كەشە ۇكىمەت ۇيىندە پرەمەر-مينيستر سەرىك احمەتوۆ ترەنتينودا (يتاليا) وتكەن ءححVى بۇكىلالەمدىك قىسقى ۋنيۆەرسيادا جۇلدەگەرلەرىن قابىلدادى. كەزدەسۋگە وسى ۋنيۆەرسيادادا التىننان القا تاققان تاتيانا وسيپوۆا, مارك ستاروستين, الەكساندر مالىشەۆ, سەرگەي مالىشەۆ, كۇمىس جۇلدەگەرلەر دامير رامازانوۆ, نۇرسۇلتان بەلگىباەۆ, قولا جۇلدەگەر ولگا ماندريك, سونداي-اق, جاتتىقتىرۋشىلار قۇرامى قاتىستى.
كەشە ۇكىمەت ۇيىندە پرەمەر-مينيستر سەرىك احمەتوۆ ترەنتينودا (يتاليا) وتكەن ءححVى بۇكىلالەمدىك قىسقى ۋنيۆەرسيادا جۇلدەگەرلەرىن قابىلدادى. كەزدەسۋگە وسى ۋنيۆەرسيادادا التىننان القا تاققان تاتيانا وسيپوۆا, مارك ستاروستين, الەكساندر مالىشەۆ, سەرگەي مالىشەۆ, كۇمىس جۇلدەگەرلەر دامير رامازانوۆ, نۇرسۇلتان بەلگىباەۆ, قولا جۇلدەگەر ولگا ماندريك, سونداي-اق, جاتتىقتىرۋشىلار قۇرامى قاتىستى.
پرەمەر-مينيستر سپورتشىلاردى قۇتتىقتاپ, ولارعا العىس حاتىن تاپسىردى. «مەملەكەت باسشىسى سپورتتىڭ بۇقارالىق تۇرلەرىن دامىتۋعا ەرەكشە ءمان بەرۋدە», دەپ اتاپ كورسەتتى سەرىك احمەتوۆ.
«ۇكىمەت تە بۇل ماسەلەگە ۇلكەن ءمان بەرەدى. ويتكەنى, سپورت دەگەنىمىز, بۇل – مەملەكەت دامۋىنىڭ نەگىزدەرىنىڭ ءبىرى. تەك سپورتپەن اينالىساتىن ۇلتتار ۇرپاقتارىنىڭ عانا بولاشاقتارى جارقىن بولماق», دەپ جالعادى ول ءسوزىن.
بۇكىلالەمدىك قىسقى ۋنيۆەرسيادا-2017 الماتىدا وتەتىندىگى بەلگىلى. سونداي-اق, قازاقستان 2022 جىلى وتەتىن قىسقى وليمپيالىق ويىنداردى وتكىزۋگە دە ءوتىنىم بەرىپ وتىر. «بۇل – ءبىز جۇزەگە اسىرۋعا ءتيىستى ماڭىزدى مىندەتتەردىڭ ءبىرى», دەدى ۇكىمەت باسشىسى وسى ماسەلەگە بايلانىستى.
سەرىك احمەتوۆ سپورتشىلارعا العىس ايتىپ, ولارعا تابىستار مەن سپورتتىق جەڭىستەر تىلەيتىندىگىن ءبىلدىردى.
سۇڭعات ءالىپباي,
«ەگەمەن قازاقستان».
