قازاقستان • 26 اقپان، 2021

سەنات ۇكىمەت ساعاتىنىڭ قورىتىندىسى بويىنشا 20-دان استام ۇسىنىس دايىندادى

10 رەت كورسەتىلدى

سەنات توراعاسىنىڭ ورىنباسارى نۇرلان ءابدىروۆتىڭ توراعالىق ەتۋىمەن قازاقستاننىڭ ونەركاسىپتىك الەۋەتىن ودان ءارى ارتتىرۋ ماسەلەلەرىنە ارنالعان ۇكىمەت ساعاتى ءوتتى. كەزدەسۋدە ونەركاسىپ ساياساتىن زاڭنامالىق رەتتەۋ، سالا ماسەلەلەرى جانە ولاردى شەشۋ جولدارى تالقىلاندى.

"قازاقستان ءوزىنىڭ ونەركاسىپتىك ساياساتىندا ەكونوميكانىڭ شيكىزاتتىق ەمەس سەكتورلارىن، ونىڭ ۇستىنە الەمدىك نارىقتىڭ كونيۋنكتۋراسىنا تاۋەلدىلىگى از سەكتورلاردى دامىتۋدا بالاماسىز باعىت ۇستانۋى ءتيىس. سوندىقتان ونەركاسىپتىك ساياساتتى قۇقىقتىق رەتتەۋدە ونىڭ وڭدەۋ سەكتورىن دامىتۋعا جانە ەكونوميكالىق ءوسۋ كوزدەرىن ارتاراپتاندىرۋعا باسا نازار اۋدارىلاتىن بولادى"، – دەدى سەنات توراعاسىنىڭ ورىنباسارى نۇرلان ءابدىروۆ.

سەناتورلار يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ بايانداماسىن تىڭداپ، ونەركاسىپتى دامىتۋعا سەرپىن بەرەتىن بىرقاتار ۇسىنىستار ايتتى. سونىمەن قاتار، بۇل ۇسىنىستار وسى ۇكىمەت ساعاتىنا دايىندىق اياسىندا سەناتورلار جۇرگىزگەن ۇلكەن دايىندىق جۇمىستارىنىڭ ناتيجەسى بولدى.

ل

سەناتورلاردىڭ ۇسىنىستارىنىڭ ىشىندە – "مەملەكەتتىك ساتىپ الۋ تۋرالى" زاڭعا وزگەرىستەر ەنگىزۋ دە بار. ودان دەپۋتاتتار وتاندىق ءونىم وندىرمەيتىن كاسىپورىنداردىڭ ءونىم جەتكىزۋدەگى مۇمكىندىكتەرىن الىپ تاستاۋدى ۇسىنىپ وتىر. سونداي-اق، ونەركاسىپتىك ساياساتتىڭ ماقساتى مەن مىندەتتەرىن، ناقتى ايتقاندا، مينەرالدىق-شيكىزاتتىق ساياساتتان وڭدەۋ ساياساتىنا كوشۋ، ەكسپورتقا باعدارلانعان جانە جوعارى تەحنولوگيالىق ءونىم ءوندىرۋ ءۇشىن جاعداي جاساۋدى زاڭنامالىق تۇردە ايقىنداۋ ۇسىنىلدى. تاعى ءبىر ۇسىنىس – ينۆەستورلارعا سالىقتىق جەڭىلدىكتەردىڭ ءارتۇرلى دەڭگەيىن بەرىپ كورۋ. ياعني، كومپانيا وندىرىسكە نەعۇرلىم كوپ ينۆەستيتسيا سالسا، سوعۇرلىم جەڭىلدىكتەرگە يە بولادى. سەناتورلار ۇسىنعان پرينتسيپ ونەركاسىپشىلەردى ءونىمدى نەعۇرلىم تەرەڭ وڭدەۋگە ىنتالاندىرۋعا ءتيىس، ول بويىنشا ۇلتتىق جوبالاردى ازىرلەۋ كەزىندە ءوندىرىستى قايتا ءبولۋ دەڭگەيى جوعارى كومپانيالارعا ارقاشان باسىمدىق بەرىلۋى قاجەت. ارنايى ەكونوميكالىق جانە يندۋستريالىق ايماقتاردا جۇمىس ىستەيتىن كاسىپورىندار دا نەعۇرلىم جاۋاپتى بولۋعا ءتيىس. سەناتورلاردىڭ پىكىرىنشە، مەملەكەت تاراپىنان قولداۋعا يە بولا وتىرىپ، ولار ءوندىرىس، ەكسپورت، ينۆەستيتسيا كولەمى، جەرگىلىكتى قامتۋ ۇلەسى، سونداي-اق، قايتا ءبولۋ دەڭگەيى بويىنشا وزدەرىنە كوبىرەك مىندەتتەمە الۋى كەرەك.

دەپۋتاتتار تىڭداۋ بارىسىندا جۇمىس ىستەمەيتىن وندىرىستەرگە رەۆيزيا جۇرگىزىپ، ولاردىڭ ىشىندەگى باسەكەگە بارىنشا قابىلەتتى وندىرىستەردى قايتا ىسكە قوسۋ بويىنشا جول كارتاسىن ازىرلەۋدى ۇسىندى. وڭدەۋشى ونەركاسىپتىڭ ورتا جانە ءىرى سۋبەكتىلەرىن سينديكاتتالعان قارىزدار جانە ليزينگ تۇرىندە نەسيەلەۋمەن قامتۋدى كەڭەيتۋ ءۇشىن جاڭا قارجى قۇرالدارى ۇسىنىلدى.

ۇكىمەت ساعاتىنا دايىندىق اياسىندا سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى ءتۇرلى مينيسترلىكتەر مەن مەكەمەلەردىڭ، "اتامەكەن" پالاتاسىنىڭ باسشىلىعىمەن، سونداي-اق، سالا ساراپشىلارىمەن كوپتەگەن كەزدەسۋلەر وتكىزىپ، 100-گە جۋىق ماسەلەنى تالقىلادى.

ۇكىمەت ساعاتىنىڭ قورىتىندىسى بويىنشا ازىرلەنگەن ۇسىنىمدار مينيسترلەر كابينەتىنە جولدانادى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار