ايماقتار • 02 ناۋرىز، 2021

الماتى وبلىسىندا وتكەن جىلى 281،2 ملرد تەڭگەگە تاماق ونىمدەرى وندىرىلگەن

16 رەت كورسەتىلدى

الماتى وبلىسىندا اۋىل شارۋاشىلىعى ونىمدەرىن قايتا وڭدەۋ سالاسىندا 373 كاسىپورىن جۇمىس ىستەيدى. 2020 جىلدىڭ قورىتىندىسى بويىنشا 8 پروتسەنت وسىممەن بارلىعى 281،2 ملرد تەڭگەگە تاماق ونىمدەرى ءوندىرىلدى. مۇندا ءداندى داقىلدى، قانت قىزىلشاسىن، مايلى داقىلداردى، جەمىستەر مەن كوكونىستەردى، ەت پەن ءسۇتتى ءوندىرۋ جانە تەرەڭ وڭدەۋ بويىنشا ءىرى ەكوجۇيەلەر قالىپتاسۋدا. بۇل تۋرالى بۇگىن الماتى وبلىسىنىڭ اكىمى ا. ع. باتالوۆ ۇكىمەت وتىرىسىندا اگروونەركاسىپتىك كەشەندى دامىتۋدىڭ نەگىزگى باعىتتارى جانە ينۆەستيتسيالىق جوبالاردى ىسكە اسىرۋ تۋرالى سويلەگەن سوزىندە ايتتى، دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

وبلىس باسشىسىنىڭ ايتۋىنشا، وسىمدىك شارۋاشىلىعىندا ەگىس القاپتارىن ءارتاراپتاندىرۋ باعىتى قولعا الىنعان. وتكەن جىلى قانت قىزىلشاسى 2 مىڭ گەكتارعا (16،1 مىڭ گا)، جۇگەرى -  4،5 مىڭ گەكتارعا (86،3 مىڭ گا)، جەم-ءشوپ داقىلدارى 4،7 مىڭ گەكتارعا (250،8 مىڭ گا) ۇلعايتىلدى. سونداي-اق 2025 جىلعا قاراي 30 گەكتار الاڭدا 12 جوبانى ىسكە اسىرعاندا جىلىجاي كوكونىستەرىن ءوندىرۋ 52 مىڭ تونناعا دەيىن ۇلعايتىلاتىن بولادى. بۇل كورسەتكىش 2020 جىلى 35 مىڭ توننانى قۇراعان.

تاماق وندىرىسىندەگى ءىرى كاسىپورىنداردىڭ ءبىرى - "مارەۆەن فۋد" جشس. استىقتى تەرەڭ وڭدەۋ زاۋىتى قازىردىڭ وزىندە جاقىن جانە الىس 8 ەلگە 65 ءونىم ءتۇرىن ەكسپورتتايدى، 2020 جىلى بەسىنشى وندىرىستىك جەلى ىسكە قوسىلدى. ونىڭ قۋاتى جىلىنا 55 مىڭ توننا دايىن ونىمگە دەيىن جەتكىزىلدى.

سول سياقتى جەمىس-كوكونىس ونىمدەرىن ساقتاۋ قۋاتىن ارتتىرۋ ءۇشىن جالپى قۋاتى 21 مىڭ توننالىق ەكى جوبا - "فروسكو"، "يسسىك فۋد" جوبالارى ىسكە اسىرىلادى. وبلىس اۋماعىندا نىسانداردى ورنالاستىرۋ بويىنشا "باۋمان"، "تايسون فۋد" جانە باسقا دا ءىرى حالىقارالىق كومپانيالارمەن تىعىز جۇمىس جۇرگىزىلۋدە.

وڭىردە ون قۇس فابريكاسى جۇمىس ىستەيدى. ولاردا 2020 جىلى 85،1 مىڭ توننا قۇس ەتى، 994،8 ملن دانا جۇمىرتقا وندىرىلگەن. ال مال شارۋاشىلىعىندا 2025 جىلعا دەيىن 22 تاۋارلى ءسۇت فەرماسىن، 30 بورداقىلاۋ الاڭىن اشۋ جوسپارلانىپ وتىر.

الداعى بەس جىلعا اگروونەركاسىپ كەشەنىنىڭ ينۆەستيتسيالىق پورتفەلىندە جالپى سوماسى 138،4 ملرد تەڭگەگە 136 جوبا بار، ولاردى ىسكە اسىرۋ اۋىل شارۋاشىلىعىنىڭ جالپى ءونىمىن 1،3 ترلن تەڭگەگە دەيىن جەتكىزۋگە مۇمكىندىك بەرەدى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار