ينۆەستورلار قازاقستاننىڭ ۇلتتىق پاركتەرىندە ەكوتۋريزمدى دامىتۋعا نيەتتى

ەكولوگيا • 25 اقپان، 2021

ينۆەستورلار قازاقستاننىڭ ۇلتتىق پاركتەرىندە ەكوتۋريزمدى دامىتۋعا نيەتتى

16 رەت كورسەتىلدى

كەلەسى اپتادا الەۋەتتى ينۆەستورلاردان جەكەلەگەن ۇلتتىق پاركتەر ۋچاسكەلەرىن ۇزاق مەرزىمدى پايدالانۋعا رۇقسات الۋعا جانە ولاردا تۋريستىك جانە رەكرەاتسيالىق ماقساتتاعى وبەكتىلەر سالۋعا ارنالعان تەندەرلەرگە قاتىسۋعا وتىنىمدەر بەرۋ مەرزىمى اياقتالادى، دەپ حابارلايدى Egemen.kz.

Marzhan Tileubekova

بۇل باعدارلاماعا "التىن ەمەل"، "كولساي كولدەرى" جانە "شارىن" مەملەكەتتىك ۇلتتىق تابيعي پاركتەرى قاتىسادى. بۇگىنگى تاڭدا تەندەرلەرگە قاتىسۋعا 7 الەۋەتتى ينۆەستور ءوتىنىم بەردى.

قازاقستاننىڭ ەرەكشە قورعالاتىن تابيعي اۋماقتارىندا ءتۋريزمنىڭ دامۋىن تەجەيتىن نەگىزگى فاكتورلار تۋريستىك جانە رەكرەاتسيالىق قىزمەتتى دامىتۋ جونىندەگى ءىس-شارالاردى قارجىلاندىرۋدىڭ جەتكىلىكسىزدىگى، تۋريزم وبەكتىلەرىنە ينفراقۇرىلىمنىڭ السىزدىگى، تۋريزم وبەكتىلەرىنىڭ ماۋسىمدىلىعى، بىلىكتى پەرسونالدىڭ بولماۋى بولىپ تابىلادى.

وسى سالاداعى كورسەتىلگەن جانە باسقا دا بىرقاتار پروبلەمالاردى شەشۋ ماقساتىندا 2019 جىلى قازاقستان رەسپۋبليكاسىندا تۋريستىك سالانى دامىتۋدىڭ 2019-2025 جىلدارعا ارنالعان مەملەكەتتىك باعدارلاماسى قابىلداندى. بۇل رەتتە مەملەكەتتىك باعدارلامانى ىسكە اسىرۋدىڭ باستاپقى كەزەڭىندەگى مەملەكەتتىڭ بەلسەندى ءرولى سالا سۋبەكتىلەرىن ودان ءارى دامىتۋ جانە باسەكەگە قابىلەتتىلىگىن ارتتىرۋ ءۇشىن قاجەتتى قولداۋدى قامتاماسىز ەتۋگە ءتيىس.

مەملەكەتتىك باعدارلامانىڭ باسىم باعىتتارىنىڭ ءبىرى الماتى ءوڭىرىنىڭ تاۋ كلاستەرى بولىپ تابىلادى. ونىڭ قۇرامىنا 4 ۇلتتىق پاركتىڭ ("التىن ەمەل"، "شارىن"، "كولساي كولدەرى" جانە "ىلە الاتاۋى") اۋماقتارى ەنگىزىلگەن. كلاستەردىڭ الەۋەتى جىلىنا 2،5 ملن. تۋريست قابىلداۋعا جەتەدى (اعىمداعى اعىن - 500 مىڭ).

اتالعان ۇلتتىق پاركتەر ءۇشىن قر ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق ءتۋريزمدى دامىتۋ تۇجىرىمداماسىنىڭ ازىرلەدى. وندا دامىعان شەت ەلدەردىڭ تاجىريبەسى ەسكەرىلدى.

سونىمەن قاتار، قابىلداناتىن شەشىمدەردىڭ اشىقتىعىن قامتاماسىز ەتۋ ءۇشىن ۇلتتىق پاركتەردە قوعامدىق كەڭەستەر قۇرىلدى.

ىلە-الاتاۋ مۇتپ اۋماعىندا ينۆەستورعا ۋچاسكەلەر بەرۋدەن العاشقى وڭ ناتيجەلەر بار ەكەنىن اتاپ ءوتۋ قاجەت. وسى جوبا اياسىندا ۆيزيت-ورتالىق سالىنىپ، وزەن ارقىلى وتەتىن كوپىر مەن ايۋساي شاتقالىنىڭ اينالما جولدارى جابدىقتالدى، قاتتى-تۇرمىستىق قالدىقتاردى بولەك جيناۋدى ەنگىزۋ بويىنشا جۇمىستار جۇرگىزىلدى.

جوعارىدا كورسەتىلگەن تەندەرلەردىڭ شارتتارىنا سايكەس، الەۋەتتى ينۆەستورلار ۇلتتىق پاركتەردە ۆيزيت-ورتالىقتار سالۋى ءتيىس. ءتۋريزمدى دامىتۋ بويىنشا نىساندار قاتارىندا ەكو-وتەل، گلەمپينگ، كەمپينگ، "قازاق اۋىلى" جانە ت. ب. بار.

ءوز تاراپىنان تۋريستىك جانە رەكرەاتسيالىق قىزمەتتى جۇزەگە اسىراتىن ينۆەستورلاردى تارتۋ ءۇشىن ەكولوگيا مينيسترلىگى جەرگىلىكتى اتقارۋشى ورگاندارمەن بىرلەسىپ ۇلتتىق پاركتەردە ينفراقۇرىلىم وبەكتىلەرىن (ەبج، جولدار، كوپىرلەر جانە ت.ب.) سالۋ جوسپارلاۋدا. بۇل جۇمىس الماتى تاۋ كلاستەرىنىڭ 4 ۇلتتىق تابيعي پاركىندە باستالدى.

سونداي-اق، قالعان 8 ۇلتتىق پاركتە ەكوتۋريزمدى دامىتۋ تۇجىرىمداماسىن ازىرلەۋ جانە بەكىتۋ، وندا ەكوتۋريزمدى دامىتۋ جونىندەگى قوعامدىق كەڭەستەر قۇرۋ جونىندەگى جۇمىس جالعاستىرىلاتىن بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز