پرەزيدەنت • 26 اقپان، 2021

قاسىم-جومارت توقاەۆ رەفورمالار جونىندەگى جوعارى كەڭەستىڭ كەزەكتى وتىرىسىن وتكىزدى

2543 رەت كورسەتىلدى

«استانا» حالىقارالىق قارجى ورتالىعىنىڭ عيماراتىندا مەملەكەت باسشىسىنىڭ توراعالىعىمەن رەفورمالار جونىندەگى جوعارى كەڭەستىڭ ءتورتىنشى وتىرىسى ءوتتى.

اشىق تالقىلاۋ فورماتىندا وتكەن جيىن بارىسىندا پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى شەتەلدىك ينۆەستورلار كەڭەسىن جاڭعىرتۋ جۇمىستارىنىڭ قورىتىندىلارى مەن ينۆەستيتسيا تارتۋ جونىندەگى جۇيەلى شارالار تۋرالى باياندادى. پرەمەر-ءمينيستردىڭ ورىنباسارى رومان سكليار شەتەل ينۆەستورلارى ءۇشىن مۇناي-گاز سالاسىنىڭ باسەكەگە قابىلەتتىلىگى مەن ينۆەستيتسيالىق تارتىمدىلىعىن ارتتىرۋ جونىندەگى جۇيەلى شارالار جايىندا بايانداما جاسادى. قازاقستان پرەزيدەنتىنىڭ شتاتتان تىس كەڭەسشىسى سەر سۋما چاكرابارتي ەكونوميكالىق ءوسىم مودەلى جانە ماكروەكونوميكالىق تۇراقتىلىققا قول جەتكىزۋگە باعىتتالعان رەفورمالار تۋرالى وي-پىكىرىن ورتاعا سالدى. ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ ءوز بايانداماسىندا BigData جۇيەسىن قولدانا وتىرىپ، ۇلتتىق ستاتيستيكانى قالىپتاستىرۋ ۇدەرىسىنىڭ رەينجينيرينگ تۇجىرىمداماسىمەن تانىستىردى. پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ كاسىپكەرلىك سۋبەكتىلەردى قولداۋ جونىندەگى جەدەل شارالاردىڭ جاڭا توپتاماسىنىڭ ازىرلەنۋى جايىندا مالىمەت بەردى.

سونىمەن قاتار ونلاين بايلانىسقا شىققان دجوردج ۆاشينگتون ۋنيۆەرسيتەتىنىڭ پروفەسسورى، «Growth Dialogue» كومپانياسىنىڭ باسقارۋشى ديرەكتورى دەنني لەيپتسيگەر، جاھاندىق دامۋ ورتالىعىنىڭ پرەزيدەنتى ماسۋد احمەد، «MIT Sloan» مەنەدجمەنت مەكتەبىنىڭ پروفەسسورى اتاناسيوس ورفانيديس قازاقستاننىڭ ەكونوميكالىق دامۋىنا قاتىستى وزدەرىنىڭ وي-پىكىرلەرىن ورتاعا سالدى.

جيىنعا قاتىسۋشىلاردىڭ بايانداماسىن تىڭداعان مەملەكەت باسشىسى كۇن تارتىبىندەگى ماسەلەلەرگە جانە رەفورمالار ستراتەگياسىن ودان ءارى دامىتۋدىڭ پەرسپەكتيۆالارىنا  ەگجەي-تەگجەيلى توقتالدى.

جيىن بارىسىندا جاسالعان ءاربىر بايانداما بويىنشا قىزۋ پىكىرتالاس بولدى. وتىرىس قورىتىندىسى بويىنشا قاسىم-جومارت توقاەۆ جالپى ۇسىنىلعان باستامالاردى قولداپ، ولاردى جۇزەگە اسىرۋ جونىندە ناقتى تاپسىرمالار بەردى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار