تەاتر • 26 اقپان، 2021

ش.قالداياقوۆتىڭ ءومىرى جايلى ميۋزيكلدىڭ پرەمەراسى وتەدى

19 رەت كورسەتىلدى

2021 جىلدىڭ 1، 2، 3 ناۋرىزىندا نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ء«شامشى» ميۋزيكلىنىڭ پرەمەراسىن كورەرمەندەر نازارىنا ۇسىنادى.

ايگىلى قازاق كومپوزيتورىنىڭ ءومىرى مەن شىعارماشىلىعىنان كورىنىس بەرەتىن ء«شامشى» ميۋزيكلى بەلگىلى تۇلعانىڭ كۇرەسكەرلىك، عاشىقتىق جانە كومپوزيتورلىق قىرلارىن ساحناعا شىعارادى. شىعارماشىلىق يەسى ءومىر جولىندا كەزىككەن قيىندىقتاردى قالاي قارسى الدى، ادام مەن قوعامعا دەگەن قانداي فيلوسوفيامەن قارادى، ىشكى دۇنيەسىندە تولقىعان سەزىم يىرىمدەرىن، عاشىقتىق سىرلارىن قالاي باعىندىردى، وسىلاردىڭ بارلىعىنان ءسۇزىلىپ شىعىپ، بۇلقىنىپ، سىلكىنىپ تۋعان اۋەزدى اندەردى قالاي دۇنيەگە اكەلدى، مىنە، قويىلىمنىڭ كورەرمەنگە بەرەر باستى قۇندىلىعى وسى.

سپەكتاكل بارىسىندا ورىندالاتىن ءشامشى اندەرىنىڭ ارقايسىسى – اۆتوردىڭ ءبىر-ءبىر ويى، ومىرىندە ورىن العان ءار الۋان وقيعاسى. انگە اينالعان تۇلعانىڭ اسەرلى الەمى كورەرمەننىڭ كوڭىلىن باۋراپ، جۇرەك تۇكپىرىندەگى مەيىرىمى مەن ماحابباتىن قوزعاپ، اقىل-پاراساتپەن اپتالعان ادامگەرشىلىك سىندى اسىل قاسيەتتەرىن وياتادى.

 مۋزىكالىق جاس كورەرمەن تەاترى ء«شامشى» ميۋزيكلى ارقىلى ونەر جولىنا قىزىعۋشىلىقپەن قارايتىن دارىندى جاسوسپىرىمدەر مەن بالالاردىڭ قيالىن قوزعاپ، ولاردى ونەرگە قىزىقتىرىپ، قاناتتاندىرۋدى ماقسات ەتەدى. قويىلىمدى تاماشالاعان جاس كورەرمەن شامشىگە قاراپ، ونىڭ شىعارماشىلىعىنا زەر سالىپ، كۇردەلى ءومىر جولىنداعى كيەلى ونەردىڭ باعاسى ادامزات عۇمىرىن ارناۋعا تۇراتىنداي قۇدىرەتتى دە تازا ەكەندىگىنە كوز جەتكىزەدى دەگەن سەنىمدەمىز. 

ميۋزيكلدىڭ اۆتورى مادينا وماروۆا، قويۋشى رەجيسسەرى قازاقستاننىڭ ەڭبەك سىڭىرگەن قايراتكەرى اسحات ماەميروۆ، رەجيسسەردىڭ اسسيستەنتى مەكان دجۋماباەۆ، قويۋشى ديريجەر رۋسلان بايمۋرزين، قويۋشى حورمەيستەر مادەنيەت سالاسىنىڭ ۇزدىگى عالىمجان بەرەكەشەۆ، حورمەيستەرلەر ن. تىلەنديەۆ اتىنداعى II رەسپۋبليكالىق ديريجەرلەر بايقاۋىنىڭ لاۋرەاتى ءاليحان ىدىرىسوۆ، التىنبەك امانقۇلوۆ، مۋزىكالىق رەداكتور بولات جولداسوۆ، قويۋشى حورەوگراف ەلدوس وسپانوۆ، كوستيۋم سۋرەتشىسى ىڭكار كاريموۆا، رەجيسسەردىڭ كومەكشىسى گۇلدانا ابدىسادىق، جارىق سۋرەتشىسى ايدىن دوساەۆ، دىبىس رەجيسسەرى ماقسات ەسقالي، مۋزىكامەن سۇيەمەلدەۋشى – تەاتر وركەسترى.

ميۋزيكل كەيىپكەرلەرى مەن ورىنداۋشىلارى:

كۇرەسكەر ءشامشى – امان عۇماروۆ، ەرنار مۇحامبەتوۆ

كومپوزيتور ءشامشى – سۇلتان كەڭشىلىك، ازامات بولاتوۆ

عاشىق ءشامشى – سالامات مۇقاشەۆ، ەرماحان ايماحان

اكەسى – ارمات اماندىقوۆ، يرانبەك بالتابەك ۇلى        

اناسى – زاميرا ساپار، ايزا زۇلقارناي

احمەت جۇبانوۆ – ابزال اراپوۆ، ەلامان يمانباەۆ

ساعىنىش – ديانا اسقار، سابيرا سۇگىروۆا، جانەل ەسەنگەلدينا

جاراس – اقەدىل يمانعالي، سۇندەتحان دۇيسەحان

جاراستىڭ دوستارى – ماعجان ومار، ءسۇيىنباي ساعىنباي

دوكەي – تالعات كەڭەس، ەرنازار جاڭاتىلەك

دوكەيدىڭ كومەكشىسى – جاسۇلان ءابدىراحمان، ماعجان ومار

مۇقاعالي ماقاتاەۆ – مۇحامەدسايد باعاشاروۆ، باقداۋلەت ورالوۆ

روزا باعلانوۆا – ماقپال دۇيسەن، تاڭشولپان نۇرتىلەۋقىزى

ءابىلاحات ەسپاەۆ – اققانات قۋاندىقوۆ، ءدىنيسلام نۇرماعانبەتوۆ

تولەگەن ايبەرگەنوۆ – ديدار تولەگەنوۆ، بيبول بايعاراەۆ

جۇمەكەن ناجىمەدەنوۆ – شالقار مۇرالتاي، الىشەر يسمايلوۆ

اقان سەرى – ورازالى يگىلىك، نۇرجان تىنىبەك

يزولدا – گۇلدانا ابدىسادىق، دانا ۆەرەششاك

يانكو – قازبەك ەسقارا، اسقار جۇمابەكوۆ

وفيتسەر – سۇندەتحان دۇيسەحان، اقەدىل يمانعالي

اعا لەيتەنانت – شىڭعىس تەلمانوۆ

پوليتسەي قىزمەتكەرلەرى – ايدىن قوجاحمەت، الماس ابدەنوۆ

كوپشىلىك ساحنادا – تەاتر ارتيستەرى

سوڭعى جاڭالىقتار

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار