قوعام • 26 اقپان، 2021

قازاقستاندا مۇگەدەكتىگى بار ادامدارعا كومەك كورسەتۋ ءۇشىن ارنايى ورتالىقتار اشىلادى

15 رەت كورسەتىلدى

2021 جىلى قازاقستاننىڭ 15 وڭىرىندە مۇگەدەكتىگى بار ادامدارعا ءتۇرلى كومەك كورسەتۋ ءۇشىن «Ten Qogam» ورتالىقتارى اشىلادى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ 2020 جىلعى قىزمەت قورىتىندىلارى مەن 2021 جىلعا ارنالعان مىندەتتەر بويىنشا كەڭەيتىلگەن القا وتىرىسىندا ۆەدومستۆو باسشىسى سەرىك شاپكەنوۆ مالىمدەدى، دەپ حابارلايدى Egemen.kz.

ءىس-شاراعا قر پرەمەر-ءمينيسترىنىڭ ورىنباسارى ەرالى توعجانوۆ، ەڭبەكمينىنىڭ ورتالىق اپپاراتى مەن قۇرىلىمدىق بولىمشەلەرىنىڭ باسشىلارى، قر پارلامەنتىنىڭ دەپۋتاتتارى، قر پرەزيدەنتى اكىمشىلىگىنىڭ، قر پرەمەر-ءمينيسترى كەڭسەسىنىڭ جانە ورتالىق مەملەكەتتىك ورگانداردىڭ وكىلدەرى، وبلىستار، نۇر-سۇلتان، الماتى، شىمكەنت قالالارى اكىمدەرىنىڭ ورىنباسارلارى، حالىقارالىق ۇيىمداردىڭ، كاسىپوداقتاردىڭ وكىلدەرى جانە باسقالار قاتىستى.

مينيستر ءوز سوزىندە قازاقستاندا 695 مىڭنان استام مۇگەدەكتىگى بار ادام تۇراتىنىن اتاپ ءوتتى، ونىڭ ىشىندە 419،8 مىڭى ەڭبەككە قابىلەتتى جاستا (60%)، 180،6 مىڭى زەينەتكەرلىك جاستا (26%)، 94،7 مىڭى – 18 جاسقا دەيىنگى بالا (14%).

2020 جىلى مۇگەدەكتىگى بار ادامداردى الەۋمەتتىك قورعاۋعا مەملەكەتتىك بيۋدجەتتەن 448 ملرد تەڭگە ءبولىندى، بۇل 2019 جىلمەن سالىستىرعاندا 10،4% - عا ارتىق.

مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى جۇمىس تىرشىلىك ارەكەتىنىڭ بارلىق باعىتتارىن قامتيتىن ۇلتتىق جوسپار شەڭبەرىندە جۇرگىزىلەدى. قۇجات 7 باعىت بويىنشا 64 ءىس-شارانى قامتيدى: مۇگەدەكتىكتىڭ پروفيلاكتيكاسى جانە ونىڭ الدىن الۋ، بىلىمگە قولجەتىمدىلىك، كەدەرگىسىز ورتا، ەكونوميكالىق جۇمىسپەن قامتۋ، ءتيىمدى وڭالتۋ، الەۋمەتتىك قىزمەتتەر جانە قوعامدىق سانانى جاڭعىرتۋ.

«2020 جىلدىڭ قورىتىندىسى بويىنشا 343،4 مىڭنان استام مۇگەدەكتىگى بار ادام نەمەسە مۇقتاجداردىڭ 81%-ى قاجەتتى تەحنيكالىق قۇرالدارمەن (بۇدان ءارى – وتق) جانە وڭالتۋ قىزمەتتەرىمەن قامتاماسىز ەتىلدى. بۇل ورىندالۋى مۇگەدەكتىگى بار ادامداردىڭ قوعامعا كىرىگۋ دارەجەسىنە بايلانىستى بولاتىن وتە ماڭىزدى ينديكاتور. وتق قامتاماسىز ەتۋدى جاقسارتۋ ءۇشىن وتكەن جىلى الەۋمەتتىك قىزمەتتەر پورتالى ىسكە قوسىلدى (aleumet.egov.kz)، ول ارقىلى ازاماتتار ءوز بەتىنشە، مەملەكەتتىك ساتىپ الۋلارسىز وڭالتۋدىڭ قاجەتتى قۇرالدارى مەن قىزمەتتەرىن تاڭداپ، ساتىپ الا الادى»، – دەدى سەرىك شاپكەنوۆ.

2020 جىلى پورتالدا جەكە ىرىكتەۋدى تالاپ ەتپەيتىن وتق-نىڭ 55 ءتۇرىنىڭ 24-ءىن ساتىپ الۋ مۇمكىندىگى ىسكە اسىرىلدى. 28،8 مىڭ وڭالتۋدىڭ تەحنيكالىق قۇرالى بەرىلدى. 2021 جىلدىڭ 1 قاڭتارىنان باستاپ وتق-نىڭ 55 ءتۇرى قولجەتىمدى بولدى (تۇرلەرىن ەسكەرگەندە - 67). سونداي-اق پورتال ارقىلى جەكە كومەكشىنىڭ، ىمداۋ ءتىلى مامانىنىڭ قىزمەتتەرىنە جانە ساناتورلىق-كۋرورتتىق ەمدەلۋگە تاپسىرىس بەرۋگە بولادى.

ەكونوميكالىق بەلسەندىلىك ءۇشىن مۇمكىندىكتەر جاساۋ ماقساتىندا 2020 جىلى مۇگەدەكتىگى بار ادامدارعا ارنالعان كاسىپتەر اتلاسى ازىرلەندى. بۇل انىقتامالىق مۇگەدەك ادامداردى جۇمىسقا ورنالاستىرۋ كەزىندە، ونىڭ ىشىندە ەلەكتروندىق ەڭبەك بيرجاسى پورتالىندا جۇمىس ىزدەۋدى جەتىلدىرۋ ءۇشىن پايدالانىلاتىن بولادى (enbek.kz). ۇسىنىلاتىن ماماندىقتار قر ۇلتتىق كاسىپتەر سىنىپتاۋىشىنا نەگىزدەلگەن. 12 مىڭنان استام كاسىپ زەردەلەندى، ناتيجەسىندە مۇگەدەكتىكتىڭ 1-توبى ءۇشىن 2،5 مىڭعا جۋىق كاسىپ ۇسىنىلدى، 2 جانە 3-توپتار ءۇشىن جەكە-جەكە 7 مىڭعا جۋىق كاسىپ ۇسىنىلدى.

مۇگەدەكتىگى بار ادامداردىڭ ءومىر ءسۇرۋ ساپاسىن قامتاماسىز ەتۋ ماقساتىندا 2021 جىلى مۇگەدەكتەردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى راتيفيكاتسيالاۋ تۋرالى زاڭ جوباسى ازىرلەنەتىن بولادى.

«اقمولا، اقتوبە جانە قاراعاندى وبلىستارىندا مۇگەدەكتىگى بار بالالارعا ارنالعان جاڭا وڭالتۋ ورتالىقتارىن اشۋ كوزدەلگەن. 15 وڭىردە «Ten Qogam» ورتالىقتارى اشىلادى. نۇر-سۇلتان مەن الماتىدا مۇنداي ورتالىقتار قازىردىڭ وزىندە تابىستى جۇمىس ىستەۋدە، ولاردا مۇگەدەكتىگى بار ادامدارعا پسيحولوگيالىق جانە قۇقىقتىق كومەك، جۇمىسقا ورنالاسۋعا جاردەم كورسەتىلەدى. ورتالىقتاردى اشۋ «Nur Otan» پارتياسىنىڭ جاڭا باعدارلاماسىن ىسكە اسىرۋ جونىندەگى جول كارتاسىندا كوزدەلگەن. اكىمدىكتەر اتالعان شارالاردىڭ ورىندالۋىن قامتاماسىز ەتۋى قاجەت»، – دەدى ەڭبەكمينى باسشىسى.

سەرىك شاپكەنوۆ سونداي-اق قولجەتىمدى ورتانى قامتاماسىز ەتۋ بولىگىندە جىل سايىن 4 مىڭنان استام وبەكتىنى بەيىمدەۋ بويىنشا مىندەت قويىلعانىن حابارلادى. اعىمداعى جىلى بەيىمدەلگەن، ستاندارتتارعا سايكەس كەلەتىن وبەكتىلەردىڭ ۇلەسى 20% - دى قۇراۋعا، ال 2025 جىلى 100% - عا جەتۋگە ءتيىس.

«2020 جىلى ۇلتتىق جوسپار اياسىندا مينيسترلىك مۇگەدەكتىگى بار ادامداردىڭ قۇقىقتارى مەن الەۋمەتتىك قولداۋ الۋىن قامتاماسىز ەتۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى. قازىرگى ۋاقىتتا زاڭ جوباسى پارلامەنت ءماجىلىسىنىڭ قاراۋىندا جاتىر»، – دەپ تۇيىندەدى مينيستر.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار