قازاقستان • 01 ناۋرىز، 2021

الماتىدان قىرعىزستانعا اۋە رەيستەرى قايتا جانداندى

15 رەت كورسەتىلدى

الماتى حالىقارالىق اۋەجايى بىرنەشە رەيستىڭ قايتا جاندانعانىن ءمالىم ەتتى، دەپ حابارلايدى Egemen.kz

«الماتىدان قىرعىزستانعا اۋە رەيستەرى قايتا جاندانعانىن قۋانا حابارلايمىز. قىرعىز رەسپۋبليكاسىنا كىرۋ ءۇشىن ورىس نەمەسە اعىلشىن تىلىندە جازىلعان تەرىس ناتيجەسى بار پتر تەستىن كورسەتۋىڭىز كەرەك. انىقتامانىڭ قولدانۋ مەرزىمى – تالداۋدى العان ساتتەن باستاپ 72 ساعات. 7 جاسقا دەيىنگى بالالارعا پتر تەست قاجەت ەمەس» دەلىنگەن اۋەجايدىڭ Facebook پاراقشاسىندا.

سونىمەن قاتار، حابارلامادا ناۋرىز ايىندا كيەۆكە رەيستەردى اشۋ جوسپارلانىپ وتىرعانى ايتىلعان.

«قازاقستاندىقتارعا ۋكراينا اۋماعىنا كىرۋ ءۇشىن پتر سىناعىنىڭ قاجەتى جوق. الايدا، ساقتاندىرۋ ءپوليسى بولۋى شارت. ساقتاندىرۋ ءپوليسىنىڭ باعاسى ء– ۇش كۇنگە 3،30 ەۆرو + ءاربىر كەلەسى كۇن ءۇشىن 0،80 ەۆرو. پوليس Covid-19 ينفەكتسياسىن جۇقتىرىپ العان جاعدايدا ەمدەلۋگە، ءدارى-دارمەك پەن پتر تەستىن تاپسىرۋ ءۇشىن قاجەت. ساقتاندىرۋدى مىنا جەردەن الۋعا بولادى: www.visitukraine.today. ەگەر ءسىز ۋكراينا اۋماعىندا 90 كۇننەن ارتىق بولساڭىز ساقتاندىرۋ ءپوليسى 30 000 ەۋرو كولەمىندە بەرىلەدى» دەپ حابارلادى اۋەجايداعىلار.

سونىمەن قاتار، الماتىدان ماسكەۋگە (دومودەدوۆو) رەيستەر سانى كوبەيدى. اپتاسىنا 2 رەت – سەيسەنبى مەن جۇما كۇندەرى ۇشادى.

حالىقارالىق رەيستەرگە بيلەتتى ساتىپ العاندا جولاۋشىلارعا ەلگە كىرۋ ەرەجەلەرى تۋرالى قوسىمشا كەڭەس بەرىلەدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار