڭالتۋ ءجانە پاللياتيۆتىك كومەك جۇيەسىن جەتىلدىرۋ بولىپ تابىلادى. ەلىمىزدە ارداگەرلەرگە ستاتسيونارلىق مەديتسينالىق كومەك ەكى ارناۋلى رەسپۋبليكالىق گوسپيتالدە كورسەتىلەدى. ونىڭ ءبىرى الماتىدا 90 ورىنعا, استانادا 80 ورىنعا ارنالعان ەمدەۋ مەكەمەلەرى. 8 وڭىردە وبلىستىق جانە قالالىق اۋرۋحانالار جانىندا 325 توسەككە لايىقتالعان ارناۋلى ءبولىمشەلەر ۇيىمداستىرىلعان. اۋداندىق, قالالىق, وبلىستىق جانە ءىرى كوپبەيىندى اۋرۋحانالاردا ارناۋلى پالاتالار قاراستىرىلعان.
دەنساۋلىق ساقتاۋ مينيسترلىگىنىڭ ءباسپاسوز قىزمەتى اعىمداعى جىلى رەسپۋبليكا ستاتسيونارلارىندا 1897 مۇگەدەك ءجانە ەكىنشى دۇنيەجۇزىلىك سوعىس ارداگەرىنىڭ, 3163 اۋعان سوعىسىنىڭ ارداگەرىنىڭ, سەمەي يادرولىق پوليگونىنان زارداپ شەككەن 50 700 ادام مەن چەرنوبىل اەس اپاتىن جويۋعا قاتىسقان 19000 ادامنىڭ ەمدەلىپ شىققانىن دا حابارلاپ وتىر.
«ەگەمەن-اقپارات».
