قازاقستان • 26 اقپان، 2021

مەملەكەتتىك حاتشى جامبىل جاباەۆتىڭ 175 جىلدىعىنا ارنالعان مەرەيتويلىق جىلدىڭ سالتاناتتى اشىلۋ راسىمىنە قاتىستى

43 رەت كورسەتىلدى

قازاقستاندا جىر الىبى جامبىل جاباەۆتىڭ 175 جىلدىق مەرەيتويىن رەسمي تۇردە مەرەكەلەۋ باستالدى.  

قازاقستان رەسپۋبليكاسىنىڭ مەملەكەتتىك حاتشىسى، جامبىل جاباەۆتىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ توراعاسى قىرىمبەك كوشەرباەۆ ەلورداداعى جامبىل ەسكەرتكىشىنە گۇل شوقتارىن قويىپ، ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ جاڭا عيماراتىندا مەرەيتويلىق جىلدى سالتاناتتى تۇردە اشتى. جيىنعا رەسمي تۇلعالار، مادەنيەت جانە عىلىم قايراتكەرلەرى، الماتى جانە جامبىل وبلىستارى دەلەگاتسيالارىنىڭ وكىلدەرى قاتىستى.

مەرەكەلىك كەشتىڭ قوناقتارى جاڭا تەاتر فويەسىندە ۇيىمداستىرىلعان جامبىل جاباەۆ مۇراجايىنىڭ ەكسپوزيتسياسىمەن تانىستى. قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا سالتاناتتى ءىس-شارادا بايانداما جاسادى. ول تاۋەلسىزدىگىمىزدىڭ قالىپتاسۋىنىڭ سىندارلى كەزەڭىندە قازاقستاننىڭ تۇڭعىش پرەزيدەنتى-ەلباسى نۇرسۇلتان نازارباەۆ حالقىمىزدىڭ ۇلى اقىندارى اباي مەن جامبىلدىڭ 150 جىلدىعىن لايىقتى اتاپ ءوتۋ تۋرالى شەشىم قابىلداپ، مەرەيتويلارعا ەرەكشە مارتەبە مەن ماڭىز بەرگەن شيرەك عاسىر بۇرىنعى تاريحي ءساتتى ەسكە سالدى.

رر

بيىل تاۋەلسىزدىكتىڭ 30 جىلدىعى اياسىندا جىر الىبى جامبىل جاباەۆتىڭ 175 جىلدىعى اتاپ وتىلۋدە. مەملەكەت باسشىسى ق.توقاەۆتىڭ جارلىعىمەن ۇلى اقىننىڭ مەرەيتويىن جوعارى دارەجەدە ۇيىمداستىرىپ، مازمۇندىق دەڭگەيىن قامتاماسىز ەتۋ ماقساتىندا ارنايى مەملەكەتتىك كوميسسيا قۇرىلدى. بۇل جامبىلدىڭ بىرەگەي مۇراسىن تەرەڭ ۇعىنۋعا، ونى زامانداستارىمىز بەن جاستارعا ناسيحاتتاۋعا جانە اقىن شىعارمالارىنىڭ ۇلكەن سۇرانىسقا يە بولۋىنا ىقپال ەتەدى.

ا.رايىمقۇلوۆا بولاشاق ۇرپاق ءۇشىن رۋحاني قازىنانى ساقتاۋدىڭ جانە ىزگىلىكتىڭ سان عاسىرلىق يدەيالارىن بۇكىل الەمگە جەتكىزۋدىڭ ۇلكەن جاۋاپكەرشىلىگى ۇلتىمىزعا جۇكتەلگەنىن اتاپ ءوتتى. ونىڭ ايتۋىنشا، بارلىق كۇش-جىگەر «رۋحاني جاڭعىرۋ» جالپىۇلتتىق باعدارلاماسىن ودان ءارى ىسكە اسىرۋ، ۇلى دالانىڭ رۋحاني مۇراسىن تانىمال ەتۋ جانە تاۋەلسىزدىگىمىزدىڭ قاسيەتتى قۇندىلىقتارىن نىعايتۋ جونىندەگى اۋقىمدى جۇمىستارعا باعىتتالاتىن بولادى.

سالتاناتتى ءىس-شارا جامبىلدىڭ 175 جىلدىعىنا ارنالعان مەرەكەلىك كونتسەرتپەن جالعاستى. ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى مەن «استانا وپەرا» مەملەكەتتىك وپەرا جانە بالەت تەاترىنىڭ سيمفونيالىق وركەسترىنىڭ ارتيستەرى كورەرمەندەرگە «جىر الىبى – جامبىل» اتتى تەاترلاندىرىلعان قويىلىم ۇسىندى. ۇلى اقىننىڭ باعا جەتپەس مۇراسىن، وزىندىك ەرەكشەلىگى مەن دارىنىن اشىپ كورسەتەتىن ادەبي-مۋزىكالىق كومپوزيتسيادا ونىڭ بەلگىلى ايتىستارى مەن ايگىلى «كەڭ بايتاق قازاقستانىم»، «اقىندارعا ارناۋ»، «كۇلاشقا»، «لەنينگرادتىق ورەنىم!» جانە ت.ب. شىعارمالارى قامتىلعان.

مەرەكەلىك باعدارلامادا قۇرمانعازى اتىنداعى قازاق ۇلتتىق حالىق اسپاپتارى وركەسترىنىڭ، ن.تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترىنىڭ، «جاستار» تەاترىنىڭ، «استانا بالەت» تەاترىنىڭ ارتيستەرى، «قورقىت» ەتنو-ءانسامبلىنىڭ، «قۇلانساز» فولكلورلىق-ەتنوگرافيالىق ءانسامبلىنىڭ، ك.ازىرباەۆ اتىنداعى جامبىل وبلىستىق فيلارمونياسىنىڭ، «اكاك» كومۋزشىلار ءانسامبلىنىڭ (قىرعىزستان) جەكە ورىنداۋشىلارى ونەر كورسەتتى. اتاقتى اقىننىڭ مەرەيتويىنا قازاقستان حالىقتارى اسسامبلەياسى ەتنومادەني بىرلەستىكتەرىنىڭ ارتيستەرى، «Nomad» بالالار حورەوگرافيالىق ءانسامبلى، «ۆايناح» شەشەن-ينگۋش حالىق ءانسامبلى جانە ت. ب. ءوز شىعارمالارىن ارنادى.

بۇگىن، 26 اقپان كۇنى ەلىمىزدەگى جانە شەت ەلدەردەگى قالالار مەن ەلدى مەكەندەردە جامبىل جاباەۆتىڭ ەسكەرتكىشتەرى مەن بيۋستتەرىنە گۇل شوقتارى قويىلىپ، ءارتۇرلى مادەني ءىس-شارالار وتكىزىلدى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار