ۇكىمەت قاۋلىسىمەن العىس ايتۋ كۇنى قازاقستان رەسپۋبليكاسىنىڭ مەرەكەلىك كۇنتىزبەسىنە ەنگىزىلگەن. العىس ايتۋ كۇنىن مەرەكەلەۋدىڭ ماقساتى- ورتاق تاريح پەن تاريحي جادى نەگىزىندە قوعامنىڭ توپتاسۋىن, ازاماتتىق بەيبىتشىلىكتى, قوعامدىق كەلىسىمدى كورسەتۋ, قازاقستاندىق بىرەگەيلىك پەن بىرلىكتى نىعايتۋ بولىپ تابىلادى.
ورتاق تاريح, قازاق پەن بارلىق ەتنوستاردىڭ ءبىر-بىرىنە قولداۋىمەن بىرگە ەڭسەرگەن قيىندىقتاردى ەسكە الۋ ارقىلى قازاقستان حالقىنىڭ بىرلىگىن ساقتاۋ جانە دامىتۋ.
بۇل- قيىن كەزەڭدەردە ادامدارعا كورسەتكەن قامقورلىعى ءۇشىن قازاقستان حالقىنا قۇرمەت پەن العىس.
مەيىرىمدىلىك پەن اشىق جارقىندىلىق رۋحاني داستۇرلەر كۇنى, ادامدار ءبىر-بىرىمەن بولىسۋگە جانە كومەكتەسۋگە, يگى ىستەر جاساۋعا دايىن.
بۇل كۇنى قازاقستان حالقى اسسامبلەياسىنىڭ قولداۋىمەن ءتۇرلى ءىس-شارالار وتكىزىلەدى. 2021 جىلدىڭ 28 اقپانىندا الماتى قالاسىنىڭ رەسپۋبليكالىق ەتنومادەني بىرلەستىكتەرىنىڭ باسشىلارى قازاق ادەبيەتىنىڭ تانىمال كلاسسيگى, جازۋشى, اكادەميك, قوعام قايراتكەرى ءسابيت مۇقانوۆ اتىنداعى ساياباقتا قازاقستان حالقى اسسامبلەياسىنىڭ اللەياسىن ۇيىمداستىرىپ, اعاش وتىرعىزدى.
ءىس-شاراعا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى ا.م. حامەدوۆ, ۆ. گ. نابيەۆ, رەسپۋبليكالىق ەتنومادەني بىرلەستىكتەردىڭ باسشىلارى مەن مۇشەلەرى, ت. جۇرگەنوۆ اتىنداعى قازۇوا وقىتۋشىلارى مەن ستۋدەنتتەرى, عىلىمي جانە شىعارماشىلىق زيالى قاۋىم وكىلدەرى, الماتى قالاسىنداعى «جاڭعىرۋ جولى»جاستار قوزعالىسىنىڭ مۇشەلەرى, باق, ەتنوستار قاتىستى.
سالتاناتتى ءىس-شارا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالدى. 30 اعاش كوشەتتەرى – ەمەن مەن كاشتان وتىرعىزىلۋىنىڭ ۇلكەن ءمانى بار.
اتالعان ءىس-شارانىڭ باستاماشىلارى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ا.م. حامەدوۆ جانە ء«ازىربايجاندار قاۋىمداستىعى» رەسپۋبليكالىق قوعامدىق بىرلەستىگىنىڭ مۇشەلەرى, رەسپۋبليكالىق ەتنومادەني بىرلەستىكتەردىڭ باسشىلارى بولىپ تابىلادى.
ۇيىمداستىرۋشىلار: الماتى قالاسى دوستىق ءۇيىنىڭ قىزمەتىن قامتاماسىز ەتۋ باسقارماسى, قر اقدم «قوعامدىق كەلىسىم»رمم جانە ت. جۇرگەنوۆ اتىنداعى قازاق ۇلتتىق ونەر اكادەمياسى.
ءىس-شارانى اشقان قر پارلامەنتى ءماجىلىسىنىڭ دەپۋتاتى ا.م.حامەدوۆ العىس ايتۋ كۇنى - ەلىمىزدىڭ تۇڭعىش پرەزيدەنتى ن.ءا. نازارباەۆتىڭ باستاماسىمەن بەلگىلەنگەن. ءبىز ءۇشىن ەرەكشە مەرەكە, دەپ اتاپ ءوتتى. ول قازاقستاندىقتاردىڭ بىرلىگىن, ىنتىماعى مەن دوستىعىن پاش ەتىپ, ءبىر-ءبىرىمىزدى باعالاۋعا, سۇيۋگە جانە قۇرمەتتەۋگە ۇيرەتەدى. ءبىز اعا بۋىن وكىلدەرى رەتىندە جاستارعا عاسىرلار بويى قالىپتاسقان قۇندىلىقتاردى دارىتۋىمىز كەرەك.
قازاقستاننىڭ «ۆايناح» شەشەندەر جانە ينگۋشتار قاۋىمداستىعىنىڭ توراعاسى ا.س. مۋرادوۆ ءوز سوزىندە, شەشەن حالقى دەپورتاتسيانىڭ اۋىرتپالىعى تۋرالى جاقسى بىلەتىنىن ايتتى. كوپتەگەن ادامدار رەسپۋبليكاعا جەر اۋدارىلعان جىلدارى مەيىرىمدىلىك, قوناقجايلىلىق جانە جومارتتىقكورسەتكەن قازاق حالقىنا العىس بىلدىرە وتىرىپ, العىس كۇنى ءبىر-بىرىمىزگە تۇسىنىستىك پەن ءوزارا قۇرمەت ءۇشىن العىس ايتۋعا مۇمكىندىگىمىز بار, دەيدى.
احمەد سەيدراحمان ۇلى «ازەربايجاندار قاۋىمداستىعى» رەسپۋبليكالىق قوعامدىق بىرلەستىگىنىڭ توراعاسى ا.م. حامەدوۆقا باستاماشىلدىعى, ءپاتريوتيزمى جانە بەلسەندى ازاماتتىق ۇستانىمى ءۇشىن العىسىن ءبىلدىردى.
ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى, الماتى قالاسى قحا جانىنداعى عىلىمي-ساراپتاما توبىنىڭ مۇشەسى م. د. شايمەردەنوۆا مەرەكەمەن قۇتتىقتاپ, قازاقستاندىقتاردىڭ العىس ايتۋ كۇنىنە ەرەكشە ىقىلاسپەن قارايتىنىن ايتتى. بۇل مەرەكە ۇرپاقتاردى, داستۇرلەردى, دانالىقتى, رۋحاني قۇندىلىقتاردى بىرىكتىرەدى. جاستاردىڭ بويىندا وتانعا دەگەن سۇيىسپەنشىلىك سەزىمىن, ونىڭ تاريحى مەن مادەنيەتىنە قۇرمەت, قازىرگى قازاقستاننىڭ جەتىستىكتەرى ءۇشىن ماقتانىش سەزىمىن قالىپتاستىرادى. ونەر اكادەمياسى كوپتەگەن جىلدار بويى رەسپۋبليكالىق ەتنومادەني بىرلەستىكتەرمەن تىعىز بايلانىستا جۇمىس ىستەيدى, جوو-نىڭ پروفەسسور-وقىتۋشىلار قۇرامى مەن ستۋدەنتتەرى قازاقستان حالقى اسسامبلەياسى ءىس-شارالارىنىڭ بەلسەندى قاتىسۋشىلارى بولىپ تابىلادى, ال ەتنومادەني بىرلەستىكتەردىڭ باسشىلارى مەن مۇشەلەرى ونەر اكادەمياسىنىڭ ءىس-شارالارىنا قاتىسادى.
سالتاناتتى ءىس-شاراعا قاتىسۋشىلاردى جاستار اتىنان «جاڭعىرۋ جولى» رەسپۋبليكالىق جاستار قوزعالىسىنىڭ مۇشەسى ب.سىدىقوۆا قۇتتىقتادى: «العىس ايتۋ كۇنى, بۇل تەك العىس ءبىلدىرىپ قانا قويماي, بىرلىك پەن كەلىسىمدى نىعايتاتىن, جاعىمدى ەموتسيالاردى بىلدىرۋگە مۇمكىندىك بەرەتىن ايتۋلى مەرەكە. بۇگىن ءبىز وتە ۇلكەن مەرەكەنى بەسىنشى رەت اتاپ وتۋدەمىز, ول جاستاردى مەيىرىمدىلىككە, ءبىر-بىرىنە دەگەن قۇرمەتكە, بارلىق مورالدىق قاسيەتتەردى بويىنا سىڭىرۋگە تاربيەلەيدى. مەرەكەنىڭ بەس جىلدىعى قازاقستان رەسپۋبليكاسى تاۋەلسىزدىگىنىڭ 30 جىلدىعىمەن تۇسپا-تۇس كەلدى. قازاقستان حالقى اسسامبلەياسى جاستارىنىڭ اتىنان بارشاڭىزدى العىس ايتۋ كۇنىمەن قۇتتىقتايمىن جانە ۇلكەن راقمەت ايتامىن».
ءىس-شارانىڭ سالتاناتتى اشىلۋىنان كەيىن قاتىسۋشىلار قازاقستان حالقى اسسامبلەياسىنىڭ الاڭىندا ءسابيت مۇقانوۆ اتىنداعى ساياباقتا ەمەن جانە كاشتان اعاشتارىنىڭ كوشەتتەرىن وتىرعىزدى, كوكتەم مەرەكەسى, بىرلىك, العىس ايتۋ قازاقستان حالقىنىڭ دوستىعىن, سەنىمىن, قۇرمەتىن جانە ءوزارا تۇسىنۋشىلىگىن ودان ءارى نىعايتادى دەگەن ورتاق پىكىر ءبىلدىردى.
كوشەتتەر وتىرعىزۋ اكتسياسىنىڭ باستاماشىلارى - قر پارلامەنتى ءماجىلىسىنىڭ دەپۋتاتى ا.م. حامەدوۆ جانە ء«ازىربايجاندار قاۋىمداستىعى» رەسپۋبليكالىق قوعامدىق بىرلەستىگىنىڭ مۇشەلەرى سالتاناتتى ءىس – شاراعا قاتىسۋشىلار ءۇشىن باي مەرەكەلىك داستارحان ۇيىمداستىردى.
