ەلىمىزدە ۇيىتىلعان گازدىڭ باعاسىن ۋاقىتشا رەتتەۋ توقتاتىلادى

قازاقستان • 26 اقپان، 2021

ەلىمىزدە سۇيىتىلعان گازدىڭ باعاسىن ۋاقىتشا رەتتەۋ توقتاتىلادى

9 رەت كورسەتىلدى

ەنەرگەتيكا مينيسترلىگىنىڭ ءباسپاسوز قىزمەتى قازاقستاندا سۇيىتىلعان گازدىڭ باعاسىن ۋاقىتشا رەتتەۋ توقتاتىلاتىنى مالىمدەدى، دەپ حابارلايدى Egemen.kz

ايىم ءداۋىت

قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 2020 جىلعى 30 ناۋرىزداعى حاتتاماسىنىڭ 8.2-تارماعىنا سايكەس ەنەرگەتيكا مينيسترلىگىنە ۇلتتىق ەكونوميكا مينيسترلىگىمەن جانە ادىلەت مينيسترلىگىمەن بىرلەسىپ، اۆتوگاز قۇيۋ ستانتسيالارىندا اۆتوكولىكتەرگە قۇيۋعا ارنالعان سۇيىتىلعان مۇناي گازىن وتكىزۋگە ۋاقىتشا مەملەكەتتىك باعا رەتتەۋدى ەنگىزۋ بويىنشا شارالار قابىلداۋ تاپسىرىلدى.

وسىلايشا، «اۆتوگاز قۇيۋ ستانتسيالارىندا اۆتوكولىككە قۇيۋعا ارنالعان سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعالارىن بەلگىلەۋ تۋرالى» بۇيرىق قابىلدانىپ، 2020 جىلعى 3 ساۋىردە ادىلەت مينيسترلىگىندە № 20293 بولىپ تىركەلگەن.

بۇيرىق اۆتوگاز قۇيۋ ستانتسيالارىندا اۆتوكولىككە قۇيۋعا ارنالعان سۇيىتىلعان مۇناي گازىن وتكىزۋگە ۋاقىتشا مەملەكەتتىك باعالىق رەتتەۋ شەڭبەرىندە قابىلدانعاندىقتان، سونداي-اق كاسىپكەرلىك قىزمەتتى قولداۋ ماقساتىندا «اۆتوگاز قۇيۋ ستانسالارىندا اۆتوكولىككە قۇيۋعا ارنالعان سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعالارىن بەلگىلەۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2020 جىلعى 3 ساۋىردەگى № 125 جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2020 جىلعى 3 ساۋىردەگى № 22 بىرلەسكەن بۇيرىعىنا وزگەرىس ەنگىزۋ تۋرالى» قر ەنەرگەتيكا ءمينيسترىنىڭ 2021 جىلعى 23 اقپانداعى № 61 بۇيرىعى قابىلدانىپ، ادىلەت ورگاندارىندا تىركەلدى.

«اتامەكەن» ۇكپ سالالىق قاۋىمداستىقتارمەن بىرلەسىپ، كاسىپكەرلەردى قولداۋ ماقساتىندا مەملەكەتتىك ورگاندارعا بۇيرىقتىڭ قولدانىلۋ مەرزىمىن انىقتاۋ بويىنشا بىرنەشە رەت ۇسىنىس جاساعان بولاتىن. بۇيرىقتىڭ قولدانىلۋ مەرزىمى ۇزارتىلعان جاعدايدا، كاسىپكەرلەر قىزمەتكەرلەرىنىڭ قىسقارۋ تاۋەكەلى تۋىنداۋدا.

وسى بۇيرىققا سايكەس بۇيرىقتىڭ سوڭعى مەرزىمى 2021 جىلدىڭ 1 ناۋرىزىنا دەيىن بەلگىلەندى. ەسكە سالساق، وتكەن جىلى 7 قازاننان باستاپ سۇيىتىلعان مۇناي گازىن (سمگ) اۆتوموبيل كولىگىمەن اكەتۋگە ءۇش جىل مەرزىمگە تىيىم سالىنعان ەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز