اۋىر جۇك كولىكتەرى مەن جەڭىل كولىكتەر جول جيەگىنە شىعىپ كەتىپ, ءتىپتى كەيبىرى ءبىر-بىرىنە سوقتىعىسىپ جاتتى. اۋا رايىنىڭ توسىن مىنەز تانىتىپ, ىسقىرىپ سوققان سۋىق جەلدە ازاماتتاردىڭ اماندىعى مەن قاۋىپسىزدىگىن قامتاماسىز ەتۋ ءۇشىن تۇركىستان وبلىسىنىڭ بۇكىل جەكە قۇرام قىزمەتكەرلەرى وبلىس جولدارىنا جۇمىلدىرىلدى. تاڭ اتپاستان كۇشەيتىلگەن رەجيمدە جۇمىسقا كىرىسكەن پوليتسەيلەر بارىنشا تۇرعىندارعا ساق بولۋلارى مەن ۇيدەن شىقپاۋلارىن ەسكەرتتى.
ال جولدا قالعان جولاۋشىلاردى قىزمەتتىك كولىكتەرىمەن جىلى ورىنعا جەتكىزىپ, قارعا باتىپ, جۇرە الماي قالعان كولىكتەرگە قارىن كۇرەپ, قايتادان ءجۇرىپ كەتۋىنە ىقپال جاسادى. كۇرەك ۇستاپ قار كۇرەگەن, كولىك يتەرىپ, كومەك كورسەتكەن پوليتسەيلەر سۋىققا قاراماستان قىزمەتتەرىن تاۋلىكتەپ اتقاردى. ماسەلەن, سوزاق اپب-ءنىڭ پوليتسيا قىزمەتكەرلەرى اۋا رايىنىڭ كەنەتتەن بۇزىلىپ كەتكەنىنە بايلانىستى «ۇلانبەل-سوزاق-ەكپىندى» تاس جولدارى جابىلعان. پوليتسەيلەر قار قۇرساۋىندا قالىپ قويعاندارعا كومەك بەردى. ناتيجەسىندە ءبىر تاۋلىك ىشىندە ءتورت اۆتوبۋس, ءتورت جەڭىل اۆتوكولىك جول شەتىنە شىعىپ قالعان. سونىڭ ىشىندە ءتارتىپ ساقشىلارى 100-دەن استام جولاۋشىلاردى قۇتقارىپ ءۇي-جايلارىنا جەتكىزىلدى. ءوز كەزەگىندە جۇرگىزۋشىلەر مەن جولاۋشىلار سوزاقتىق پوليتسيا قىزمەتكەرلەرىنە: «راقمەت, ەڭبەكتەرىڭىز جانا بەرسىن! تۇركىستان وبلىسى پوليتسيا قىزمەتكەرلەرىنە العىس ايتامىز», دەپ جىلى لەبىزدەرىن جەتكىزدى. ال كۇننىڭ ىزعارىنا قاراماستان قىزمەتىن جالعاستىرىپ جاتقان پوليتسەيلەر جولاۋشىلارعا جولدىڭ تايعاق ەكەنىن, اباي بولۋ كەرەكتىگىن ايتتى. ۇزاق جولعا شىقپاۋ كەرەكتىگىن ايتىپ, ەسكەرتۋ جاسادى.
سوزاق اپب-نىڭ قىزمەتكەرلەرى اۋا رايىنىڭ توسىن مىنەز تانىتىپ, بۇرقاسىن بولۋىنا, قاردىڭ قالىڭ جاۋىنا بايلانىستى جولدىڭ جابىق ەكەنىن ەسكەرتەدى. بارشا تۇرعىندار مەن قوناقتارعا جولعا شىقپاۋعا كەڭەس بەرەدى. ءتارتىپ ساقشىلارى جولاۋشىلاردىڭ اماندىعى ءۇشىن, جولداردا كىرپىك ىلمەستەن قىزمەت ەتۋدە. تەزىرەك جولدىڭ اشىلىپ, قاردان تازالانۋىنا كومەكتەسۋدە.
