ايماقتار • 26 اقپان، 2021

الماتىدا مەكتەپكە دەيىنگى ءبىلىم بەرۋدىڭ وزەكتى ماسەلەلەرى بويىنشا كەڭەس ءوتتى

33 رەت كورسەتىلدى

مەملەكەتتىك بالاباقشالار باسشىلارىنىڭ قاتىسۋىمەن وتكەن كەڭەستە بالاباقشالارداعى ورىن تاپشىلىعىن ازايتۋ، بالالاردى تاماقتاندىرۋدىڭ جانە دەنساۋلىق جاعدايلارىن مەديتسينالىق باقىلاۋدىڭ ساپاسىن ارتتىرۋ، مەكتەپكە دەيىنگى ءبىلىم بەرۋ ءارى تاربيەلەۋ ۇردىستەرىن، اكىمشىلىك تاراپىنان مەنەدجمەنتتى جاقسارتۋ، سىبايلاستىق تاۋەكەلدەرىنە قارسى ءىس-قيمىل جۇرگىزۋ ماسەلەلەرى قارالدى.

بۇگىنگى كۇنى الماتىدا 824 مەكتەپكە دەيىنگى ۇيىم بار، ونىڭ 189-ى مەملەكەتتىك، وعان 65 مىڭنان اسا بالا قاتىسادى. 3 جاستان 6 جاسقا دەيىنگى بالالاردى قامتۋ شامامەن 90%-دى قۇرايدى.

بالاباقشالاردا ورىن تاپشىلىعىن ازايتۋ ماقساتىندا 640 ورىندى ءتورت مەملەكەتتىك بالاباقشانىڭ قۇرىلىسى جۇرۋدە. سونىمەن بىرگە، جەرگىلىكتى بيۋدجەتتىڭ قارجىسى ەسەبىنەن جەكە بالاباقشالارداعى اتا-انالاردىڭ تولەمدەرىن ءىشىنارا وتەۋ تەتىكتەرى پىسىقتالۋدا. بۇل قوسىمشا 5 مىڭ ورىن قۇرۋعا مۇمكىندىك بەرەدى. تاعى 2،2 مىڭ ورىندى قولدانىستاعى نىسانداردى قايتارۋ نەمەسە جاڭارتۋ ارقىلى اشۋ جوسپارلانۋدا.

كەڭەستە بالاباقشالار باسشىلارىنىڭ جاۋاپكەرشىلىگىن كۇشەيتۋگە ەرەكشە نازار اۋدارۋ كەرەكتىگى ءسوز بولدى. اسىرەسە قارجى ءتارتىبىن ساقتاۋ وتە ماڭىزدى، ويتكەنى مەكتەپكە دەيىنگى ءبىلىم بەرۋ سالاسىنا بولىنەتىن قارجى كولەمى ءوستى. سونىمەن بىرگە، بالاباقشا مەڭگەرۋشىلەرى ءبىلىم بەرۋ پروتسەسىنىڭ جوعارى مازمۇندىق ساپاسىن قامتاماسىز ەتىپ، قوسىمشا ساباقتار وتكىزۋدى ەنگىزۋلەرى ءتيىس.

كۇن تارتىبىندەگى وزەكتى ماسەلەنىڭ ءبىرى – بالالار تاعامىنىڭ ساپاسىن ارتتىرۋ جانە قاۋىپسىزدىك شارالارىن كۇشەيتۋ. باقىلاۋدى كۇشەيتۋ ءۇشىن بەينەباقىلاۋ جۇيەسى كەڭىنەن ەنگىزىلىپ، «سوقىر ايماقتار» جابىلۋدا.

كوروناۆيرۋستىق پاندەميا جاعدايىندا سانيتارلىق-ەپيدەميولوگيالىق قاۋىپسىزدىك نورمالارىن ساقتاۋعا ەرەكشە نازار اۋدارىلادى. سانيتارلىق دارىگەرلەر سانيتارلىق قاۋىپسىزدىك ەرەجەلەرىنىڭ بەلگىلەنگەن ءتارتىبىنىڭ ساقتالۋىن انىقتاۋ ءۇشىن تۇراقتى مونيتورينگ جۇرگىزەدى.

الماتى اكىمى باقىتجان ساعىنتاەۆ قارجىلىق تارتىپكە باقىلاۋدى كۇشەيتۋدى جانە مەنەدجمەنتتى كۇشەيتۋ بويىنشا شارالار قابىلداۋدى تاپسىردى. بۇدان بىلاي بالاباقشا مەڭگەرۋشىلەرىنىڭ جۇمىسى ىسكە اسىرىلعان KPI ارقىلى باعالاناتىن بولادى. بۇدان وزگە، قامقورشىلىق كەڭەستەرىنىڭ قۇرامى قايتا قارالادى، ولاردىڭ قۇرامىندا بەلسەندى ومىرلىك ۇستانىمدارى بار اتا-انالار بولۋلارى ءتيىس.

سوڭعى جاڭالىقتار

قارسىلاسىن 7 راۋند بويى سابادى

كاسىپقوي بوكس • كەشە

ءۇشىنشى جەڭىلىس

جەكپە-جەك • كەشە

بايدەن توقاەۆتى ەل تاۋەلسىزدىگىنىڭ 30 جىلدىعىمەن قۇتتىقتادى

تاۋەلسىزدىكتىڭ 30 جىلدىعى • 04 جەلتوقسان، 2021

وميكرون شتاممى زامبياعا جەتتى

الەم • 04 جەلتوقسان، 2021

جوسپارىن جوققا شىعاردى

كاسىپقوي بوكس • 04 جەلتوقسان، 2021

كوپىردەن سەكىرىپ ولمەك بولدى

ايماقتار • 04 جەلتوقسان، 2021

ۇزدىك وندىقتا گولوۆكين جوق

كاسىپقوي بوكس • 04 جەلتوقسان، 2021

پىكىرسايىس ءتۋرنيرى باستالدى

ەلوردا • 04 جەلتوقسان، 2021

مەكتەپ وقۋشىسى مەرت بولدى

ايماقتار • 04 جەلتوقسان، 2021

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • 04 جەلتوقسان، 2021

جەكپە-جەكسىز وتكەن العاشقى جىل

كاسىپقوي بوكس • 04 جەلتوقسان، 2021

ۇقساس جاڭالىقتار