قوعام • 02 ناۋرىز، 2021

پەرزەنت سۇيمەي ادامنىڭ مەيىرى قانباس

21 رەت كورسەتىلدى

بۇرىن ەڭ سوڭعى ءۇمىت – ەكۇ ارقىلى پەرزەنتتى بولۋ كوبىنەسە باقۋاتتى نەمەسە ىشپەي-جەمەي اڭساتقان ءسابي جولىندا قاراجات جينايتىندارعا بۇيىرعان باق ەدى. ەندى ەلىمىزدە ەكستراكورپورالدى ۇرىقتاندىرۋ ۇدەرىسىنىڭ قولجەتىمدىلىگى ارتىپ كەلە جاتقانىن قۋانا حابارلاماس بۇرىن، ەلىمىزدە 11 مىڭنان استام ايەلدىڭ بەدەۋلىك ەسەبىندە تۇرعانىن ايتا كەتۋ كەرەك. بۇل رەسمي ستاتيستيكا عانا، شىندىعىنا كەلسەك، ءسابيلى بولۋدى اڭسايتىن وتباسىلار الدەقايدا كوپ.

سوندىقتان ەكۇ باعدارلاماسىنا 2021 جىلى بولىنگەن كۆوتا سانى 7 مىڭعا دەيىن كوبەيدى. بۇل كۆوتا بەرۋ كورسەتكىشتەرىن كەڭەيتۋگە، ولاردى الۋ كەزەگىنىڭ ازايۋىنا مۇمكىندىك بەرەدى. باعالاي بىلگەندەرگە بۇل دا باقىتتى بولۋ جولىندا مەملەكەت تاراپىنان جاسالىپ جاتقان وراسان دەمەۋ، قوماقتى قاراجات.

قازاقستاندا ەكستراكورپورالدى ۇرىق­تان­دىرۋ ۇدەرىسىنىڭ قولجەتىمدىلىگى ارتتى دەۋگە حاقىمىز بار. بۇرىن تەگىن مەدي­تسي­نالىق كومەك شەڭبەرىندە عانا جاسالاتىن جوعارى تەحنولوگيالىق قىزمەتتىڭ بۇل ءتۇرى 2020 جىلدان باستاپ مەديتسينالىق ساقتاندىرۋ پاكەتىنە ەنگەن بولاتىن.

«الەۋمەتتىك مەديتسينالىق ساق­تاندىرۋ قورى» كەاق الماتى قالا­لىق فيليالىنىڭ باسشىسى تىلەۋحان ابىلداەۆتىڭ ايتۋىنشا، ەكستراكورپورالدى ۇرىقتاندىرۋ باع­دارلاماسى 2010 جىلدان باستاپ مەم­لەكەتتىك تاپسىرىسپەن جۇزەگە اسىرىلىپ كەلدى. بيىل ەلىمىزدە 7 مىڭعا جۋىق ۇمىتكەر «اڭساعان ءسابي» ارنايى پرەزيدەنتتىك باعدارلاماسى شەڭبەرىندە ەكۇ جاساتىپ، اتا-انا باقىتىن سەزىنۋگە مۇمكىندىك الماق. «ماسەلەن، 2020 جىلى الماتى قالاسىندا 643 ەكۇ جاسالعان. وعان 563 ملن تەڭگە ءبولىندى. بيىل 1 238 مانيپۋلياتسيا جوسپارلانعان. وعان قاراستىرىلعان سوما 2 ەسە ارتىپ، 1،1 ملرد تەڭگەنى قۇراپ وتىر»، دەيدى فيليال ديرەكتورى.

بيىل وڭتۇستىك استانادا اتالعان باع­دار­لاماعا 7 مەديتسينا ۇيىمى قاتى­سىپ جاتىر. بارلىعى مەديتسينالىق ساقتاندىرۋ قورىمەن كەلىسىمشارت بەكىتكەن. بۇلار – «Private clinic» جشس، «اكۋشەرلىك، گي­نە­­كولوگيا جانە پەريناتولوگيا عى­لى­­مي ورتالىعى» اق، «PERSONA» جشس، «ەكومەد» فيرماسى» جشس، «رەپ­رودۋكتيۆتىك مەديتسينا ينستيتۋتى» جشس، «كلينيكا AMD» جشس، «نۇراي» ەكو كلينيك» جشس.

ەكۇ باعدارلاماسىنا قاتىسۋ ءۇشىن تىركەلگەن ەمحاناعا بارىپ ارنايى ەسەپكە تۇرۋ قاجەت. ءتيىستى كورسەتىلىمدەر بولعان جاع­دايدا دارىگەرلەر كۆوتاعا كەزەككە قويادى. كۆوتا جەرگىلىكتى قوعامدىق دەن­ساۋلىق باسقارماسىنداعى ارنايى كو­ميس­سيا شەشىمىمەن بەرىلەدى. وسى ارادا قوسالقى رەپرودۋكتيۆتىك ادىستەردى پاي­دالانۋ پروتسەسى دسم 2020 جىلى 15-جەلتوقسانداعى بۇيرىعى نەگىزىندە جۇ­زەگە اسىرىلاتىندىعىن ەسكە سالا كەتۋ كەرەك. بۇيرىقتا جاساندى ۇرىقتاندىرۋعا قويىلاتىن تالاپتار تولىق جازىلعان. ماسەلەن، ەكۇ باعدارلاماسىنا كۆوتا بويىنشا جاسى 18-42 ارالىعىنداعى سو­ماتيكالىق، ەندوكريندىك دەنساۋلىعى بىر­­قالىپتى ايەلدەر قاتىسا الادى. ان­تيميۋللەر گورمونى كورسەتكىشى (امگ) 1،0 نانوگرامم/ميلليليتردەن جوعا­رى، فولليكۋلوستيمۋلياتسيالىق گورمون (فسگ) كور­سەتكىشى 12-دەن تومەن، ال فول­ليكۋل­دار­دىڭ جالپى سانى التاۋدان كەم بولماۋى ءتيىس.

قالاي دەسەك تە، ەكستراكورپورالدى ۇرىق­تاندىرۋ ءادىسى – دۇنيە جۇزىندە بە­لەڭ الىپ جاتقان بەدەۋلىك كەسەلىنە قارسى كۇرەستىڭ ەڭ ءتيىمدى تاسىلدەرىنىڭ ءبىرى. الەم ەلدەرى بۇل ءادىستى پايدالانىپ كەلە جاتقانىنا 40 جىلدان اسقان، ال قازاقستاندا اتالعان پروتسەدۋرا 1996 جىلى قولدانىسقا ەندى. قازىرگى تاڭدا رەس­پۋبليكا بويىنشا 22 مىڭنان استام بالا وسى باعدارلاما ارقىلى دۇنيە ەسىگىن اشقان.

«ال نۇر-سۇلتان قالاسىندا بەدەۋلىك بويىنشا ەسەپتە تۇرعاندار سانى – 1 331. ءبىزدىڭ وتباسىن جوسپارلاۋ بولىمشەسى قرت كورسەتۋ – ەكۇ-عا دايىنداۋ جونىندەگى ۇيىمداستىرۋ-ادىستەمەلىك جانە ۇيلەستىرۋ ورتالىعى رەتىندە جەتەكشى ۇيىم. بيىل ەلورداعا 486 كۆوتا ءبولىندى. ازىرگە 200 كۆوتا بەرىلىپ، پاتسيەنتتەر دايىندالۋدا. وسى جىلى باستاپقى مەديتسينالىق-سانيتارلىق كومەك كورسەتۋ ۇيىمدارى بۇرىن قارالماعان جانە جەكە مەديتسينا ورتالىقتارىنا قارالعان بەدەۋلىك كورسەتكىشتەرى بار پاتسيەنتتەردى انىقتاپ، بەلسەندى جۇمىس جۇرگىزۋدە»، دەيدى نۇر-سۇلتان قالاسىنداعى №2 قالالىق كوپ­بە­يىندى اۋرۋحانا ديرەكتورىنىڭ امبۋ­لا­تو­ريا­لىق قىزمەت جونىندەگى ورىنباسارى ساۋلە يبراەۆا.

«اڭساعان ءسابي» مەملەكەتتىك باعدار­لا­ماسى بيىل قاڭتار ايىنان باستالدى. وسى باعدارلاما اياسىندا ەكۇ-عا بولىنەتىن كۆوتا سانى 7 ەسەگە – 7 مىڭعا دەيىن ۇلعايتىلسا، الماتىعا 800 كۆوتا ءبولىندى. وعان قالالىق قوعامدىق دەنساۋلىق ساق­تاۋ باسقارماسى جاۋاپتى. كەلەسى جىلى مي­نيسترلىك تاراپىنان 300-350 كۆوتا جوسپارلانىپ وتىر. رەسپۋبليكالىق بيۋد­جەت­تىڭ تاراپىنان كەلىپ جاتقان قار­جى­نىڭ كىمدەرگە بەرىلەتىنى قۇرىلىپ جات­قان كوميسسيا ارقىلى ماماندارمەن بىرگە شەشىلەدى»، دەدى الماتى قالاسىنىڭ اكىمى باقىتجان ساعىنتاەۆ.

ماسەلەن، وتكەن جىلى الماتىدا ەكۇ-عا 130 كۆوتا بولىنگەن بولاتىن. ايەل­دەردى ەكۇ-عا جىبەرۋ تۋرالى شەشىم قا­لا­لىق قوعامدىق دەنساۋلىق باسقارماسى جانى­نان قۇرىلعان كوميسسيا وتىرىسىندا قابىلدانادى. بۇگىندە كەزەكتە 700-دەن استام ايەل تۇر. قورىتا ايتقاندا، ال­ما­تىدا مىڭنان استام ايەل ساقتاندىرۋ ەسەبىنەن ەكۇ جاساتا الادى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار