سەنات توراعاسىنىڭ ورىنباسارى تۇراقتى كوميتەت وتىرىسىندا سويلەگەن سوزىندە ەقىۇ-نىڭ استانا ءسامميتى شەشىمدەرىنىڭ تاريحي قۇندىلىعى مەن ماڭىزىن اتاپ ءوتتى. ول سونداي-اق ەقىۇ سىرتقى ىستەر مينيسترلەرى كەڭەسى قابىلداعان ۇيىمنىڭ نەگىزگى ءتورت ينستيتۋتىنىڭ باسشىسىن تاعايىنداۋ تۋرالى شەشىمدەرگە قولداۋ ءبىلدىردى.
"قازاقستاننىڭ وكىلى ەقىۇ-نىڭ از ۇلتتار ىستەرى جونىندەگى جوعارعى كوميسسارى لاۋازىمىنا يە بولدى. وسىعان دەيىن تمد جانە ورتالىق ازيا ەلدەرىنىڭ وكىلدەرى ۇيىم باسشىلىعىنىڭ قۇرامىنا سايلانباعانىن ايتا كەتكەن ءجون. شىلدە ايىنداعى جىل سايىنعى سەسسياداعى سايلاۋ بارىسىندا دا گەوگرافيالىق تەڭ وكىلدىك قاعيداتى ساقتالادى دەپ ۇمىتتەنەمىز", - دەدى توراعا ورىنباسارى.
اسقار شاكىروۆ 10 قاڭتاردا جاڭا زاڭنامالىق نەگىزدە وتكەن قازاقستانداعى پارلامەنتتىك سايلاۋعا بايقاۋشىلار ميسسياسىن جىبەرگەنى ءۇشىن پارلامەنتتىك اسسامبلەياعا العىس ايتتى. ول تۇراقتى كوميتەت مۇشەلەرىن پرەزيدەنتتىك ساياسي رەفورمالار توپتاماسىمەن جانە مەملەكەت باسشىسى قاسىم-جومارت توقاەۆتىڭ كەيىنگى, اتاپ ايتقاندا, ساياسي پارتيالاردىڭ پارلامەنتكە ءوتۋ شەگىن 7-دەن 5%-عا دەيىن تومەندەتۋ, سونداي-اق سايلاۋ بيۋللەتەنىنە "بارىنە قارسى" تارماعىن ەنگىزۋ جونىندەگى باستامالارىمەن تانىستىردى.
ەقىۇ پا باس حاتشىسى روبەرتو مونتەللا قازاقستان دەلەگاتسياسى باسشىسىنىڭ سوزىنە جاۋاپ رەتىندە ەقىۇ-نىڭ 2010 جىلعى استانا ءسامميتىنىڭ ناتيجەلى قورىتىندىسىن ەسكەرە وتىرىپ: ء"بىز "استانا رۋحىن" جانداندىرۋىمىز كەرەك", - دەپ اتاپ ءوتتى.
فورۋم بارىسىندا اسسامبلەيانىڭ جالپى كوميتەتتەرىنىڭ (ساياسي ماسەلەلەر جانە قاۋىپسىزدىك; ەكونوميكالىق ماسەلەلەر, عىلىم, تەحنولوگيا جانە قورشاعان ورتا; دەموكراتيا, ادام قۇقىقتارى جانە گۋمانيتارلىق ماسەلەلەر بويىنشا) وتىرىستارى وتەتىن بولادى.
وسى وتىرىستار اياسىندا ەقىۇ پا-نىڭ جىل سايىنعى 29-شى سەسسياسىنىڭ (2021 جىلعى 6-10 شىلدەدە) قاراۋىنا شىعارىلاتىن تۇجىرىمدامالىق ماسەلەلەر بويىنشا پىكىر الماسۋ كوزدەلىپ وتىر.
ءىس-شارالارعا سەناتورلار اقمارال ءالنازاروۆا, عۇمار دۇيسەمباەۆ جانە قايرات قوجامجاروۆ قاتىسۋدا.
