ايماقتار • 25 اقپان، 2021

ومىرزاق شوكەەۆ: «Turkestan Textile» يمپورتتى الماستىرۋعا وڭ اسەرىن تيگىزەدى

25 رەت كورسەتىلدى

تۇركىستان وبلىسىنىڭ سپورتشىلارى، دارىگەرلەرى مەن مەكتەپ وقۋشىلارىنىڭ ارنايى فورمالارى «Turkestan Textile «بك» فابريكاسىندا تىگىلەدى. كاسىپورىنعا 200 مىڭعا جۋىق ارنايى كيىمگە تاپسىرىس بەرىلدى، دەپ حابارلايدى Egemen.kz.

وبلىس اكىمى ومىرزاق شوكەەۆ قىسقا مەرزىمدە ىسكە قوسىلعان تىگىن فابريكاسىندا بولدى. وتاندىق ءونىمنىڭ ۇلەسىن ارتتىرۋعا ىقپال ەتەتىن الەۋمەتتى ماڭىزى بار كاسىپورىن، ءبىلىم بەرۋ جانە مەديتسينالىق مەكەمەلەر مەن دەنە شىنىقتىرۋ جانە سپورت باسقارمالارىمەن بىرلەسە جۇمىس ىستەپ، جەرگىلىكتى قامتۋ ۇلەسىن ارتتىرۋعا ىقپال ەتپەك. «بۇگىنگى تاڭدا ۇكىمەتتىڭ نەگىزگى ماقساتى ىشكى نارىقتى قورعاۋ جانە ۇلتتىق ەكونوميكانى دامىتۋ بولىپ تابىلادى. ءبىزدىڭ الدىمىزدا يمپورتقا تاۋەلدىلىكتەن ارىلا وتىرىپ، ءوز ءوندىرىسىمىزدى بارىنشا دامىتۋ مىندەتى تۇر. وسىعان بايلانىستى فابريكا ءونىمى يمپورتتىڭ ورنىن باسۋعا وڭ اسەرىن تيگىزەدى»،  دەدى وبلىس اكىمى.

بۇگىندە زاۋىتتا دايىن ءونىمنىڭ باي اسسورتيمەنتى قالىپتاسقان. ماسەلەن، توسەك-ورىن تۇرلەرى، جۇمىس كيىمدەرى، سپورتتىق جابدىقتار، مەديتسينا قىزمەتكەرلەرىنە ارنالعان فورمالار وتىندىق مامانداردىڭ قولىنان شىعۋدا. تۇتىنۋشى تالابى ەسكەرىلگەن. باعالار دا قولجەتىمدى. وندىرىستە Baoyu جانە Jack فيرمالارىنىڭ 400-گە جۋىق زامانۋاني قۇرال-جابدىقتارى قولدانىلادى. ونىڭ 333-ءى اۆتوماتتاندىرىلعان جانە سوڭعى ۇلگىدەگى تىگىن ماشينالارى. ايەلدەردى، ونىڭ ىشىندە تۇرمىسى تومەن وتباسى مۇشەلەرىن جۇمىسپەن قامتۋ ماقساتىندا ىسكە قوسىلعان الەۋمەتتىك جوبا بارىسىندا 72 ادام تۇراقتى جۇمىس تاپتى. وسى فابريكاعا جۇمىسقا ورنالاسۋ ءۇشىن 180 ادام تىگىنشىلىكتىڭ قىر-سىرىن مەڭگەرۋدە. سونىمەن قاتار، مۇندا تەوريانى وندىرىسپەن ۇشتاستىرا وقىتۋ بويىنشا تۇركىستان كوپسالالى قولونەر كوللەدجىنىڭ ستۋدەنتتەرى تاجىريبە الۋدا.

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار