ەڭ تابىستى سالىم – ادەتتەگىدەي تولىقتىرۋ قۇقىعى جوق, مەرزىمى 12 ايلىق جيناق دەپوزيتتەر – 14%. ەسكە سالامىز, تەڭگەلىك جيناق دەپوزيتتەر بويىنشا جوعارى مولشەرلەمەلەرمەن قاتار كوتەرىڭكى كەپىلدىك سوماسى دا قاراستىرىلعان – 15 ملن تەڭگە.
2021 جىلدىڭ اقپانىندا قازاقستاننىڭ ۇلتتىق بانكىنىڭ بازالىق مولشەرلەمەسىنىڭ دەڭگەيى قايتا قارالماعاندىقتان, قىسقا مەرزىمدى دەپوزيتتەر بويىنشا ماكسيمالدى مولشەرلەمەلەر بۇرىنعى دەڭگەيىندە قالدى. ەسكە سالامىز, ولاردىڭ دەڭگەيى وسى بازالىق مولشەرلەمەگە تاۋەلدى.
مەرزىمدى دەپوزيتتەردىڭ نارىقتىق مولشەرلەمەلەرگە تاۋەلدى مولشەرلەمەلەرى دە وزگەرىسسىز قالدى. ويتكەنى جۇيەلىك دەڭگەيدە ءتيىستى ونىمدەر بويىنشا بانكتەر ۇسىناتىن مولشەرلەمەلەرگە قاتىستى قانداي دا ءبىر ايقىن ءۇردىس بايقالعان جوق.
نارىقتا 24 ايعا اشىلاتىن جيناق سالىمدار بويىنشا نارىقتىق مولشەرلەمەلەردىڭ تومەندەۋ ۇردىسىنە بايلانىستى ولار بويىنشا مولشەرلەمەلەر ازداپ تومەندەدى.
