ەكولوگيا • 25 اقپان، 2021

ىلە-الاتاۋ ۇلتتىق تابيعي پاركىنە - 25 جىل

16 رەت كورسەتىلدى

ونلاين-فورماتتا ۇيىمنىڭ قۇرىلعانىنا 25 جىل تولۋىنا ارنالعان «بيوالۋانتۇرلىلىكتى ساقتاۋ، ەكوجۇيەلەردى تۇراقتى باسقارۋ ماسەلەلەرى جانە ىلە-الاتاۋ ۇلتتىق تابيعي پاركىندە ەكوتۋريزمدى دامىتۋ پەرسپەكتيۆالارى» اتتى رەسپۋبليكالىق عىلىمي-پراكتيكالىق كونفەرەنتسيا ءوتتى، دەپ حابارلايدى Egemen.kz.

كونفەرەنتسيا جۇمىسىنا ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ، ىلە-الاتاۋ مۇتپ، بۇۇدب، ءتۇرلى ەكولوگيالىق قوعامدىق ۇيىمداردىڭ، سونداي-اق جوعارى وقۋ ورىندارىنىڭ وكىلدەرى قاتىستى.

كونفەرەنتسيا بارىسىندا ىلە-الاتاۋ مۇتپ-ءنىڭ بيوالۋانتۇرلىلىگىنىڭ قازىرگى جاعدايىنا قاتىستى ماسەلەلەر قوزعالدى.

ءىس-شاراعا قاتىسۋشىلاردىڭ الدىندا ىلە-الاتاۋ مۇتپ باس ديرەكتورىنىڭ ورىنباسارى دارحان يسابەكوۆ ءسوز باستاپ، پاركتىڭ 1996 جىلى 22 اقپاندا قۇرىلعانىن ەسكە سالدى. د. يسابەكوۆ بايانداماسىندا پاركتىڭ جالپى اۋدانى 199 185 گا قۇرايتىنى، ونىڭ ىشىندە قورىق 62 137 گا (31،2%)، تۋريستىك-رەكرەاتسيالىق قىزمەت ايماعى - 15 408 گا-دى (7،8%) الىپ جاتقانى باياندالدى.

ۇلتتىق پاركتى قۇرۋدىڭ نەگىزگى ماقساتى – بىرەگەي تابيعي كەشەندەر مەن ەكوجۇيەلەردى ساقتاۋ بولىپ تابىلادى.

ايتا كەتۋ كەرەك، ساياباقتىڭ فلوراسى مەن فاۋناسى باي جانە الۋان ءتۇرلى. مۇندا ومىرتقالى جانۋارلاردىڭ 270-كە جۋىق ءتۇرى مەكەندەيدى، ولاردىڭ 16-سى قازاقستاننىڭ قىزىل كىتابىنا ەنگىزىلگەن. ساياباقتا وسەتىن وسىمدىكتەردىڭ 2000-نان استام ءتۇرىنىڭ 37-ءسى «قىزىل كىتاپ»-قا ەنگىزىلگەن. سونىمەن قاتار، مۇتپ اۋماعىندا 5000-نان استام جاندىكتەر مەن ورمەكشىلەر مەكەندەيدى.

پاركتە جانۋارلار دۇنيەسىن قورعاۋ جانە ءوسىمىن مولايتۋ ءۇش نەگىزگى باعىت بويىنشا جۇزەگە اسىرىلادى: كۇزەت، ەسەپكە الۋ جانە بيوتەحنيكالىق شارالار. قازىرگى ۋاقىتتا قولدانىستاعى زاڭناماعا سايكەس ساياباقتا اڭ اۋلاۋ قىزمەتى جۇرگىزىلمەيدى.

بيوالۋانتۇرلىلىكتى زەرتتەۋ جانە ۇلتتىق پاركتىڭ ەكوجۇيەلەرىنە مونيتورينگ جۇرگىزۋ ءۇشىن ءتۇرلى باعىتتار بويىنشا عىلىمي-زەرتتەۋ جۇمىستارى جۇرگىزىلۋدە.

بايانداماشى سونداي-اق ساياباقتا ورنالاسقان اپورتتىڭ الما باعىن جاڭعىرتۋ ماسەلەلەرىنە جينالعانداردىڭ نازارىن اۋداردى. جوبانى بارلىق مۇددەلى تاراپتاردى، عالىمداردى، جەرگىلىكتى قوعامداستىقتار مەن مامانداردى تارتا وتىرىپ، پاركتىڭ بيوالۋانتۇرلىلىگىن تۇراقتى باسقارۋ نەگىزىندە ىسكە اسىرۋعا بولادى. قازىرگى ۋاقىتتا ساياباقتاعى ەسكى الما باقتارىنىڭ اۋدانى 200 گا-دى قۇرايدى.

پاركتەگى ەكوتۋريزمدى دامىتۋدىڭ تاعى ءبىر ماڭىزدى جوباسى جىلۋ كوزدەرى بولۋى مۇمكىن. تۇششى سۋ كوزدەرىن اشۋ جانە جاقسارتۋ مۇتپ-نىڭ پەرسپەكتيۆالىق مىندەتتەرى رەتىندە بەلگىلەنگەن.

كونفەرەنتسيا اياسىندا ەكوتۋريزم مەن ەلدەگى ساياباقتاردى دامىتۋ پەرسپەكتيۆالارى تۋرالى ماسەلەلەر تالقىلانىپ، كەلگەن بايانداماشىلار ءوز باياندامالارىن وسى تاقىرىپ اياسىندا تارقاتتى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار