ايماقتار • 02 ناۋرىز، 2021

ەرجان باباقۇماروۆ الماتى قالاسىنىڭ قازاقستان حالقى اسسامبلەياسى كەڭەسىنىڭ وتىرىسىن وتكىزدى

13 رەت كورسەتىلدى

الماتى قالاسى اكىمىنىڭ ورىنباسارى ەرجان باباقۇماروۆ قحا قوعامدىق قۇرىلىمدارىنىڭ، رەسپۋبليكالىق جانە قالالىق ەتنومادەني بىرلەستىكتەردىڭ مۇشەلەرىنىڭ، عىلىمي جانە شىعارماشىلىق زيالى قاۋىم، باق وكىلدەرىنىڭ قاتىسۋىمەن الماتى قالاسى قازاقستان حالقى اسسامبلەياسى كەڭەسىنىڭ وتىرىسىن وتكىزدى.

ەرجان باباقۇماروۆ قازاقستان حالقى اسسامبلەياسىنىڭ العىس ايتۋ كۇنىنىڭ ينستيتۋتسيوناليزاتسيالاۋداعى ءرولىن اتاپ ءوتىپ، قحا كەڭەسىنىڭ مۇشەلەرىنە ەتنوسارالىق كەلىسىمدى، بەيبىتشىلىك مادەنيەتى مەن قوعامداعى ديالوگتى، قازاقستان حالقىنىڭ بىرلىگىن نىعايتۋعا قوسقان ۇلەسى ءۇشىن الماتى قالاسىنىڭ اكىمى باقىتجان ساعىنتاەۆتىڭ اتىنان العىس حاتتار تابىس ەتتى.

وتىرىس بارىسىندا وتكەن جىلعى جۇمىس قورىتىندىلارى شىعارىلىپ، قالاداعى ەتنوسارالىق قاتىناستاردى دامىتۋ جونىندەگى كەشەندى شارالاردىڭ ىسكە اسىرىلۋ بارىسى جانە وسى باعىتتىڭ اعىمداعى مىندەتتەرى قارالدى. 2020 جىلى اسسامبلەيا 182 قايىرىمدىلىق ءىس-شاراسىن وتكىزدى، 9346 مۇقتاج ازامات پەن 2647 وتباسى 60 ملن تەڭگەدەن استام سوماعا كومەك پەن قولداۋ الدى. الماتى قالاسىندا ەتنوسارالىق قاتىناستاردى ودان ءارى دامىتۋ تۇجىرىمداماسىنىڭ جوباسى جانە ونى ىسكە اسىرۋ جوسپارى ازىرلەندى.

الماتى قالاسى قحا كەڭەسىنىڭ مۇشەلەرى العىس ايتۋ كۇنىنىڭ ماڭىزدىلىعىن اتاپ ءوتتى.

«العىس ايتۋ مەرەكەسى قازاق حالقىنىڭ قايىرىمدىلىعى مەن كەڭدىگىنىڭ ارقاسىندا ءوزارا تۇسىنىستىك، تۇراقتىلىق وشاقتارى جاعىلعان ءبىزدىڭ مەملەكەتتەگى مەيىرىمدىلىكتىڭ، ادامگەرشىلىكتىڭ دانىنە اينالۋى مۇمكىن. تاۋەلسىزدىكتىڭ العاشقى جىلدارىنان باستاپ ەلىمىزدە 130-دان استام ۇلت پەن ۇلىس بىرىكتى، ەلىمىزدە الەم حالىقتارىنىڭ دوستىعى مەرەكەسى، ءداستۇر دوستىعى مەرەكەسى، مادەنيەت دوستىعى مەرەكەسى قۇشاق جايا قارسى الدى. العىس ايتۋ كۇنى كوپۇلتتى قازاقستانداعى ەتنوستاردىڭ جالپى تاريحىن قۇرمەتتەۋ كۇنى، داستۇرلەرگە ادالدىق جانە الەۋمەتتىك ىنتىماقتاستىق پەن ءوزارا كومەكتى قولداۋ كۇنى اتاپ وتىلەدى. بۇل كۇندى مەيىرىمدىلىك، قول الىسۋ جانە رۋحاني داستۇرلەر كۇنى دەپ اتايدى»، - دەدى «احىسكا» تۇرىك ەتنومادەني ورتالىعى» رەسپۋبليكالىق قوعامدىق بىرلەستىگىنىڭ الماتى فيليالى توراعاسىنىڭ ورىنباسارى قازاقباي قاسىموۆ.

ەستەرىڭىزگە سالا كەتەيىك، بۇگىن الماتىدا ەتنومادەني بىرلەستىكتەر مەن ەرىكتىلەر كورپۋسىنىڭ قاتىسۋىمەن بىرقاتار قايىرىمدىلىق اكتسيالارى وتكىزىلىپ جاتىر. العىس ايتۋ كۇنىنە وراي وفلاين جانە ونلاين فورماتتاردا ءار ءتۇرلى دەڭگەيدەگى 100-دەن استام ءىس-شارالار وتۋدە.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار