قوعام • 01 ناۋرىز، 2021

سىبايلاس جەمقورلىققا قارسى ءىس-قيمىل اگەنتتىگىندە ە-كادرلار جۇيەسى ەنگىزىلۋدە

11 رەت كورسەتىلدى

اگەنتتىكتىڭ كادر ساياساتىنداعى باستى باعدار - سىبايلاس جەمقورلىققا قارسى كۇرەس ءۇشىن جاڭا كوزقاراس پەن باتىل يدەيالاردى ۇسىنۋعا قابىلەتتى، جىگەرلى تالانتتى ادامداردى تارتۋ جانە ءوز قاتارىندا ۇستاۋ بولىپ وتىر. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى قۋانىش جاپاقوۆ ءمالىم ەتتى، دەپ حابارلايدى Egemen.kz.

قۋانىش جاپاقوۆتىڭ ايتۋىنشا، اتالعان باعداردىڭ باستى قۇرالى ۋاجدەمەلەۋ جانە جوعارى جالاقى. ونى قامتاماسىز ەتۋ ءۇشىن ورگاننىڭ ۇيىمدىق-شتاتتىق قۇرىلىمىن جانە ىشكى بيزنەس-پروتسەستەرىن وڭتايلاندىرۋ بويىنشا ۇلكەن جۇمىستار اتقارىلعان.

- ونىڭ ناتيجەلەرى بويىنشا ارتىق باسشىلىق بۋىندار 2 ەسەگە جۋىق قىسقارتىلدى، باسقارۋشى لاۋازىمدار سانى 453-تەن 240-قا دەيىن ازايتىلدى (باسشىلاردىڭ ورىنداۋشىلارعا اراقاتىناسى 1-دەن 7-گە دەيىن جەتكىزىلدى)، قوسالقى قىزمەتتەردىڭ قىزمەتى ورتالىقتاندىرىلدى، وڭىرلىك بولىمشەلەردىڭ 90% - ى تاراتىلدى. سونىڭ سالدارى رەتىندە الاڭداردى، كولىكتى كۇتىپ ۇستاۋعا، ۇيىمداستىرۋ تەحنيكاسى مەن شارۋاشىلىق تاۋارلارىن ساتىپ الۋعا جانە باسقا دا شىعىندارعا ىلەسپە اكىمشىلىك شىعىستاردى وڭتايلاندىرۋ جۇرگىزىلدى، دەدى ول.

وڭتايلاندىرۋ قورىتىندىسى بويىنشا قاراجاتتى ۇنەمدەۋ تسيفرلاندىرۋعا، «ANTIKOR ORTALYGY» سەرۆيستىك ورتالىعىنىڭ قۇرىلىسىنا، قىزمەتكەرلەردىڭ جالاقىسىن ارتتىرۋعا جانە ولاردى ماتەريالدىق ۋاجدەمەلەۋ ءۇشىن سىياقى قورىن قالىپتاستىرۋعا باعىتتالعان، ناتيجەسىندە قىزمەتكەرلەردىڭ تابىس مولشەرى ەكى ەسەگە دەرلىك ارتتى.

- بۇل جوبانى ىسكە اسىرۋ تاعى ءبىر ماڭىزدى مىندەتتى شەشۋگە - قۇقىق قورعاۋ قىزمەتىنىڭ بەدەلىن ارتتىرۋعا ىقپال ەتتى. جەكە كومپانيالار قىزمەتكەرلەرىنىڭ ەڭبەكاقىسىنىڭ مولشەرىمەن سالىستىرىلاتىن جالاقىنىڭ جوعارى دەڭگەيى ازاماتتىق سەكتوردان جانە باسقا دا مەملەكەتتىك ورگانداردان جوعارى بىلىكتى كادرلاردىڭ كەلۋىن قامتاماسىز ەتتى، دەيدى ول.

سونداي-اق قۋانىش جاپاقوۆ قازىر جەكە قۇرام باسقا قۇقىق قورعاۋ جانە ارنايى ورگانداردىڭ جوعارى بىلىكتى ماماندارىمەن ايتارلىقتاي كۇشەيتىلگەنىن اتاپ ءوتتى.

- 7-ەۋىنىڭ پرەزيدەنت اكىمشىلىگى مەن پرەمەر-ءمينيستردىڭ كەڭسەسىندە، 15-ءىنىڭ ۇلتتىق قاۋىپسىزدىك ورگاندارىندا، 29-ىنىڭ پروكۋراتۋرادا، 17-ءسىنىڭ ازاماتتىق سەكتوردا جۇمىس تاجىريبەسى بار. ونىڭ ىشىندە ارقايسىسى اگەنتتىكتىڭ ۇيىمدىق قۇرىلىمىندا ماڭىزدى ورىندارعا يە.

اگەنتتىكتەگى مەملەكەتتىك قىزمەتتىڭ بەدەلى مەن تارتىمدىلىعىن اتاپ وتكەن ءجون. مۇنى بىزگە جۇمىسقا كىرۋگە نيەت بىلدىرۋشىلەردىڭ سانى دالەلدەيدى. وسىلايشا، «ب» كورپۋسىنىڭ بوس لاۋازىمدارىنا ورنالاسۋعا ارنالعان كونكۋرستارعا ورتا ەسەپپەن ءبىر ورىنعا 21 ۇمىتكەر قاتىسادى. بۇل باسقا ورتالىق مەملەكەتتىك ورگاندارعا ۇمىتكەرلەردىڭ ورتاشا كورسەتكىشىنەن 3 ەسە جوعارى – ءبىر ورىنعا 7 ادام.

جالپى جەكەلەگەن لاۋازىمدارعا كونكۋرسقا قاتىسۋشىلار سانى 1 ورىنعا 37 ادامعا دەيىن جەتەدى، - دەدى ول. 

ايتا كەتەيىك، كادر ساياساتىن قۇرۋ كەزىندە قىزمەتكەرلەردىڭ ءبىلىم ساپاسىنا باسا نازار اۋدارىلعان. قازىرگى ۋاقىتتا اگەنتتىكتە شەتەلدىك جوعارى وقۋ ورىندارىنىڭ 32 تۇلەگى جۇمىس ىستەيدى، ولاردىڭ 12-ءى «بولاشاق» باعدارلاماسى بويىنشا ءبىلىم العان. 2 قىزمەتكەر PhD دارەجەسىنە يە، تاعى ەكەۋى ونى الۋعا دايىندالۋدا، 10 قىزمەتكەر عىلىم كانديداتى، 127-ءسى ماگيستر.

سونىمەن قاتار، قازىرگى ۋاقىتتا شەتەلدىك جوعارى وقۋ ورىندارىندا 7 ادام، ونىڭ ىشىندە التاۋى «بولاشاق» باعدارلاماسى بويىنشا ءبىلىم الۋدا. ال سوت تورەلىگى اكادەمياسىندا – 2، قر پرەزيدەنتىنىڭ جانىنداعى مەملەكەتتىك باسقارۋ اكادەمياسىندا – 3، قۇقىق قورعاۋ ورگاندارىنىڭ اكادەمياسىندا – 2 ادام دوكتورانتۋرا جانە ماگيستراتۋرا باعدارلامالارى بويىنشا وقۋدا.

سىبايلاس جەمقورلىققا قارسى ءىس-قيمىل اگەنتتىگى اپپارات باسشىسىنىڭ ايتۋىنشا، اگەنتتىكتىڭ 5 قىزمەتكەرى پرەزيدەنتتىك جاستار كادرلىق رەزەرۆىنىڭ مۇشەسى. بۇل ۆەدومستۆونىڭ از سانىن ەسكەرە وتىرىپ، مەملەكەتتىك ورگاندار اراسىنداعى ەڭ جوعارى كورسەتكىشتەردىڭ ءبىرى ەكەنىن دە تىلگە تيەك ەتتى. 

- اگەنتتىك قىزمەتكەرلەرى جوعارى كاسىبي قاسيەتتەردەن باسقا ءارتۇرلى سالالاردا باسقا تالانتتارعا يە. مىسالى، قاراعاندى وبلىسىندا تاەكۆوندودان حالىقارالىق دارەجەدەگى سپورت شەبەرى، 1-دان قارا بەلبەۋ يەگەرى، ەكى دۇركىن الەم چەمپيونى، الەم كۋبوگىنىڭ ءابسوليۋتتى يەگەرى ءاليا سۇلەيمەنوۆا جۇمىس ىستەيدى. كوپتەگەن قىزمەتكەرلەر شىعارماشىلىقپەن اينالىسادى، ولاردىڭ كەيبىرەۋلەرى رەسپۋبليكالىق كونكۋرستاردىڭ لاۋرەاتتارى. اقمولا وبلىسى بويىنشا دەپارتامەنتى باسشىلارىنىڭ ءبىرى ارمان بەردالين حالىقارالىق جانە رەسپۋبليكالىق ايتىستاردىڭ جەڭىمپازى، بىرنەشە ولەڭ كىتاپتاردىڭ اۆتورى، اقىنداردىڭ حالىقارالىق وداعىنىڭ مۇشەسى، - دەدى قۋانىش جاپاقوۆ.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار