قوعام • 01 ناۋرىز، 2021

قازاقستاندا مەرزىمدى اسكەري قىزمەتكە شاقىرۋ باستالدى

989 رەت كورسەتىلدى

وسى كوكتەمدە 13 500-دەن استام 18-27 جاس ارالىعىنداعى مەرزىمدى قىزمەتتەگى اسكەري قىزمەتشى ەل قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ قاتارىن تولىقتىرادى. قورعانىس ۆەدومستۆوسى اسكەرگە شاقىرۋدى اعىمداعى جىلدىڭ ءبىرىنشى شىلدەسىندە اياقتاۋدى جوسپارلاپ وتىر، دەپ حابارلايدى Egemen.kz.

وسى جىلدىڭ 5-ءشى اقپانىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2021 جىلدىڭ ناۋرىز – شىلدەسىندە جانە قىركۇيەك – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» جارلىققا قول قويدى.

كوروناۆيرۋس ينفەكتسياسىنىڭ تارالۋ قاۋپىنە بايلانىستى الدىن الۋ شارالارى قابىلداندى. وسى رەتتە اسكەرگە شاقىرىلۋشىلاردان ەكى رەت، ياعني، اسكەرگە شاقىرۋ كەزىندە جانە اسكەري بولىمدەرگە كەلگەن كەزدە جيناۋ پۋنكتتەرىندە پتر-تالداما الىنادى. جاڭا شاقىرىلۋشىلارعا ەكپە جۇرگىزۋ قىزمەت وتكەرۋ ورىندارىندا ۇيىمداستىرىلادى.

بيىل اسكەرگە شاقىرۋ بارىسىندا ازاماتتاردى حاباردار ەتۋدىڭ جاڭا ءتاسىلى قولدانىلاتىن بولادى. پاندەميا جاعدايىندا قارىم-قاتىناستى ازايتۋ ءۇشىن تسيفرلىق دامۋ جانە اەروعارىش ونەركاسىبى مينيسترلىگىنىڭ 1414 سەرۆيس قىزمەتى پيلوتتىق رەجيمدە SMS-حابارلامالار جىبەرەدى.

بارلىق اسكەرگە شاقىرۋ جۇمىستارى كەڭەس بەرۋ مۇمكىندىكتەرىن جەتكىزۋ ارقىلى بارىنشا اشىق تۇردە ۇيىمداستىرىلدى. وسى ماقساتتا جەرگىلىكتى اسكەري باسقارۋ ورگاندارى الەۋمەتتىك جەلىلەردە پوشتا جاشىكتەرى مەن رەسمي اككاۋنتتار قۇردى.

اسكەري قىزمەتكە شاقىرۋ ءتارتىبى جونىندە ءبىلۋ ءۇشىن قورعانىس مينيسترلىگىنىڭ سall-ورتالىعىنا 8 (7172) 72 10 83، 72 16 06، 72 13 89; 72 13 82 تەلەفوندارى ارقىلى حابارلاسۋعا بولادى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار