پرەزيدەنت • 25 اقپان، 2021

پرەزيدەنت بىرقاتار مەملەكەتتىڭ ەلشىسىنەن سەنىم گراموتالارىن قابىلدادى

25 رەت كورسەتىلدى

اقوردا رەزيدەنتسياسىندا ءۇش مەملەكەتتىڭ قايتا تاعايىندالعان توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى ءوتتى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

سەنىم گراموتالارىن لاتۆيا رەسپۋبليكاسىنىڭ ەلشىسى يرينا مانگۋلە، تۇرىكمەنستان ەلشىسى باتىر رەدجەپوۆ جانە تايلاند كورولدىگىنىڭ ەلشىسى چاتچاۆان ساكورنسين تابىستادى.

قاسىم-جومارت توقاەۆ ەلشىلەردى قازاقستانداعى ديپلوماتيالىق ميسسيانىڭ رەسمي تۇردە باستالۋىمەن قۇتتىقتاپ، ولاردىڭ مول تاجىريبەسى مەن كاسىبي بىلىكتىلىگى دوستاس حالىقتاردىڭ ءارتۇرلى سالالار بويىنشا جاقىنداسا تۇسۋىنە ىقپال ەتەدى دەپ سەنەتىنىن جەتكىزدى. مەملەكەت باسشىسى پرەزيدەنت اكىمشىلىگى مەن ۇكىمەت تاراپىنان ەلشىلەردىڭ يگىلىكتى ميسسياسىن ورىنداۋعا تولىق قولداۋ ءارى كومەك كورسەتىلەتىنىن ايتتى.

قاسىم-جومارت توقاەۆ يرينا مانگۋلەمەن اڭگىمەلەسۋ بارىسىندا قازاقستان لاتۆيا رەسپۋبليكاسىمەن اراداعى ەجەلدەن بەرىك دوستىققا، تەرەڭ تاريحي بايلانىستارعا جانە مۇددەلەرگە نەگىزدەلگەن قارىم-قاتىناستاردى جوعارى باعالايتىنىن اتاپ ءوتتى.  مەملەكەت باسشىسى ەكى ەل اراسىنداعى ەكىجاقتى بايلانىستاردىڭ جىلدام دامىپ كەلە جاتقانىن ايتىپ، ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ جۇمىسىنا ەرەكشە توقتالدى.

– قازاقستان لاتۆيامەن كوپ جوسپارلى ىنتىماقتاستىقتى، اتاپ ايتقاندا، كولىك جانە لوگيستيكا، ەنەرگەتيكا، جاڭارتىلاتىن ەنەرگيا كوزدەرى، جاڭا تەحنولوگيالار سالالارى بويىنشا ىقپالداستىقتى ودان ءارى كەڭەيتۋگە مۇددەلى، – دەدى قازاقستان پرەزيدەنتى.

قاسىم-جومارت توقاەۆ باتىر رەدجەپوۆپەن اڭگىمەلەسۋ كەزىندە تۇرىكمەنستان ىقىلىم زاماننان بەرى قازاقستاننىڭ تاتۋ كورشىسى ءارى باۋىرلاس ەل ەكەنىن اتاپ ءوتىپ، تاۋەلسىزدىكتىڭ 30 جىلى ىشىندە ەكى مەملەكەت تە شىنايى ستراتەگيالىق ارىپتەستىك قاتىناس ورناتقانىن ايتتى. مەملەكەت باسشىسى «كاسپي بەستىگى»، ارالدى قۇتقارۋ جونىندەگى حالىقارالىق قور جانە ەكونوميكالىق ىنتىماقتاستىق ۇيىمى اياسىنداعى بىرلەسكەن جۇمىستاردان زور ءۇمىت كۇتەتىنىن جەتكىزدى. بۇل رەتتە، مەملەكەت باسشىسى تۇرىكمەنستان كوشباسشىسى گۋربانگۋلى بەردىمۇحامەدوۆتىڭ كاسپي ءسامميتىن اشحابادتا وتكىزۋ جونىندەگى ۇسىنىسىن قولدايتىنىن ايتتى.

– ءبىز بارلىق باعىتتار بويىنشا ەكىجاقتى كووپەراتسيانى ۇلعايتۋعا مۇددەلىمىز. كۇش-جىگەرىمىزدى بىرىكتىرە وتىرىپ، جاقىن ارادا ەكىجاقتى ساۋدا اينالىمىن ايتۋلى مەجەگە دەيىن، ياعني، 1 ميلليارد دوللارعا جەتكىزۋگە مۇمكىندىگىمىز بار، – دەدى قاسىم-جومارت توقاەۆ.

پرەزيدەنت تايلاند كورولدىگىمەن ەكىجاقتى قاتىناستار جايىندا ايتا كەلىپ، بۇل ەلمەن ءوزارا ىقپالداستىق قازاقستاننىڭ ازيا باعىتىنداعى سىرتقى ساياساتىنىڭ اجىراماس بولىگى ەكەنىن اتاپ ءوتتى.  قاسىم-جومارت توقاەۆ ەكىجاقتى جانە كوپجاقتى فورماتتاعى، ونىڭ ىشىندە، بىرىككە ۇلتتار ۇيىمى مەن ازياداعى ءوزارا ءىس-قيمىل جانە سەنىم شارالارى جونىندەگى كەڭەس شەڭبەرىندەگى بايلانىستاردىڭ تابىستى دامىپ كەلە جاتقانىنا نازار اۋداردى.

– ءبىز پاندەميادان كەيىنگى كەزەڭدە ەكونوميكالىق جانە كوممەرتسيالىق بايلانىستارىمىزدى نىعايتۋ ماقساتىندا تايلاند كورولدىگىنىڭ ۇكىمەتىمەن جانە تاي كومپانيالارىمەن ىنتىماقتاستىق جاساسۋعا مۇددەلىمىز، – دەدى مەملەكەت باسشىسى.

سالتاناتتى ءراسىم سوڭىندا قاسىم-جومارت توقاەۆ لاتۆيا پرەزيدەنتى ەگيلس لەۆيتسكە، تۇرىكمەنستان پرەزيدەنتى گۋربانگۋلى بەردىمۇحامەدوۆكە جانە تايلاند كورولى ماحا ۆاچيرالونگكورنعا جۇرەكجاردى سالەمى مەن يگى تىلەگىن جولدادى.

شەتەلدىك ەلشىلەر پرەزيدەنتكە ءوز ەلدەرى مەن قازاقستان اراسىنداعى ىنتىماقتاستىقتى ودان ءارى نىعايتۋعا بار كۇش-جىگەرىن جۇمىلدىراتىندارىن ايتتى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار