قوعام • 26 اقپان، 2021

كاسىپكەرلەردى سىبايلاس جەمقورلىقتان قورعاۋ ماسەلەسى تالقىلاندى

8 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ ۇيىمداستىرۋىمەن «بيزنەستى قورعاۋ - ءوزارا ءىس-قيمىل، دامۋ، پروبلەمالار جانە ولاردى شەشۋ جولدارى» تاقىرىبىندا دوڭگەلەك ۇستەل ءوتتى، دەپ حابارلايدى Egemen.kz.

شاراعا دەپارتامەنت باسشىسى ا.جۇماعالي، ونىڭ ءبىرىنشى ورىنباسارى ت.سەرىكباەۆ، قالالىق كاسىپكەرلەر پالاتاسى ديرەكتورى ورىنباسارىنىڭ مىندەتىن اتقارۋشى س. ادامبەكوۆا، كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ توراعاسى م.سەيتجانوۆ، كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى ب.دۇيسەبەكوۆ، «وڭتۇستىك» ارنايى ەكونوميكالىق ايماق باسقارۋشى كومپانياسى» اق باسقارما توراعاسى ن.دۇيسەنوۆ،  «ادال» ادۆوكاتتار كەڭسەسىنىڭ باسشىسى ت.ەسيموۆ، وڭىرلىك جانە شەتەل بيزنەس وكىلدەرى قاتىستى.

بيزنەس وكىلدەرى قاتىسقان جيىندا دەپارتامەنت باسشىسى اسحات جۇماعالي بيزنەسكە قولايلى جاعداي جاساۋ جانە ونىڭ دامۋى مەملەكەتتىك ساياساتتىڭ نەگىزگى باعىتتارىنىڭ ءبىرى بولىپ تابىلاتىندىعىن اتاپ ءوتتى. دەپارتامەنت باسشىسىنىڭ ايتۋىنشا  كاسىپكەرلىكتى كەشەندى قورعاۋدى قامتاماسىز ەتۋ ماقساتىندا اگەنتتىكپەن "Protecting Business and Investments، ياعني بيزنەس پەن ينۆەستورلاردى قورعاۋ" جوباسى ىسكە اسىرىلۋدا.

«ينۆەستورلاردىڭ سىبايلاس جەمقورلىققا قارسى سۇيەمەلدەۋگە الىنۋىنىڭ باستى شارتى مەملەكەتىمىزدىڭ اۋماعىندا ادال جانە پاراساتتى بيزنەس جۇرگىزۋ بويىنشا وزىنە مىندەتتەمە الۋ بولىپ تابىلادى. اتالعان جوبا  دەپارتامەنتپەن دە جۇزەگە اسىرىلۋدا. بۇگىنگى تاڭدا جالپى سوماسى 78 ملرد. تەڭگەگە جۋىق 45  جوبا سۇيەمەلدەنۋدە»، دەدى اسحات جۇماعالي. 

جالپى العاندا، وتكەن جىلدىڭ وزىندە بيزنەستى قورعاۋ شەڭبەرىندە دەپارتامەنتپەن 30-دان اسا كاسىپكەرلىك سۋبەكتىسىنىڭ قۇقىقتارى قالپىنا كەلتىرىلىپ، ولاردىڭ قىزمەتىنە زاڭسىز ارالاسقانى ءۇشىن 13 لاۋازىمدى تۇلعا قىلمىستىق جاۋاپكەرشىلىككە تارتىلعان. سونىمەن قاتار، دوڭگەلەك ۇستەلدە كاسىپكەرلىك سۋبەكتىلەرىنىڭ قۇقىقتارى مەن زاڭدى مۇددەلەرىن قامتاماسىز ەتۋگە جانە قورعاۋعا بايلانىستى اتقارىلعان جۇمىستار تالقىعا سالىندى. بيزنەستى قورعاۋ ماسەلەلەرى ەركىن فورماتتا تالقىلانعان جيىندا قۇقىق بۇزۋشىلىقتاردىڭ الدىن الۋ جانە ۇيىمنىڭ ىسكەرلىك بەدەلىن قورعاۋ ماقساتىندا كۆازيمەملەكەتتىك جانە جەكە سەكتور ۇيىمدارىندا كورپوراتيۆتىك ادالدىق ستاندارتتارىن ساقتاۋعا جاۋاپتى جەمقورلىققا قارسى كومپلاەنس-قىزمەتتەر ينستيتۋتىن قۇرۋ، ISO 37001 سىبايلاس جەمقورلىققا قارسى ستاندارتىن ەنگزىۋ جولدارى قاراستىرىلدى.

سونداي-اق كاسىپكەرلىكتىڭ دامۋىنا كەدەرگى كەلتىرەتىن وزەكتى پروبلەمالىق ماسەلەلەر تالقىلانىپ، بيزنەس وكىلدەرىنىڭ ۇسىنىس-پىكىرلەرى تىڭدالدى. دوڭگەلەك ۇستەل سوڭىندا «نۇر-kz»، «بۋمپروم»، «ەكوفارم ينتەرنەيشنل»، «Green Cross Eco» جشس-مەن سىبايلاس جەمقورلىققا قارسى سۇيەمەلدەۋ بويىنشا كەلىسىم شارتقا قول قويىلدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار