ايماقتار • 01 ناۋرىز، 2021

الماتىدا ۇلتتار دوستىعان ارقاۋ ەتكەن شارا ءوتتى

12 رەت كورسەتىلدى

الماتى قالاسى اكىمدىگى قازاقستان رەسپۋبليكاسى تۇڭعىش پرەزيدەنتىنىڭ مۇراعاتىمەن بىرلەسىپ العىس ايتۋ كۇنىنە وراي «ورتاق ۇيىمىزدەگى بەيبىتشىلىك پەن كەلىسىم» تاقىرىبىندا دوڭگەلەك ۇستەل وتكىزدى. ءىس-شاراعا ءتۇرلى ەتنومادەني بىرلەستىكتەردىڭ توراعالارى مەن زيالى قاۋىم قاتىستى.

ونلاين فورماتتا وربىگەن ءىس-شارادا شىعارماشىل جاستاردىڭ «قازاقستان – ءبىزدىڭ ورتاق ءۇيىمىز» دەپ اتالعان سۋرەت كورمەسى كوپشىلىك نازارىنا ۇسىنىلدى. قازاق دالاسىنىڭ كوركەم تابيعاتى، قالا ءومىرى، مەملەكەتتىك نىشاندار كەيىپتەلگەن كارتينالاردا جاس سۋرەتشىلەر ءوسىپ-ونگەن ولكەسىنە دەگەن سۇيىسپەنشىلىگىن پاش ەتكەن. الماتىنىڭ كەڭ داڭعىلدارى، الاتاۋ باۋرايىنداعى اسەم الماباق ولاردىڭ قيالىنا قانات بىتىرگەندەي.

«العىس ايتۋ كۇنى – ازاماتتاردىڭ ءوز ەلىنە، ءوز جەرىنە، ءوزىنىڭ كىشى وتانىنا، العىس ايتۋ مەرەكەسى. بۇل مەرەكە جاستارعا ەتنوستاردىڭ الدىندا قانداي قيىندىقتار بولعانىن، تاعدىر سىنىنا ۇشىراعان حالىقتارعا قازاق ەلى قالاي قۇشاق اشقانىن زەردەلەپ جەتكىزەتىن كۇن. بەيبىتشىلىك پەن تۇراقتىلىقتىڭ ارقاسىندا جاستارىمىز شىعارماشىلىقپەن ەركىن اينالىسىپ، ءوز ارماندارىنا قول سوزىپ ءجۇر. مۇنىڭ ءبارى تاۋەلسىزدىك پەن ىنتىماقتىڭ جەمىسى»،-دەيدى الماتى قالاسى كۇردتەر قاۋىمداستىعىنىڭ «باربانگ» ەتنومادەني ورتالىعىنىڭ ەكس-توراعاسى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ۆاكيل نابيەۆ.

قوعام دامۋى ءۇشىن حالىق بىرلىگىنىڭ ماڭىزدىلىعىن اتاپ وتكەن دوڭگەلەك ۇستەل قاتىسۋشىلارى، تاريح بەتتەرىنە ءۇڭىلىپ وتكەنگە سالاۋات، قازاق حالقىنا العىس ايتتى.

«بۇل مەرەكەنىڭ نەگىزى مەن تامىرىن وتىزىنشى، قىرقىنشى جانە ەلۋىنشى جىلدارى اتالارىمىز بەن انالارىمىز سالعان. كوپتەگەن ەكونوميكالىق، مورالدىق جانە تۇرمىستىق پروبلەمالار تۋىنداعان قيىن كەزەڭدە ءبىزدىڭ اكەلەرىمىز بەن اتالارىمىز ءبىر-بىرىنە كومەكتەسۋ ءۇشىن بارلىق كۇش-جىگەرىن بىرىكتىردى. ناتيجەسىندە ءبىز دامىعان، جاس مەملەكەتتىڭ كىرپىشى بولىپ قالاندىق. وسى جىلدار ىشىندە قازاقستان ءتۇرلى ۇلتتار مەن ۇلىستاردىڭ دوستىق ۋنيۆەرسيتەتىنە اينالدى»، دەيدى قازاقستاننىڭ گرەكتەر قوعامىنىڭ «فيليا» زتق قاۋىمداستىعىنىڭ توراعاسى گەورگي يوردانيدي.

 

 

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار