جاس ساربازدار اسكەري بورىشىن قر ۇقك شەكارا قىزمەتىندە, قارۋلى كۇشتەر قاتارىندا, ءىىم ۇلتتىق ۇلانى مەن توتەنشە جاعدايلار مينيسترلىگىنە قاراستى بولىمدەر جانە مەملەكەتتىك كۇزەت قىزمەتتەرىندە وتەيتىن بولادى.
–بارلىق اۋداندىق, قالالىق شاقىرۋ جانە وبلىستىق جيىن پۋنكتى كوكتەمگى مەرزىمدى اسكەري شاقىرۋعا تولىق دايىن. مەديتسينالىق كوميسسيالار ءتيىستى بىلىكتى دارىگەر ماماندارمەن جانە مەديتسينالىق قۇرالدارمەن تولىق قامتىلعان. التىنشى ناۋرىزدا الماتى قالاسىنداعى قر ۇقك شەكارا قىزمەتىنە 19 ازاماتتى جىبەرەتىن بولامىز, - دەدى وبلىستىق جۇمىلدىرۋ دايىندىعى باسقارماسى باسشىسىنىڭ ورىنباسارى باعدات اليەۆ.
دەپارتامەنت باستىعىنىڭ ورىنباسارى, جاساقتاۋ باسقارماسىنىڭ باستىعى دميتري جەرەگيا بارلىق سانيتارلىق تالاپ قاتاڭ ساقتالاتىنىن اتاپ ءوتتى. اسكەرگە شاقىرىلۋشىلاردان مىندەتتى تۇردە اسكەري بولىمدەردە, ارنايى پۋنكتتەردە پتر-تالداماسى الىنادى. ال شاقىرىلۋشىلارعا ەكپە جۇرگىزۋ كەلگەن اسكەري بولىمدە, ياعني, قىزمەت وتكەرۋ ورىندارىندا ۇيىمداستىرىلادى.
ايتا كەتەيىك, كوكتەمگى اسكەرگە شاقىرۋ ناۋقانى اعىمداعى جىلدىڭ ءبىرىنشى شىلدەسىنە دەيىن بارلىق سانيتارلىق-ەپيدەميولوگيالىق تالاپتاردى ساقتاي وتىرىپ جالعاسادى.
اسكەري بولىمدەرگە ەلىمىزدى قورعاۋعا قابىلەتتى, دەنساۋلىعى مىقتى, دەنە ءبىتىمى شىنىققان, ساۋاتى جەتكىلىكتى, مورالدىك-ىسكەرلىك قابىلەتى جوعارى ازاماتتار اتتانادى.
