ايماقتار • 26 اقپان، 2021

شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ باسشىسى تاعايىندالدى

1719 رەت كورسەتىلدى

شىمكەنت قالاسى اكىمىنىڭ وكىمىمەن ىشكى ساياسات جانە جاستار ىستەرى جونىندەگى باسقارماسىنىڭ باسشىسى مىندەتىن اتقارۋشى بولىپ ءمادي ماناتبەك ۇلى تاعايىندالدى.

جانبولات كەنجەعۇل

ءمادي ماناتبەك ۇلى 1978 جىلى 25 مامىردا دۇنيەگە كەلگەن.

ەڭبەك جولىن 1998 جىلى رەسپۋبليكالىق «نارتاۋەكەل» گازەتىندە تىلشىلىك قىزمەتتەن باستاعان. 1999 جىلى قالالىق «شىمكەنت كەلبەتى» گازەتىندە، 2000 جىلدان باستاپ «وتىرار» تەلەارناسىندا جۋرناليست بولىپ قىزمەت اتقارعان، سپورتتىق «توپجارعان»، قىلمىستىق «وقيعا ىزىمەن» باعدارلامالارىنىڭ اۆتورى ءارى جۇرگىزۋشىسى. 2001-2006 جىلدارى «استانا» تەلەارناسىندا جاڭالىقتار جۇرگىزۋشىسى، اپتالىق اقپاراتتىق-ساراپتامالىق ء«ۇش شيرەك»، «اشىق اڭگىمە» باعدارلامالارىنىڭ اۆتورى ءارى جۇرگىزۋشىسى جانە 2006 جىلى «31 ارنا» استانا قوسىنىنىڭ ءتىلشىسى بولىپ ەڭبەك ەتكەن.

2007 جىلى «MARMILAT» جارناما اگەنتتىگىنىڭ ديرەكتورى قىزمەتىن اتقارعان. 2008 جىلى «حابار» اگەنتتىگى» اق جاڭالىقتار قىزمەتىنىڭ جۇرگىزۋشىسى; 2010-2013 جىل ارالىعىندا «قازاقستان» رترك» اق اپتالىق اقپاراتتىق-ساراپتامالىق «اptا.kz» باعدارلاماسىنىڭ جۇرگىزۋشىسى; قوعامدىق-ساياسي باعدارلامالار ءبولىمىنىڭ جەتەكشىسى; «قازاقستان» رترك» اق باسقارما توراعاسىنىڭ ورىنباسارى قىزمەتتەرىندە بولدى.

2013 -2017 جىلدارى «BAQORDA media group» جشس باس ديرەكتورى، 2017-2018 جىلدارى «قازاق راديولارى» جشس باس ديرەكتورى، 2018-2019 جىلدارى «وتانداستار قورى» كەاق-ى ۆيتسە-پرەزيدەنتى، 2019-2021 جىلدارى «گورود كينو» جشس-ءنىڭ باس پروديۋسەرى، 2021 جىلدىڭ قاڭتار ايىنان بۇگىنگە دەيىن «استانا» راديوسىنىڭ ديرەكتورى قىزمەتىن اتقارعان.

Shyńǵys Muqan مولدير كەۋەنوۆا نۋربول ورىمباي بەكەن قونىس باحادىر نارىمبەتوۆ ىشكى ساياسات باسقارماسى شىمكەنت شىمكەنت قالاسى اكىمدىگى