قوعام • 26 اقپان، 2021

مۇگەدەكتىگى بار ادامدار الەۋمەتتىك قىزمەتتەر پورتالى ارقىلى 56،8 مىڭنان استام قىزمەت الدى

140 رەت كورسەتىلدى

وسى جىلدىڭ باسىنان باستاپ الەۋمەتتىك قىزمەتتەر پورتالى ارقىلى 20،7 مىڭنان استام مۇگەدەكتىگى بار ادام وڭالتۋدىڭ تەحنيكالىق قۇرالدارىن، 5،2 مىڭى – ىمداۋ ءتىلى قىزمەتىن، 28،1 مىڭى – جەكە كومەكشىنىڭ قىزمەتىن، 2،8 مىڭى – ساناتورلىق-كۋرورتتىق ەمدەۋدى الدى جانە 17،7 مىڭ ادام كەپىلدىك بەرىلگەن الەۋمەتتىك توپتاما الۋدى رەسىمدەدى، دەپ حابارلايدى Egemen.kz.

پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق تسيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە الىپ كەتۋ ارقىلى الۋعا بولادى.

مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق، سۋردوتەحنيكالىق، تيفلوتەحنيكالىق جانە گيگيەنالىق قۇرالداردى، سونداي-اق كرەسلو-اربالار بەرۋدى قامتيدى.

2021 جىلعى 1 قاڭتاردان باستاپ 20،7 مىڭنان استام مۇگەدەكتىگى بار ادام وتق، 5،2 مىڭى – ىمداۋ ءتىلى قىزمەتىن، 28،1 مىڭى – جەكە كومەكشى قىزمەتىن، 2،8 مىڭى – سانوتورلىق-كۋرورتتىق ەم الدى. 

سونداي-اق، پورتال ارقىلى 17،7 مىڭ تابىسى از وتباسى الەۋمەتتىك توپتاما الۋدى رەسىمدەدى.

بۇدان باسقا، جىل باسىنان بەرى ماب ارقىلى تەلەفون نومىرىنە sms-حابارلاما جىبەرۋ ارقىلى وڭالتۋ قۇرالدارىمەن جانە قىزمەتتەرىمەن قامتاماسىز ەتۋگە 3،5 مىڭ قۇجات پرواكتيۆتى تۇردە رەسىمدەلدى.

بۇگىنگى كۇنى پورتالدا ارناۋلى الەۋمەتتىك قىزمەت كورسەتەتىن 846 مەديتسينالىق-الەۋمەتتىك مەكەمە (بولىمشەلەر)، وتق 75 جەتكىزۋشىسى، 12 مىڭنان استام جەكە كومەكشى قىزمەتىن، 225 ىمداۋ ءتىلىن، 48 ساناتوري-كۋرورتتىق ەمدەۋدى، 120 كەپىلدىك بەرىلگەن الەۋمەتتىك توپتامانى جەتكىزۋشى تىركەلگەن.

2020 جىلعى 29 جەلتوقساننان باستاپ ەلەكتروندىق ۇكىمەت پورتالىندا (eGov.kz) مۇگەدەكتىگى بار ادامدارعا قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مەملەكەتتىك قىزمەتتەرىن كورسەتۋگە ەلەكتروندىق ءوتىنىم بەرۋ مۇمكىندىگى ىسكە اسىرىلدى. وڭالتۋ قۇرالدارىمەن جانە قىزمەتتەرىمەن قامتاماسىز ەتۋگە ارنالعان 8 673 قۇجات ەلەكتروندىق ۇكىمەت پورتالى ارقىلى رەسىمدەلدى.

قازىرگى ۋاقىتتا الەۋمەتتىك قىزمەتتەر پورتالىنا 46 286 مۇگەدەكتىگى بار ادام جانە «قامقورشى» مارتەبەسى بار 47 854 ادام كىردى.

2020 جىلى پورتال ارقىلى وتق-نىڭ 24 ءتۇرىن ساتىپ الۋ مۇمكىندىگى بەرىلدى. ونى 16،3 مىڭنان استام ادام پايدالاندى، ولارعا 28،8 مىڭ وڭالتۋدىڭ تەحنيكالىق قۇرالى بەرىلدى.

قازىرگى ۋاقىتتا مۇگەدەكتىگى بار ادامدار جەكە ىرىكتەۋدى تالاپ ەتپەيتىن وتق-نىڭ 67 ءتۇرىن ساتىپ الۋ مۇمكىندىگىنە يە. مىسالى، كيۋگە ارنالعان ءتۇرلى قۇرىلعىلار، جايالىقتار، تازارتقىشتار.

بۇدان باسقا، پورتال ارقىلى جەكە كومەكشىنىڭ، ىمداۋ ءتىلى مامانىنىڭ قىزمەتتەرىنە جانە ساناتورلىق-كۋرورتتىق ەمدەلۋگە تاپسىرىس بەرۋگە بولادى. سونداي-اق، تابىسى از وتباسىلاردىڭ كەپىلدىك بەرىلگەن الەۋمەتتىك توپتاما الۋ مۇمكىندىگى بار.

 «الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.

Call-ورتالىقتان 1411 ءنومىرى ارقىلى پورتالدى پايدالانۋ بويىنشا كەڭەس الۋعا بولادى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار