مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينگە ۆولگوگراد قالاسىنداعى تەررورلىق ارەكەتتەرگە بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينگە ۆولگوگراد قالاسىنداعى تەررورلىق ارەكەتتەرگە بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا نۇرسۇلتان نازارباەۆتىڭ تەررورلىق ارەكەتتەر سالدارىنان كوپ ادامنىڭ ولىمىنە اكەلىپ سوقتىرعان قايعىلى جاعداي تۋرالى حاباردى كۇيزەلە قابىلداعانى اتاپ وتىلگەن.
قازاقستان پرەزيدەنتى قازا تاپقاندار مەن زارداپ شەككەندەردىڭ وتباسىلارىنا, تۋعان-تۋىستارىنا قايعىلارىنا ورتاقتىعىن بىلدىرگەن قولداۋ ءسوزىن جانە بارشا رەسەي فەدەراتسياسى حالقىنا كوڭىل ايتۋىن جەتكىزۋدى سۇراعان.
مەملەكەت باسشىسى قازاقستان حالقى تەرروريزمنىڭ كەز كەلگەن ءتۇرى مەن كورىنىسىن باتىل ايىپتاپ, بارشا الەمدىك قوعامداستىقتى بۇل زۇلماتپەن كۇرەسۋ ءۇشىن ىنتىماقتاستىق اياسىن كەڭەيتۋگە شاقىراتىنىن اتاپ وتكەن.
