6 ناۋرىزدا العاشقى 13 ەر-ازامات كونستيتۋتسيالىق مىندەتىن ورىنداۋ ءۇشىن اتتانادى. قازىر ولار شاقىرۋ كوميسسياسىنىڭ وتىرىسىنان وتۋدە. وندا شاقىرۋ كوميسسياسىنىڭ توراعاسى مەن مەديتسينالىق كوميسسيا توراعاسىنىڭ قاتىسۋىمەن كانديداتتى قايتا تەكسەرۋ جۇرگىزىلەدى. ونىڭ قىزمەتىنىڭ ءموتيۆى مەن پسيحولوگيالىق كوزقاراسى تەكسەرىلەدى.
شىمكەنتتىڭ جەرگىلىكتى اسكەري باسقارۋ ورگاندارىندا اتاپ وتكەندەي, ەلىمىزدىڭ ءۇشىنشى مەگاپوليسىنىڭ جاستارى اسكەري قىزمەتكە بەلسەندى قىزىعۋشىلىق تانىتۋدا, سونىڭ ەسەبىنەن باسەكەلەستىك تۋىندايدى جانە تەك ۇزدىكتەر عانا اسكەرگە اتتانا الادى.
اسكەرگە شاقىرىلۋشىلار مەن لاۋازىمدى تۇلعالار اراسىندا كوروناۆيرۋستىق ينفەكتسيانىڭ تارالماۋى ءۇشىن جيناق پۋنكتتەردە مەديتسينالىق بەكەتتەر ورنالاستىرىلدى. وبلىستىق مەديتسينالىق كوميسسيالاردىڭ قۇرامىنا ينفەكتسيونيست دارىگەرلەر ەنگىزىلدى.
جاس بۋىن اسكەري بولىمدەرگە كەتەر الدىندا مىندەتتى تۇردە پتر-زەرتتەۋ ادىسىمەن COVID-19-عا زەرتحانالىق زەرتتەۋ جۇرگىزىلەدى. ال بولىمگە كەلگەننەن كەيىن جاستار ەكى اپتالىق كارانتينگە وقشاۋلانادى. كارانتين كەزىندە مەديتسينالىق تەكسەرۋ جانە الەۋمەتتىك-پسيحولوگيالىق زەرتتەۋ جۇرگىزىلەدى.
كەيىنگە قالدىرۋعا قۇقىعى بار اسكەرگە شاقىرىلۋشىلار ساناتىن كەڭەيتۋ دە ماڭىزدى جاڭالىق بولىپ تابىلادى. ەندى كەيىنگە قالدىرۋ قوسىمشا: پەداگوگتەرگە, ولاردىڭ بۇكىل جۇمىس كەزەڭىنە, سونداي-اق قۇقىق قورعاۋ ورگاندارىنىڭ ءبىلىم بەرۋ مەكەمەلەرىندە وقۋدان ءوتىپ جاتقان ادامدارعا بەرىلەتىن بولادى.
