ەلباسى نۇرسۇلتان نازارباەۆتىڭ اتىنا الماتى وبلىسى, ەڭبەكشىقازاق اۋدانى, دوستىق اۋىلىنىڭ اقساقالدار كەڭەسى وكىلدەرىنەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ەلباسى نۇرسۇلتان نازارباەۆتىڭ اتىنا الماتى وبلىسى, ەڭبەكشىقازاق اۋدانى, دوستىق اۋىلىنىڭ اقساقالدار كەڭەسى وكىلدەرىنەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنىڭ اتىنا جولداعان حاتىندا اۆتورلار اۋىلدىق اۋماقتاردى دامىتۋ ماسەلەسىنە كوڭىل بولگەنى ءۇشىن بارشا اۋىلداستارى اتىنان العىستارىن بىلدىرگەن.
اقساقالدار كەڭەسىنىڭ وكىلدەرى قازاقستاندى الەمنىڭ ەڭ دامىعان 30 ەلىنىڭ قاتارىنا قوسۋدى ماقسات ەتكەن ەلىمىزدىڭ 2050 جىلعا دەيىنگى دامۋ ستراتەگياسى قابىلدانۋىنىڭ ماڭىزى زور ەكەنىنە توقتالعان.
اۆتورلار جۇزەگە اسىرىلىپ جاتقان مەملەكەتتىك باعدارلامالاردىڭ ارقاسىندا ءوز اۋىلدارىنىڭ قارقىندى دامۋىن دا اتاپ وتكەن.
«دوستىق اۋىلىندا بىرلىك پەن كەلىسىمدە ءومىر ءسۇرىپ كەلە جاتقان ءتۇرلى ۇلت وكىلدەرى وسكەلەڭ بۋىندى وتانعا دەگەن سۇيىسپەنشىلىك رۋحىندا, سونداي-اق, مادەني جانە ادامگەرشىلىك قۇندىلىقتاردى ساقتاۋعا تاربيەلەۋدە», – دەلىنگەن حاتتا.
بۇعان قوسا, اقساقالدار كەڭەسىنىڭ وكىلدەرى بيىلعى ناۋرىزدا «100 مەكتەپ, 100 اۋرۋحانا» باعدارلاماسى اياسىندا 300 وقۋشىعا ارنالعان جاڭا مەكتەپتىڭ قۇرىلىسى باستالعانىنان حاباردار ەتكەن.
حات سوڭىندا اۆتورلار مەملەكەت باسشىسىن الدا كەلە جاتقان جاڭا جىلمەن قۇتتىقتاپ, وزدەرىنىڭ ەڭ ىزگى تىلەكتەرىن بىلدىرگەن.
