مالىمدەمەدە كورسەتىلگەندەي, بۇل تاريحي قادام مەملەكەتىمىزدىڭ جاڭعىرۋ جولىنداعى ماڭىزدى بەلەسى بولىپ سانالادى جانە قوعامداعى دەموكراتيالىق قۇندىلىقتاردى نىعايتۋعا, ازاماتتاردىڭ قۇقىقتارى مەن بوستاندىقتارىن قورعاۋعا باعىتتالعان.
پارتيا توراعاسى سەرىك ەگىزباەۆ ءوز سوزىندە بۇل تاڭداۋدىڭ مانىنە توقتالىپ:
«كەشەگى رەفەرەندۋم – قازاقستان حالقىنىڭ ءوز بولاشاعىنا دەگەن بيىك جاۋاپكەرشىلىگى مەن ساياسي كەمەلدىگىن كورسەتتى. ءبىز بۇل تاڭداۋدى مەملەكەت باسشىسى قاسىم-جومارت توقاەۆتىڭ رەفورماتورلىق باعىتىنا دەگەن شىنايى حالىقتىق سەنىم دەپ بىلەمىز. «اۋىل» پارتياسى ءۇشىن بۇل تەك ساياسي قۇجات ەمەس, بۇل – جاڭا قوعامدىق كەلىسىم. ءبىز جاڭارعان ساياسي جۇيەدە, جاڭا تالاپتار جاعدايىندا ەل مۇددەسى ءۇشىن ايانباي قىزمەت ەتۋگە, اۋىل ەڭبەككەرلەرى مەن قاتارداعى ازاماتتاردىڭ قۇقىعىن قورعاۋعا تولىق دايىنبىز», دەپ مالىمدەدى.
«اۋىل» پارتياسى قابىلدانعان جاڭا اتا زاڭدى «ناعىز حالىقتىق كونستيتۋتسيا» دەپ باعالاي وتىرىپ, ونىڭ پارتيالىق جۇيەگە جۇكتەيتىن جاۋاپكەرشىلىگىن تەرەڭ سەزىنەتىنىن جەتكىزدى.
«بايتاق» پارتياسىنىڭ توراعاسى: كونستيتۋتسيا ەلىمىزدىڭ دامۋىنا بەرىك قۇقىقتىق ىرگەتاس قالادى
مالىمدەمەدە اتاپ وتىلگەندەي, رەفەرەندۋم قورىتىندىسى پرەزيدەنتتىڭ رەفورمالىق باستامالارىنا حالىقتىڭ كورسەتكەن ناقتى قولداۋى مەن ايقىن سەنىمىنىڭ ايعاعى.
پارتيانىڭ ساياسي كەڭەسى پرەزيديۋمى حالىق تاڭداعان جاڭا كونستيتۋتسيا قازاقستاننىڭ بۇگىنى مەن بولاشاعىنا قالتقىسىز قىزمەت ەتەتىنىنە كامىل سەنەتىنىن اتاپ كورسەتتى.
