ەكونوميكا • 25 اقپان، 2021

2021 جىلى كولىك ساتىلىمى بىلتىردان دا اسىپ تۇسە مە؟

32 رەت كورسەتىلدى

2020 جىلى قازاقستان كولىك ساتۋ جانە ساتىپ الۋ بويىنشا وسىمگە يە بولعاندىعى بەلگىلى. قىزمەتكەرلەردىڭ ونلاين جۇمىسقا كوشۋى، ينتەرنەت-ساۋدانىڭ ارتىقشىلىققا يە بولۋى دا كولىك ساتىلىمىنا كەدەرگى بولا العان جوق. جىلدىڭ ارتىق-كەمىن باعالاۋ ماقساتىندا قازاقستان اۆتوبيزنەس قاۋىمداستىعى رەسمي ديلەرلەر اراسىندا ساۋالناما جۇرگىزگەن، دەپ حابارلايدى Egemen.kz.

ساۋالناماعا قاتىسۋشىلاردىڭ 50 پايىزى تەڭگە كۋرسىنىڭ قۇبىلۋى نارىققا كەرى اسەر ەتكەنىن ايتسا، 36 پايىزى ايتارلىقتاي اسەرى بولماعاندىعىن ايتادى. قاتىسۋشىلاردىڭ 57 پايىزى قازاقستاننىڭ ەاەو اياسىندا بولۋىن ىڭعايلى دەپ باعالاسا، 36 پايىزى ارمەنيالىق كولىكتەردى ەسەپكە قويۋدىڭ كەرى اسەر بەرگەنىن ايتقان. سونداي-اق 42 پايىز ديلەرلەر 2020 جىلى ساتىلىم جوسپارلى كورسەتكىشتەن اسىپ تۇسكەنىن ءمالىم ەتكەن.

رەسپوندەنتتەردىڭ 93 پايىزى 2020 جىلى جاڭا اۆتوموبيلدەر باعاسىنىڭ وزگەرگەنىن اتاپ ءوتتى. ولاردىڭ 79 پايىزى بۇل فاكتوردىڭ ساتىلىمعا كەرى اسەرى بولدى دەيدى. سوعان قاراماستان باعا ايتارلىقتاي كوتەرىلمەگەن. ەگەر 2018 جىلدىڭ سوڭىندا باعالار ورتاشا العاندا 11 پايىزعا جوعارىلاسا، 2019 جىلدىڭ سوڭىندا 6،3 پايىزعا، 2020 جىلدىڭ سوڭىندا جەكەلەگەن برەندتەر مەن مودەلدەر ءۇشىن 5-7 پايىزعا كوتەرىلدى.

ديلەرلەر 2021 جىلى ساتىلىم بىلتىردان دا جوعارى بولادى دەپ بولجايدى. 50 پايىزى بىلتىرعىدان 5-10 پايىزعا جوعارى دەڭگەيدە كولىك ساتۋدى جوسپارلاسا، 14 پايىزى 10-20 پايىزعا، 21 پايىز ديلەر 20-30 پايىزعا ارتىق ساتىلىم جاساۋعا نيەتتى.

قازاقستان اۆتوبيزنەس قاۋىمداستىعىنىڭ مالىمەتىنشە، 2020 جىلى جاڭا اۆتوموبيلدەر ساتىلىمى 93 371 بىرلىككە جەتكەن. ەلىمىزدە بىلتىر 75 235 جەڭىل اۆتوكولىك، جۇك جانە جولاۋشىلار اۆتوترانسپورتتارى قۇراستىرىلعان. بۇل 2019 جىلمەن سالىستىرعاندا 52 پايىزعا جوعارى.

«نارىق پەن سالانىڭ دامۋ پەرسپەكتيۆاسىنا اناليز جاساي وتىرا بيىل نارىقتاعى جەرگىلىكتى اۆتوموبيلدەر ۇلەسىنىڭ ءوسۋ تەندەنتسياسى جالعاسادى. ءوز كەزەگىندە ءاۆتووندىرىس سالاسى ءوندىرىس قۋاتتىلىعىن ارتتىرىپ، شىعارىلعان ءونىمدى لوكاليزاتسيالاۋ جانە ەكسپورتتاۋدى ۇلعايتپاق. 2021 جىلى قاۋىمداستىق 100-120 مىڭ جەڭىل جانە كوممەرتسيالىق اۆتوكولىكتەر ساتىلىمى بولادى دەپ بولجايدى» دەلىنگەن قاۋىمداستىق حابارلاماسىندا.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار