ەكونوميكا • 02 ناۋرىز، 2021

قازاقستان 2020 جىلعى ەكونوميكالىق ەركىندىك رەيتينگىندە 39-ورىندى يەلەندى

13 رەت كورسەتىلدى

امەريكالىق زەرتتەۋ ورتالىعىنىڭ 2020 جىلعى ەكونوميكالىق ەركىندىك يندەكسى بويىنشا «مۇرا قورى» (Heritage Foundation) ەلدەر رەيتينگىندە قازاقستان ءوز كورسەتكىشتەرىن 20 پوزيتسياعا جاقسارتىپ، 180 ورىننىڭ ىشىنەن 39-ورىندى يەلەندى، دەپ حابارلايدى Egemen.kz.

Heritage Foundation قازاقستاننىڭ 2020 جىلعى رەيتينگتەگى پوزيتسياسىن جاقسارتۋ تۇرعىسىنان العاندا اناعۇرلىم ماڭىزدى وڭ سەرپىنى بار 10 ەلدىڭ بىرىنە اينالعانىن اتاپ ءوتتى.

وڭ سەرپىن فيسكالدىق تۇراقتىلىق، مەنشىك قۇقىعىن قورعاۋ، مەملەكەتتىك ورگانداردىڭ تيىمدىلىگى، مەملەكەتتىك شىعىستاردىڭ تيىمدىلىگى، بيزنەستىڭ بوستاندىعى، ساۋدا ەركىندىگى، سوت جۇيەسىنىڭ تيىمدىلىگى سەكىلدى كورسەتكىشتەر بويىنشا بايقالدى. تۇراقتى ديناميكا ينۆەستيتسيالار ەركىندىگى، قارجى سەكتورىنىڭ ەركىندىگى سياقتى كورسەتكىشتەر بويىنشا بايقالدى.

سالىستىرۋ ءۇشىن، 2020 جىلعى ەكونوميكالىق ەركىندىك يندەكسى بويىنشا ەلدەر رەيتينگىندە رەسەي فەدەراتسياسى 94-ورىندى، وزبەكستان رەسپۋبليكاسى 114-ورىندى، بەلارۋس رەسپۋبليكاسى 88-ورىندى، قىرعىز رەسپۋبليكاسى 81-ورىندى يەلەندى. ەكونوميكالىق ەركىندىك دەڭگەيى اسا جوعارى 5 ەلدىڭ قاتارىنا سينگاپۋر، گونكونگ، جاڭا زەلانديا، اۆستراليا، شۆەيتساريا كىردى.

«مۇرا قورى» (The Heritage Foundation) امەريكالىق زەرتتەۋ ورتالىعى جىل سايىن الەم ەلدەرىنىڭ ەكونوميكالىق ەركىندىگى تۋرالى ەسەپ شىعارادى. ەكونوميكالىق ەركىندىك يندەكسى (Index of Economic Freedom) – ءتيىستى رەيتينگتى قالىپتاستىراتىن ەكونوميكالىق ەركىندىك دەڭگەيىن باعالايتىن بىرىكتىرىلگەن كورسەتكىش.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار