ايماقتار • 26 اقپان، 2021

بيىل 8 مىڭ الماتىلىقتى باسپانامەن قامتۋ جوسپارلانۋدا

5 رەت كورسەتىلدى

الماتى قالاسىنىڭ وڭىرلىك كوممۋنيكاتسيالار قىزمەتىندە مەگاپوليستە مەملەكەتتىك تۇرعىن ءۇي باعدارلامالارىنىڭ جۇزەگە اسىرىلۋ بارىسى تۋرالى وتكەن بريفينگتە الماتى قالاسى تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ جانە الماتى قالاسى «وتباسى بانك» اق فيليالى ديرەكتورىنىڭ ورىنباسارى داناگۇل ءتۇسىپوۆا الداعى جوسپارمەن ءبولىستى.

جاۋاپتىلاردىڭ سوزىنشە، الماتى قالاسىنىڭ اكىمدىگى حالىقتى قولجەتىمدى جانە جايلى باسپانامەن قامتاماسىز ەتۋ بويىنشا كەشەندى جۇمىستار جۇرگىزۋدە. 

 

"2020 جىلى 2926 وتباسى باسپانامەن قامتاماسىز ەتىلدى، ونىڭ ىشىندە: 

- 429 – كوممۋنالدىق تۇرعىن ءۇي قورىنان (ساتىپ الۋ قۇقىعىنسىز جالعا بەرۋ) كەزەكتىلىك تارتىبىمەن;

- 1186 – كەزەكتە تۇرعاندار ءۇشىن جەڭىلدىكتى نەسيەلىك باعدارلامالار (شاڭىراق (5-10-20) – 457، باقىتتى وتباسى (2-10-20) – 363، كرەديتتىك تۇرعىن ءۇي (5-20-25) - 366);

- 1311 – جاستارعا ارنالعان باعدارلامالار (الماتى جاستارى بويىنشا كرەديتتەۋ (5-10-25) – 961، جۇمىس ىستەۋشى جاستار ءۇشىن ساتىپ الۋ قۇقىعىنسىز جالعا بەرۋ – 350)"، دەپ اتاپ ءوتتى باسقارما وكىلدەرى.

 

قازىرگى ۋاقىتتا «شاڭىراق» پيلوتتىق باعدارلاماسىنا قاتىسۋ ءۇشىن قۇجاتتاردى قابىلداۋ جالعاسۋدا جانە اعىمداعى جىلدىڭ باسىنان باستاپ جەكە تۇرعىن ءۇي ساتىپ الۋ ءۇشىن 225 قارىز بەرىلدى.

 

وسى باعدارلاما بويىنشا جالپى سوماسى 9،2 ملرد.تەڭگەگە بارلىعى 682 قارىز بەرىلگەن.

 

سونىمەن قاتار، پاتەرلەردىڭ باسىم بولىگى ءوز باسپاناسى جوق ازاماتتاردى قولجەتىمدى تۇرعىن ۇيمەن قامتاماسىز ەتۋ ءۇشىن ازىرلەنگەن «نۇرلى جەر» باعدارلاماسى شەڭبەرىندە جەڭىلدىكتى كرەديتتەۋ بويىنشا بەرىلەتىنىن اتاپ ءوتۋ قاجەت.

 

جالپى، وسى جىلى 8 مىڭنان استام قالا تۇرعىنىن باسپانامەن قامتاماسىز ەتۋ جوسپارلانۋدا، ونىڭ ىشىندە: 

- ءحاوت - 427 ;

- كوپبالالى وتباسىلار - 452;

- شاڭىراك - 3578، 

- كرەديتتىك باسپانا – 1411;

- الماتى جاستارى – 1000; 

- جۇمىس ىستەيتىن جاستار ءۇشىن جالدامالى باسپانا – 1050;

- باقىتتى وتباسى – 374.

 

سونىمەن قاتار، قوعامدىق پىكىردى ەسكەرە وتىرىپ، كورسەتىلەتىن قىزمەتتەردىڭ ساپاسىن ارتتىرۋ جانە بيزنەس پروتسەستەردى وڭتايلاندىرۋ، اشىقتىقتى قامتاماسىز ەتۋ جانە سىبايلاس جەمقورلىق قاۋپىن بولدىرماۋ ماقساتىندا بۇگىنگى تاڭدا تۇرعىن ۇيگە كەزەكتە تۇرعانداردى ەسەپكە الۋدىڭ رەسپۋبليكالىق بىرىڭعاي ۇلتتىق جۇيەسى قۇرىلدى.

- كەزەك تولىعىمەن ەلەكتروندىق ۇكىمەت پورتالىنا اۋىستىرىلدى (e.gov)، بۇل ونىمەن ايلا-شارعى جاساۋدىڭ كەز-كەلگەن مۇمكىندىگىن جوققا شىعاردى. ەندى كەز كەلگەن كەزەكتە تۇرعان ازامات ەتسق بولعان جاعدايدا كۇن سايىن ءوز كەزەگىن قاراپ، ونىڭ العا جىلجۋ ديناميكاسىن كورە الادى.

 

وسىلايشا، بۇگىنگى كۇنى كەزەككە قويۋدان باستاپ پاتەر بەرۋگە دەيىن تۇرعىن ءۇيدى ءبولۋ پروتسەستەرىن اقپاراتتاندىرۋ تولىعىمەن اياقتالدى.

 

ەستەرىڭىزگە سالا كەتەيىك، الماتىدا مەملەكەتتىك تۇرعىن ءۇي قورىنان تۇرعىن ءۇي الۋ كەزەگىندە 27 797 ازامات تۇر. ونىڭ ىشىندە:

- 1 770 – جەتىم بالالار، 

- 2 605 – كوپبالالى وتباسىلار، 

- 8 009 – تولىق ەمەس وتباسىلار، 

- 1 326 – مۇگەدەك بالانى تاربيەلەۋشى وتباسىلار،

- 10 403 بيۋدجەتتىك ۇيىمدار قىزمەتكەرلەرى 

- 3 684 حالىقتىڭ الەۋمەتتىك وسال توپتارىنىڭ باسقا ساناتتارى.

سوڭعى جاڭالىقتار

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار