ADAM BOL AWARDS جۇلدەسىنىڭ قۇرىلتايشىسى – قوعام قايراتكەرى, قوعامدىق ماڭىزدى باستامالار قورىنىڭ جەتەكشىسى, ادەبيەت پەن ونەر سالاسىنداعى مەملەكەتتىك سىيلىقتىڭ لاۋرەاتى ءاليا نازارباەۆا.
ماراپاتتاۋ سالتاناتىنا الماتى قالاسى اكىمى باقىتجان ءابدىر ۇلى ساعىنتاەۆ, قر حالىق ءارتىسى ءجانيا اۋباكىروۆا, كينواكتريسا الميرا تۇرسىن, كومپوزيتور رەنات گايسين, قازنەت باتىرى, قوستانايلىق پوليتسيا قىزمەتكەرى امانتاي بايجانوۆ, گروسسمەيستەر جانە ءماسليحات دەپۋتاتى جانسايا ابدىمالىك قاتىستى.
ADAM BOL AWARDS قازاقستاندىق جۇلدەسى ەشقانداي قيىندىقتان قورىقپاي, ناعىز باتىرلىق كورسەتكەن ادامدارعا ارنالعان. جۇلدە لاۋرەاتتارى ادام بويىنداعى مارتتىك, جومارتتىق, ەرلىك, مەيىرىم مەن ادىلدىك, ماحاببات پەن دانالىق, سەنىم مەن ءۇمىت سياقتى اسىل قاسيەتتەرىمەن ەرەكشەلەندى. كوپشىلىكتىڭ داۋىس بەرۋى مەن جۇلدەنىڭ ساراپشىلار كەڭەسىنىڭ شەشىمى بويىنشا جەڭىمپاز اتانعان لاۋرەاتتار قاتارىندا نادير ومارعازيەۆ, قازاق ۇلتتىق ونەر ۋنيۆەرسيتەتى كوللەدجىنىڭ ستۋدەنتى يمانعالي بايمىرزا, نۇر-سۇلتان قالاسى, 7-سىنىپ وقۋشىسى, جان-جانۋارلاردى قورعاۋشى سەرگەي سنيگيرەۆ, الماتى. قازاقستاننىڭ ۇلتتىق گۆاردياسىنىڭ اسكەري قىزمەتكەرى اندرەي پەتروۆ, اقتوبە; اقبوتا امانعاليەۆا, اقتوبە قالاسى, كاسىپكەر; ەرجان امارحانوۆ, سەمەي قالاسى, گرەك-ريم كۇرەسىنىڭ جاتتىقتىرۋشىسى; ارداق بايماناسوۆ, اقتاۋ قالاسى, ەڭبەك ۇيىمداستىرۋ بويىنشا باس ينجەنەر; ارتەم بوروۆيكوۆ, وسكەمەن قالاسى, ستۋدەنت; الەكساندر شاحوۆ, تەمىرتاۋ قالاسى, وندىرىستىك الپينيست; الياكبار يۋلداشەۆ, تۇركىستان قالاسى, جۇمىسشى; الەكساندر جۋماباەۆ, پاۆلودار قالاسى, كاماز جۇرگىزۋشىسى بار.
ADAM BOL AWARDS قازاقستاندىق جۇلدەسىنىڭ سالتاناتتى ماراپاتتاۋ كەشىنندە 12 لاۋرەات ءوزارا جابىق داۋىس بەرۋ ارقىلى ارالارىنان ناعىز لايىقتى جەڭىمپازدى MYQTY ADAM اتاعىنا لايىق دەپ تاپتى. جۇلدەنىڭ ەڭ قۇرمەتتى اتاعىنا وسكەمەندىك ارتەم بوروۆيكوۆ لايىق دەپ تانىلدى. جەڭىمپازداردىڭ ارقايسىسى ءوز ومىرلەرىن قاۋىپكە تىگە وتىرىپ, ادام ءومىرىن قۇتقارىپ قالعان جاندارعا جۇلدە قۇرىلتايشىسى اتىنان 1 ملن تەڭگە قارجىلاي سىيلىق بەرىلدى.
لاۋرەاتتاردى قولداپ, جىلى لەبىز ءبىلدىرۋ ءۇشىن ماراپاتتاۋ كەشىنە قازاقستاننىڭ ەڭ جاس كومپوزيتورى ءنۇرالي بەيسەقوجا, Mezzo توبى, «سلاۆيانسكي بازار ۆ ۆيتەبسكە» بايقاۋىنىڭ جەڭىمپازى امرە, قازاقستاننىڭ ەڭبەك سىڭىرگەن قايراتكەرى مايرا مۇحاممەدقىزى, قازاقستاننىڭ ەڭبەك سىڭىرگەن قايراتكەرى سۇندەت بايعوجين جانە تاعى باسقالار قاتىستى.
جارتى جىلدان استام ۋاقىتقا سوزىلعان جۇمىس ناتيجەسىندە سايىن مۇراتبەكوۆتىڭ «تۇنگى جاۋىن», «اجە», ء«بىرىنشى قار», «قىسقى كەش», «جاستاردىڭ وتاۋى», «مۇقتاردىڭ بۇركىتى», تاعى دا باسقا اڭگىمەلەرى, پوۆەستەرى مەن نوۆەللالارى اعىلشىن تىلىنە اۋدارىلىپ, وسى جيناققا توپتاستىرىلىپ وتىر. جيناقتى اعىلشىن تىلىنە اۋدارعان اعىلشىن اۋدارماشىسى سايمون حوللينگسۆورد بولسا, رەداكتورى سايمون گەيگان. بۇل قوس اۆتوردىڭ پەن-كلۋبپەن جاساعان العاشقى جۇمىسى ەمەس. بۇعان دەيىن مۇحتار اۋەزوۆتىڭ پوۆەستەرى مەن اڭگىمەلەرى, ورالحان بوكەيدىڭ «كىسىكيىك», ساكەن ءجۇنىسوۆتىڭ «زاماناي مەن اماناي», تاعى دا باسقا قازاق كلاسسيكتەرىنىڭ كوركەم شىعارمالارى اعىلشىن تىلىنە اۋدارىلعانى بەلگىلى. باسىلىمدى كوركەم بەزەندىرگەن ديزاينەر مادينا نيازباەۆا. شىعارماشىلىق وكىلدەرىنىڭ زياتكەرلىك ىنتىماقتاستىعىن كەڭەيتۋ, حالىقارالىق ادەبي قوعامداستىققا قازاقستاندىق مادەنيەتتى دامىتۋ ماقساتىندا 1993 جىلى قۇرىلعان قازاق پەن-كلۋبى كۇنى بۇگىنگە دەيىن كوپتەگەن قازاق قالامگەرلەرىنىڭ شىعارمالارىن اعىلشىن تىلىنە اۋدارىپ, ناسيحاتىمەن اينالىسىپ كەلەدى. قازاق پەن-كلۋبى لوندونداعى بۇكىلالەمدىك جازۋشىلار قاۋىمداستىعى – حالىقارالىق پەن-كلۋبتىڭ مۇشەسى. يۋنەسكو-دا جانە بۇۇ-دا كەڭەسشىلىك مارتەبەسى بار.
كىتاپتىڭ تۇساۋكەسەر راسىمىنە سايىن مۇراتبەكوۆتىڭ ۇلى ءمادي سايىن ۇلى, قۇرالاي سايىنقىزى, سونىمەن بىرگە فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى سەرىك سەيدۋمانوۆ, قالامگەرلەر سماعۇل ەلۋباي, قۋاندىق تۇمەنباي, مەرەكە قۇلكەنوۆ, جۇسىپبەك قورعاسبەك, ءۇمىت تاجكەن, ەربول جۇماباەۆ, كينودراماتۋرگ ساتىبالدى نارىمبەتوۆ, كينورەجيسسەر سەرگەي ازيموۆ, ادەبيەت زەرتتەۋشىسى سۆەتلانا انانەۆا, تاعى باسقالار قاتىسىپ, جازۋشى شىعارماشىلىعىنا قاتىستى ويلارىمەن ءبولىستى.
حالىقارالىق قازاق پەن-كلۋبىنىڭ پرەزيدەنتى بيگەلدى عابدۋلليننىڭ ايتۋىنشا, الداعى ۋاقىتتا بۇل جيناق ء«بىز – قازاقتار... قازاق ادەبيەتىنىڭ كلاسسيكاسى» ۇزدىك شىعارمالار سەرياسىمەن جالعاسىن تابا بەرەتىن بولادى. 250-300 دانامەن باسىلاتىن قازاق قالامگەرلەرىنىڭ شىعارمالارى Amazon ينتەرنەت-دۇكەنىندە ورنالاستىرىلىپ, وكسفورد, كەمبريدج, لوندون ۋنيۆەرسيتتەرىنىڭ كىتاپحانالارىنان ورىن الۋدا. بۇل ءوز كەزەگىندە قازاق ادەبيەتىنىڭ الەمدىك قاۋىمداستىقتاعى بەدەلىن ارتتىرا تۇسەدى. وسى ورايدا وتاندىق ادەبيەتىمىزدىڭ وزىق ۇلگىلەرىن باتىس وركەنيەتى عانا ەمەس الەم تاني باستادى دەۋگە نەگىز بار. دەگەنمەن دە, ۇلتتىق ادەبيەتىمىزدى شەتەلدەردە ناسيحاتتاۋ ىسىنە ۇلكەن قولداۋ قاجەت. نارىقتىق ەكونوميكا جاعدايىندا كىتاپ رۋحاني قۇندىلىق قانا ەمەس, تاۋار رەتىندەگى دە ساپاسى جوعارى بولۋى كەرەك. وسى تۇرعىدان العاندا شىعارمالارىمەن بىرنەشە ۇرپاق سۋسىنداعان ۇلتتىق ادەبيەتىمىزدىڭ جاۋھارلارى الەمدىك قاۋىمداستىق اياسىندا ناسيحاتتالىپ جاتسا نۇر ۇستىنە نۇر.
