ەكونوميكا • 26 اقپان، 2021

احمەتجان ەسىموۆ ءباا-ءنىڭ ءال-اۋقات قورىنىڭ باسشىلىعىمەن كەزدەستى

22 رەت كورسەتىلدى

«سامۇرىق-قازىنا» اق باسقارما توراعاسى ا.س. ەسىموۆ ءباا-ءنىڭ Mubadala Investment Company ەگەمەندى ءال-اۋقات قورىنىڭ باسشىلىعىمەن كەزدەسۋ وتكىزدى. كەزدەسۋ بارىسىندا تاراپتار اعىمداعى ىنتىماقتاستىق پەن قر ەكونوميكاسىنىڭ ءتۇرلى سەكتورلارىنا بىرلەسىپ ينۆەستيتسيالاۋ پەرسپەكتيۆالارىن تالقىلادى، دەپ حابارلايدى Egemen.kz.

قازىرگى ۋاقىتتا مۋبادالا ينۆەستيتسيالىق كومپانياسىنىڭ قاتىسۋىمەن جۇزەگە اسىرىلعان «قورعاس-شىعىس قاقپاسى» اەا اۋماعىندا زاماناۋي قويمالاردى سالۋ جوباسىنا «قازاقستان تەمىر جولى» ۇك »اق كىرۋى قاراستىرىلۋدا.

«سامۇرىق-قازىنا» اق باسشىسى ينۆەستيتسيالىق حولدينگ ۇلگىسىنىڭ وزگەرۋى مەن اۋىسۋىن ەسكەرە وتىرىپ، ءباا ەگەمەندى قورىن جاڭارتىلاتىن ەنەرگيا كوزدەرى جوبالارى، تاۋ-كەن، تەلەكوممۋنيكاتسيا سەكتورلارىندا جانە ينفراقۇرىلىمدىق جوبالار سياقتى باسقا باعىتتار بويىنشا ودان ءارى بىرلەسىپ ينۆەستيتسيالاۋ ءۇشىن شاقىردى.

ساپار بارىسىندا ستراتەگيالىق قۇجاتتارعا قول قويىلدى.

«سامۇرىق-قازىنا» مەن Mubadala – Abu Dhabi Future Energy Company (Masdar) ەنشىلەس كاسىپورنى قازاقستاندا جاڭارتىلاتىن ەنەرگيا كوزدەرى سەكتورىن دامىتۋ جانە زەردەلەۋ تۋرالى مەموراندۋمعا قول قويدى.

«KMG Drilling&Services» جانە «Caspian Drilling Company»  كاسپي تەڭىزىنىڭ ازەربايجان سەكتورىندا قازاقستاندىق وزدىگىنەن كوتەرىلەتىن «Satti»  بۇرعىلاۋ قوندىرعىسىمەن ۇڭعىمالاردى بۇرعىلاۋ تۋرالى كەلىسىمگە قول قويدى، وندا ازىربايجاندىق SOCAR مەن بريتاندىق British Petroleum بىرلەسكەن بارلاۋ جۇمىستارىن جۇرگىزۋدە.

سونداي-اق باسقا الەۋەتتى ينۆەستورلارمەن، ونىڭ ىشىندە اتىراۋ وبلىسىنداعى گاز-حيميا كەشەنى جوبالارىنداعى ىنتىماقتاستىق بويىنشا كەلىسسوزدەر جۇرگىزىلدى. قۇنى 2،6 ملرد اقش دوللارى بولاتىن «پوليپروپيلەن»  زاۋىتىنىڭ قۇرىلىسى وسى جىلى اياقتالادى.

2022 جىلى ءونىمنىڭ العاشقى پارتياسى شىعارىلادى.

قۇنى 6،5 ملرد اقش دوللارىن قۇرايتىن «پوليەتيلەن» جوباسىن ىسكە اسىرۋ ءۇشىن قۇجاتتاما ازىرلەنۋدە جانە ستراتەگيالىق ينۆەستور ىزدەستىرىلۋدە.

بۇل جوبالاردى «سامۇرىق-قازىنا» اق قورى جۇزەگە اسىرۋدا، ولار گاز حيمياسىن دامىتۋ ءۇشىن ستراتەگيالىق ماڭىزى بار جانە تەڭىز كەن ورنىنىڭ شيكىزاتىن تەرەڭ وڭدەۋگە باعىتتالعان.

جوبالاردى ىسكە اسىرۋ العاش رەت اۋقىمدى قايتا وڭدەۋ قۋاتتارىن قۇرۋعا جانە ونەركاسىپتىك جانە حالىق تۇتىناتىن وندىرىستەردىڭ كەڭ سپەكترى ءۇشىن بازالىق ءونىم شىعارۋدى رەتتەۋگە مۇمكىندىك بەرەدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار