ايماقتار • 26 اقپان، 2021

تۇركىستاندا «كاسىپكەرلىك قىراندارى» جوباسى باستاۋ الدى

5 رەت كورسەتىلدى

تۇركىستاندا ينۆەستورلاردىڭ كومەگىمەن ميكروبيزنەستى، ستارتاپەرلەردى، «باستاۋ بيزنەس» تۇلەكتەرىن قولداۋ ماقساتىنداعى «كاسىپكەرلىك قىراندارى» قاناتقاقتى جوبا باستاۋ الدى. وبلىس اكىمى ومىرزاق شوكەەۆتىڭ قاتىسۋىمەن وتكەن تەلەۆيزيالىق جوبانىڭ العاشقى تۇسىرىلىمىندە جاس كاسىپكەرلەر تاجىريبەلى بيزنەس وكىلدەرىنىڭ الدىندا بيزنەس - جوباسىن قورعادى.  

مول تابىس تابۋدىڭ قىر-سىرىن ۇيرەتىپ، كاسىپتىڭ وركەندەۋىنە ۇلەس قوسۋعا ءوڭىر كاسىپكەرلەرى قولداۋ كورسەتەدى. تۇڭعىش رەت قولعا الىنعان جوباعا ق.اباسوۆ، ن.ابىشەۆ، س.اراپباەۆ، ا.احمەتوۆ، س.ەرتاەۆ، ت.مۇراتوۆ، م.ريسمەتوۆ، ي.نامازباەۆا، ب.سەرمانيزوۆ سىندى ءوڭىردەگى ءىرى بيزنەسمەندەر قاتىستى. توك-شوۋ باعدارلاماسى ناۋرىز مەرەكەسىندە «Turkistan» تەلەارناسىنىڭ العاشقى ەفيرىندە جارىققا شىعادى. وبلىس اكىمى ءوڭىردىڭ جاس كاسىپكەرلەرىنە قولداۋ كورسەتۋ مۇمكىندىگى ءۇشىن ينۆەستورلارعا العىس ايتتى. «كاسىپكەر بولۋ ءۇشىن ءوزى تاڭداعان سالاسىندا بىلىكتىلىك پەن كاسىبيلىك كەرەك. كاسىپكەرلەر كۇندەلىكتى تاۋەكەلگە بارادى. سوندىقتان ەكىنىڭ ءبىرى كاسىپكەر بولا المايدى. ەلىمىزدە شاعىن جانە ورتا بيزنەستى دامىتۋعا جانە قولداۋعا ەرەكشە كوڭىل بولىنەدى. بۇل سالا ەلباسى نۇرسۇلتان نازارباەۆتىڭ، مەملەكەت باسشىسىنىڭ ەرەكشە نازارىندا. وزدەرىڭىزدەي، جاس تا بولسا جەكە كاسىپتىڭ تۇتقاسىن ۇستاۋعا قۇلشىنعان ازاماتتاردى قولدايمىز»، دەدى ومىرزاق شوكەەۆ.  سونداي-اق وبلىس باسشىسى ستارتاپەرلەردىڭ، جاس كاسىپكەرلەردىڭ جوبالارىن جانە الەۋمەتتىك جوبالاردى قولداۋ بويىنشا سوڭعى ەكى جىلدا قابىلدانعان شارالارعا توقتالدى.

ايتا كەتۋ كەرەك، ينۆەستورلارعا وڭدەۋ ونەركاسىبى، تاماق جانە اۋىل شارۋاشىلىعى، قىزمەت كورسەتۋ جانە تۋريزم سالالارىنداعى 60-قا جۋىق الەۋەتتى جوبالار تانىستىرىلدى. قاتال ساراپتاۋدان ءوتىپ، فينالدىق كەزەڭگە شىققان جوبا اۆتورلارى ينۆەستيتسيا ءۇشىن كۇرەستە وزدەرىنىڭ بيزنەس - يدەيالارىن ورتاعا سالدى. جوبالاردىڭ باسىم بولىگى تۇركىستان قالاسىندا جۇزەگە اسپاق. اتاپ ايتقاندا، وڭىردە تازا تابيعي ءونىمنىڭ ءوندىرىسى دامىپ، مىرىشپەن قاپتالعان قۇرىلىس ماتەريالدارى شىعارىلماق. جاڭا تاسىلمەن انار مەن المۇرت ءوسىرىلىپ، ۆەتەريناريالىق جەدەل جاردەم اشىلادى. ەكولوگيالىق تازا پوليەتيلەن قاپشىقتارى وندىرىلە باستايدى.

وتىرىستىڭ قورىتىندىسى بويىنشا، ينۆەستورلار مەن قاتىسۋشىلار اراسىندا 88 ملن تەڭگە بولاتىن جوبالاردى ىسكە اسىرۋ بويىنشا ىنتىماقتاستىق تۋرالى 8 مەموراندۋم جاسالدى. «اتامەكەن» وكپ جانە وبلىستىق كاسىپكەرلىك جانە ساۋدا باسقارماسى ۇيىمداستىرعان ءىس-شارا جالعاسىن تابادى. ينۆەستورلار قولداۋىن تاپقان بارلىق جوبانىڭ دامۋ ساتىسى باقىلانىپ، ەسەپتىك كەزدەسۋ وتەدى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار