وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ۇرلىق «نۇرسايا» شاعىن اۋدانىنداعى ۇيلەردىڭ بىرىندە بولعان.
«پوليتسيا قىزمەتكەرلەرى تۇرعىن ءۇيدىڭ ەسىگىن بۇزىپ كىرگەن ۇرىلار 14 دانا جىلىتۋ باتارەياسىن, 1 دانا پەرفوراتورى مەن 250 مەترلىك كابەلدى قول ەتكەنىن انىقتادى. ءتارتىپ ساقشىلارى اتالعان ۇرلىققا قاتىسى بار ەكى كۇدىكتىنى ۆيدەوكامەرانىڭ كومەگىمەن ءبىر كۇندە ۇستادى. كۇدىكتىلەر – اتىراۋ قالاسىنىڭ 32 جانە 31 جاستاعى تۇرعىندارى. ۇرىلار جابىرلەنۋشى ازاماتقا 477 مىڭ تەڭگە كولەمىندە ماتەريالدىق زالال كەلتىرگەن» دەپ حابارلادى دەپارتامەنتتىڭ ءباسپاسوز قىزمەتى.
قازىر كۇدىكتىلەرگە قاتىستى قر قىلمىستىق كودەكسىنىڭ 188-بابى, 3 بولىگىمەن سوتقا دەيىنگى تەرگەۋ باستالدى.
